Rajarajeshwari Ashtakam In English

Also Read This In:- Bengali, Gujarati, Hindi, Kannada, Malayalam, Marathi, Odia, Punjabi, Sanskrit, Tamil, Telugu.

ambā śāmbhavi chandramauḻirabalā’parṇā umā pārvatī
kāḻī haimavatī śivā trinayanī kātyāyanī bhairavī
sāvitrī navayauvanā śubhakarī sāmrājyalakṣmīpradā
chidrūpī paradēvatā bhagavatī śrīrājarājēśvarī ॥ 1 ॥

ambā mōhini dēvatā tribhuvanī ānandasandāyinī
vāṇī pallavapāṇi vēṇumuraḻīgānapriyā lōlinī
kaḻyāṇī uḍurājabimbavadanā dhūmrākṣasaṃhāriṇī
chidrūpī paradēvatā bhagavatī śrīrājarājēśvarī ॥ 2 ॥

ambā nūpuraratnakaṅkaṇadharī kēyūrahārāvaḻī
jātīchampakavaijayantilaharī graivēyakairājitā
vīṇāvēṇuvinōdamaṇḍitakarā vīrāsanēsaṃsthitā
chidrūpī paradēvatā bhagavatī śrīrājarājēśvarī ॥ 3 ॥

ambā raudriṇi bhadrakāḻī bagalā jvālāmukhī vaiṣṇavī
brahmāṇī tripurāntakī suranutā dēdīpyamānōjjvalā
chāmuṇḍā śritarakṣapōṣajananī dākṣāyaṇī pallavī
chidrūpī paradēvatā bhagavatī śrīrājarājēśvarī ॥ 4 ॥

ambā śūla dhanuḥ kuśāṅkuśadharī ardhēndubimbādharī
vārāhī madhukaiṭabhapraśamanī vāṇīramāsēvitā
malladyāsuramūkadaityamathanī māhēśvarī ambikā
chidrūpī paradēvatā bhagavatī śrīrājarājēśvarī ॥ 5 ॥

ambā sṛṣṭavināśapālanakarī āryā visaṃśōbhitā
gāyatrī praṇavākṣarāmṛtarasaḥ pūrṇānusandhīkṛtā
ōṅkārī vinutāsutārchitapadā uddaṇḍadaityāpahā
chidrūpī paradēvatā bhagavatī śrīrājarājēśvarī ॥ 6 ॥

ambā śāśvata āgamādivinutā āryā mahādēvatā
yā brahmādipipīlikāntajananī yā vai jaganmōhinī
yā pañchapraṇavādirēphajananī yā chitkaḻāmālinī
chidrūpī paradēvatā bhagavatī śrīrājarājēśvarī ॥ 7 ॥

ambāpālita bhaktarājadaniśaṃ ambāṣṭakaṃ yaḥ paṭhēt
ambālōkakaṭākṣavīkṣa lalitaṃ chaiśvaryamavyāhatam
ambā pāvanamantrarājapaṭhanādantē cha mōkṣapradā
chidrūpī paradēvatā bhagavatī śrīrājarājēśvarī ॥ 8 ॥