ସୂର୍ୟ ମଂଡଲ ସ୍ତୋତ୍ରମ୍ | Surya Mandala Stotram In Odia
Also Read This In:- Bengali, English, Gujarati, Hindi, Kannada, Malayalam, Marathi, Punjabi, Sanskrit, Tamil, Telugu.
ନମୋଽସ୍ତୁ ସୂର୍ୟାୟ ସହସ୍ରରଶ୍ମୟେ
ସହସ୍ରଶାଖାନ୍ଵିତ ସଂଭଵାତ୍ମନେ ।
ସହସ୍ରୟୋଗୋଦ୍ଭଵ ଭାଵଭାଗିନେ
ସହସ୍ରସଂଖ୍ୟାୟୁଧଧାରିଣେ ନମଃ ॥ 1 ॥
ୟନ୍ମଂଡଲଂ ଦୀପ୍ତିକରଂ ଵିଶାଲଂ
ରତ୍ନପ୍ରଭଂ ତୀଵ୍ରମନାଦିରୂପମ୍ ।
ଦାରିଦ୍ର୍ୟଦୁଃଖକ୍ଷୟକାରଣଂ ଚ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ 2 ॥
ୟନ୍ମଂଡଲଂ ଦେଵଗଣୈଃ ସୁପୂଜିତଂ
ଵିପ୍ରୈଃ ସ୍ତୁତଂ ଭାଵନମୁକ୍ତିକୋଵିଦମ୍ ।
ତଂ ଦେଵଦେଵଂ ପ୍ରଣମାମି ସୂର୍ୟଂ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ 3 ॥
ୟନ୍ମଂଡଲଂ ଜ୍ଞାନଘନଂତ୍ଵଗମ୍ୟଂ
ତ୍ରୈଲୋକ୍ୟପୂଜ୍ୟଂ ତ୍ରିଗୁଣାତ୍ମରୂପମ୍ ।
ସମସ୍ତତେଜୋମୟଦିଵ୍ୟରୂପଂ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ 4 ॥
ୟନ୍ମଂଡଲଂ ଗୂଢମତିପ୍ରବୋଧଂ
ଧର୍ମସ୍ୟ ଵୃଦ୍ଧିଂ କୁରୁତେ ଜନାନାମ୍ ।
ୟତ୍ସର୍ଵପାପକ୍ଷୟକାରଣଂ ଚ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ 5 ॥
ୟନ୍ମଂଡଲଂ ଵ୍ୟାଧିଵିନାଶଦକ୍ଷଂ
ୟଦୃଗ୍ୟଜୁଃ ସାମସୁ ସଂପ୍ରଗୀତମ୍ ।
ପ୍ରକାଶିତଂ ୟେନ ଚ ଭୂର୍ଭୁଵଃ ସ୍ଵଃ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ 6 ॥
ୟନ୍ମଂଡଲଂ ଵେଦଵିଦୋ ଵଦଂତି
ଗାୟଂତି ୟଚ୍ଚାରଣସିଦ୍ଧସଂଘାଃ ।
ୟଦ୍ୟୋଗିନୋ ୟୋଗଜୁଷାଂ ଚ ସଂଘାଃ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ 7 ॥
ୟନ୍ମଂଡଲଂ ସର୍ଵଜନୈଶ୍ଚ ପୂଜିତଂ
ଜ୍ୟୋତିଶ୍ଚ କୁର୍ୟାଦିହ ମର୍ତ୍ୟଲୋକେ ।
ୟତ୍କାଲକାଲାଦ୍ୟମନାଦିରୂପଂ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ 8 ॥
ୟନ୍ମଂଡଲଂ ଵିଷ୍ଣୁଚତୁର୍ମୁଖାଖ୍ୟଂ
ୟଦକ୍ଷରଂ ପାପହରଂ ଜନାନାମ୍ ।
ୟତ୍କାଲକଲ୍ପକ୍ଷୟକାରଣଂ ଚ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ 9 ॥
ୟନ୍ମଂଡଲଂ ଵିଶ୍ଵସୃଜଂ ପ୍ରସିଦ୍ଧଂ
ଉତ୍ପତ୍ତିରକ୍ଷପ୍ରଳୟ ପ୍ରଗଲ୍ଭମ୍ ।
ୟସ୍ମିନ୍ ଜଗତ୍ସଂହରତେଽଖିଲଂ ଚ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ 10 ॥
ୟନ୍ମଂଡଲଂ ସର୍ଵଗତସ୍ୟ ଵିଷ୍ଣୋଃ
ଆତ୍ମା ପରଂଧାମ ଵିଶୁଦ୍ଧତତ୍ତ୍ଵମ୍ ।
ସୂକ୍ଷ୍ମାଂତରୈର୍ୟୋଗପଥାନୁଗମ୍ୟଂ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ 11 ॥
ୟନ୍ମଂଡଲଂ ଵେଦଵିଦୋପଗୀତଂ
ୟଦ୍ୟୋଗିନାଂ ୟୋଗ ପଥାନୁଗମ୍ୟମ୍ ।
ତତ୍ସର୍ଵ ଵେଦ୍ୟଂ ପ୍ରଣମାମି ସୂର୍ୟଂ
ପୁନାତୁ ମାଂ ତତ୍ସଵିତୁର୍ଵରେଣ୍ୟମ୍ ॥ 12 ॥
ସୂର୍ୟମଂଡଲସୁ ସ୍ତୋତ୍ରଂ ୟଃ ପଠେତ୍ସତତଂ ନରଃ ।
ସର୍ଵପାପଵିଶୁଦ୍ଧାତ୍ମା ସୂର୍ୟଲୋକେ ମହୀୟତେ ॥
ଇତି ଶ୍ରୀ ଭଵିଷ୍ୟୋତ୍ତରପୁରାଣେ ଶ୍ରୀ କୃଷ୍ଣାର୍ଜୁନ ସଂଵାଦେ ସୂର୍ୟମଂଡଲ ସ୍ତୋତ୍ରମ୍ ।