పశుపత్యష్టకం | Pashupati Ashtakam In Telugu

Also Read This In:- English, Hindi, Kannada, Tamil.

పశుపతీన్దుపతిం ధరణీపతిం భుజగలోకపతిం చ సతీపతిం |
ప్రణతభక్తజనార్తిహరం పరం భజత రే మనుజా గిరిజాపతిం || 1 ||

న జనకో జననీ న చ సోదరో న తనయో న చ భూరిబలం కులం |
అవతి కోఽపి న కాలవశం గతం భజత రే మనుజా గిరిజాపతిం || 2 ||

మురజడిణ్డిమవాద్యవిలక్షణం మధురపఞ్చమనాదవిశారదం |
ప్రమథభూతగణైరపి సేవితం భజత రే మనుజా గిరిజాపతిం|| 3 ||

శరణదం సుఖదం శరణాన్వితం శివ శివేతి శివేతి నతం నృణాం |
అభయదం కరుణావరుణాలయం భజత రే మనుజా గిరిజాపతిం || 4 ||

నరశిరోరచితం మణికుణ్డలం భుజగహారముదం వృషభధ్వజం |
చితిరజోధవలీకృతవిగ్రహం భజత రే మనుజా గిరిజాపతిం || 5 ||

మఖవినాశకరం శిశిశేఖరం సతతమధ్వరభాజిఫలప్రదం |
ప్రళయదగ్ధసురాసురమానవం భజత రే మనుజా గిరిజాపతిం || 6 ||

మదమపాస్య చిరం హృది సంస్థితం మరణజన్మజరామయపీడితం |
జగదుదీక్ష్య సమీపభయాకులం భజత రే మనుజా గిరిజాపతిం || 7 ||

హరివిరఞ్చిసురాధిపపూజితం యమజనేశధనేశనమస్కౄతం |
త్రినయనం భువనత్రితయాధిపం భజత రే మనుజా గిరిజాపతిం || 8 |

పశుపతేరిదమష్టకమద్భుతం విరచితం పృథివీపతిసూరిణా |
పఠతి సంశ్రృణుతే మనుజః సదా శివపురీం వసతే లభతే ముదం || 9 ||

ఇతి శ్రీ పశుపత్యష్టకం సంపూర్ణం||