राज राजेश्वरी अष्टकम् | Rajarajeshwari Ashtakam In Hindi

Also Read This In:- Bengali, English, Gujarati, Kannada, Malayalam, Marathi, Odia, Punjabi, Sanskrit, Tamil, Telugu.

अंबा शांभवि चंद्रमौलिरबलाऽपर्णा उमा पार्वती
काली हैमवती शिवा त्रिनयनी कात्यायनी भैरवी
सावित्री नवयौवना शुभकरी साम्राज्यलक्ष्मीप्रदा
चिद्रूपी परदेवता भगवती श्रीराजराजेश्वरी ॥ 1 ॥

अंबा मोहिनि देवता त्रिभुवनी आनंदसंदायिनी
वाणी पल्लवपाणि वेणुमुरलीगानप्रिया लोलिनी
कल्याणी उडुराजबिंबवदना धूम्राक्षसंहारिणी
चिद्रूपी परदेवता भगवती श्रीराजराजेश्वरी ॥ 2 ॥

अंबा नूपुररत्नकंकणधरी केयूरहारावली
जातीचंपकवैजयंतिलहरी ग्रैवेयकैराजिता
वीणावेणुविनोदमंडितकरा वीरासनेसंस्थिता
चिद्रूपी परदेवता भगवती श्रीराजराजेश्वरी ॥ 3 ॥

अंबा रौद्रिणि भद्रकाली बगला ज्वालामुखी वैष्णवी
ब्रह्माणी त्रिपुरांतकी सुरनुता देदीप्यमानोज्ज्वला
चामुंडा श्रितरक्षपोषजननी दाक्षायणी पल्लवी
चिद्रूपी परदेवता भगवती श्रीराजराजेश्वरी ॥ 4 ॥

अंबा शूल धनुः कुशांकुशधरी अर्धेंदुबिंबाधरी
वाराही मधुकैटभप्रशमनी वाणीरमासेविता
मल्लद्यासुरमूकदैत्यमथनी माहेश्वरी अंबिका
चिद्रूपी परदेवता भगवती श्रीराजराजेश्वरी ॥ 5 ॥

अंबा सृष्टविनाशपालनकरी आर्या विसंशोभिता
गायत्री प्रणवाक्षरामृतरसः पूर्णानुसंधीकृता
ॐकारी विनुतासुतार्चितपदा उद्दंडदैत्यापहा
चिद्रूपी परदेवता भगवती श्रीराजराजेश्वरी ॥ 6 ॥

अंबा शाश्वत आगमादिविनुता आर्या महादेवता
या ब्रह्मादिपिपीलिकांतजननी या वै जगन्मोहिनी
या पंचप्रणवादिरेफजननी या चित्कलामालिनी
चिद्रूपी परदेवता भगवती श्रीराजराजेश्वरी ॥ 7 ॥

अंबापालित भक्तराजदनिशं अंबाष्टकं यः पठेत्
अंबालोककटाक्षवीक्ष ललितं चैश्वर्यमव्याहतम्
अंबा पावनमंत्रराजपठनादंते च मोक्षप्रदा
चिद्रूपी परदेवता भगवती श्रीराजराजेश्वरी ॥ 8 ॥