भूतनाथ दशकम् | Bhutanatha Dasakam In Marathi

Also Read This In:- Bengali, English, Gujarati, Hindi, Kannada, Malayalam, Odia, Punjabi, Sanskrit, Tamil, Telugu.

पांड्यभूपतींद्रपूर्वपुण्यमोहनाकृते
पंडितार्चितांघ्रिपुंडरीक पावनाकृते ।
पूर्णचंद्रतुंडवेत्रदंडवीर्यवारिधे
पूर्णपुष्कलासमेत भूतनाथ पाहि माम् ॥ 1 ॥

आदिशंकराच्युतप्रियात्मसंभव प्रभो
आदिभूतनाथ साधुभक्तचिंतितप्रद ।
भूतिभूष वेदघोषपारितोष शाश्वत
पूर्णपुष्कलासमेत भूतनाथ पाहि माम् ॥ 2 ॥

पंचबाणकोटिकोमलाकृते कृपानिधे
पंचगव्यपायसान्नपानकादिमोदक ।
पंचभूतसंचय प्रपंचभूतपालक
पूर्णपुष्कलासमेत भूतनाथ पाहि माम् ॥ 3 ॥

चंद्रसूर्यवीतिहोत्रनेत्र नेत्रमोहन
सांद्रसुंदरस्मितार्द्र केसरींद्रवाहन ।
इंद्रवंदनीयपाद साधुवृंदजीवन
पूर्णपुष्कलासमेत भूतनाथ पाहि माम् ॥ 4 ॥

वीरबाहुवर्णनीयवीर्यशौर्यवारिधे
वारिजासनादिदेववंद्य सुंदराकृते ।
वारणेंद्रवाजिसिंहवाह भक्तशेवधे
पूर्णपुष्कलासमेत भूतनाथ पाहि माम् ॥ 5 ॥

अत्युदारभक्तचित्तरंगनर्तनप्रभो
नित्यशुद्धनिर्मलाद्वितीय धर्मपालक ।
सत्यरूप मुक्तिरूप सर्वदेवतात्मक
पूर्णपुष्कलासमेत भूतनाथ पाहि माम् ॥ 6 ॥

सामगानलोल शांतशील धर्मपालक
सोमसुंदरास्य साधुपूजनीयपादुक ।
सामदानभेददंडशास्त्रनीतिबोधक
पूर्णपुष्कलसमेत भूतनाथ पाहि माम् ॥ 7 ॥

सुप्रसन्नदेवदेव सद्गतिप्रदायक
चित्प्रकाश धर्मपाल सर्वभूतनायक ।
सुप्रसिद्ध पंचशैलसन्निकेतनर्तक
पूर्णपुष्कलासमेत भूतनाथ पाहि माम् ॥ 8 ॥

शूलचापबाणखड्गवज्रशक्तिशोभित
बालसूर्यकोटिभासुरांग भूतसेवित ।
कालचक्र संप्रवृत्ति कल्पना समन्वित
पूर्णपुष्कलासमेत भूतनाथ पाहि माम् ॥ 9 ॥

अद्भुतात्मबोधसत्सनातनोपदेशक
बुद्बुदोपमप्रपंचविभ्रमप्रकाशक ।
सप्रथप्रगल्भचित्प्रकाश दिव्यदेशिक
पूर्णपुष्कलासमेत भूतनाथ पाहि माम् ॥ 10 ॥

इति श्री भूतनाथ दशकम् ।