ಪಶುಪತ್ಯಷ್ಟಕಂ | Pashupati Ashtakam In Kannada

Also Read This In:- English, Hindi, Tamil, Telugu.

ಪಶುಪತೀನ್ದುಪತಿಂ ಧರಣೀಪತಿಂ ಭುಜಗಲೋಕಪತಿಂ ಚ ಸತೀಪತಿಮ್ |
ಪ್ರಣತ ಭಕ್ತಜನಾರ್ತಿಹರಂ ಪರಂ ಭಜತ ರೇ ಮನುಜಾ ಗಿರಿಜಾಪತಿಮ್ || ೧ ||

ನ ಜನಕೋ ಜನನೀ ನ ಚ ಸೋದರೋ ನ ತನಯೋ ನ ಚ ಭೂರಿಬಲಂ ಕುಲಮ್ |
ಅವತಿ ಕೋಽಪಿ ನ ಕಾಲವಶಂ ಗತಂ ಭಜತ ರೇ ಮನುಜಾ ಗಿರಿಜಾಪತಿಮ್ || ೨ ||

ಮುರಜಡಿಂಡಿಮವಾದ್ಯ ವಿಲಕ್ಷಣಂ ಮಧುರ ಪಂಚಮ ನಾದ ವಿಶಾರದಮ್ |
ಪ್ರಮಥಭೂತಗಣೈರಪಿ ಸೇವಿತಂ ಭಜತ ರೇ ಮನುಜಾ ಗಿರಿಜಾಪತಿಮ್ || ೩ ||

ಶರಣದಂ ಸುಖದಂ ಶರಣಾನ್ವಿತಂ ಶಿವಶಿವೇತಿ ಶಿವೇತಿ ನತಂ ನೃಣಾಮ್ |
ಅಭಯದಂ ಕರುಣಾವರುಣಾಲಯಂ ಭಜತೇ ರೇ ಮನುಜಾ ಗಿರಿಜಾಪತಿಮ್ || ೪ ||

ನರಶಿರೋರಚಿತಂ ಮಣಿಕುಂಡಲಂ ಭುಜಗಹಾರಮುದಂ ವೃಷಭಧ್ವಜಮ್ |
ಚಿತಿರಜೋಧವಳೀಕೃತವಿಗ್ರಹಂ ಭಜತೇ ರೇ ಮನುಜಾ ಗಿರಿಜಾಪತಿಂ || ೫ ||

ಮದವಿನಾಶಕರಂ ಶಶಿಶೇಖರಂ ಸತತಮಧ್ವರಭಾಜಿಫಲಪ್ರದಮ್ |
ಪ್ರಳಯದಗ್ಧಸುರಾಸುರಮಾನವಂ ಭಜತ ರೇ ಮನುಜಾ ಗಿರಿಜಾಪತಿಂ || ೬ ||

ಮದಮಪಾಸ್ಯ ಚಿರಂ ಹೃದಿ ಸಂಸ್ಥಿತಂ ಮರಣಜನ್ಮಜರಾಭಯಪೀಡಿತಮ್ |
ಜಗದುದೀಕ್ಷ್ಯ ಸಮೀಪಭಯಾಕುಲಂ ಭಜತ ರೇ ಮನುಜಾ ಗಿರಿಜಾಪತಿಂ || ೭ ||

ಹರಿವಿರಂಚಿ ಸುರಾಧಿಪಪೂಜಿತಂ ಯಮ ಜನೇಶ ಧನೇಶ ನಮಸ್ಕೃತಮ್ |
ತ್ರಿನಯನಂ ಭೂವನತ್ರಿತಯಾಧಿಪಂ ಭಜತ ರೇ ಮನುಜಾ ಗಿರಿಜಾಪತಿಮ್ || ೮ ||

ಪಶುಪತೇರಿದಮಷ್ಟಕಮದ್ಭುತಂ ವಿರಚಿತಂ ಪೃಥಿವೀಪತಿಸೂರಿಣಾ |
ಪಠತಿ ಸಂಶೃಣುತೇ ಮನುಜಸ್ಸದಾ ಶಿವಪುರಿಂ ವಸತೇ ಲಭತೇ ಮುದಮ್ || ೯ ||

ಇತಿ ಶ್ರೀ ಪಶುಪತ್ಯಷ್ಟಕಂ ಪರಿಪೂರ್ಣ ||