ସଂତାନ ଗୋପାଲ ସ୍ତୋତ୍ରମ୍ | Santana Gopala Stotram Odia

Also Read This In:- Bengali, Gujarati, English, Hindi, Kannada, Marathi, Malayalam, Punjabi, Sanskrit, Tamil, Telugu.

ଶ୍ରୀଶଂ କମଲପତ୍ରାକ୍ଷଂ ଦେଵକୀନଂଦନଂ ହରିମ୍ ।
ସୁତସଂପ୍ରାପ୍ତୟେ କୃଷ୍ଣଂ ନମାମି ମଧୁସୂଦନମ୍ ॥ 1 ॥

ନମାମ୍ୟହଂ ଵାସୁଦେଵଂ ସୁତସଂପ୍ରାପ୍ତୟେ ହରିମ୍ ।
ୟଶୋଦାଂକଗତଂ ବାଲଂ ଗୋପାଲଂ ନଂଦନଂଦନମ୍ ॥ 2 ॥

ଅସ୍ମାକଂ ପୁତ୍ରଲାଭାୟ ଗୋଵିଂଦଂ ମୁନିଵଂଦିତମ୍ ।
ନମାମ୍ୟହଂ ଵାସୁଦେଵଂ ଦେଵକୀନଂଦନଂ ସଦା ॥ 3 ॥

ଗୋପାଲଂ ଡିଂଭକଂ ଵଂଦେ କମଲାପତିମଚ୍ୟୁତମ୍ ।
ପୁତ୍ରସଂପ୍ରାପ୍ତୟେ କୃଷ୍ଣଂ ନମାମି ୟଦୁପୁଂଗଵମ୍ ॥ 4 ॥

ପୁତ୍ରକାମେଷ୍ଟିଫଲଦଂ କଂଜାକ୍ଷଂ କମଲାପତିମ୍ ।
ଦେଵକୀନଂଦନଂ ଵଂଦେ ସୁତସଂପ୍ରାପ୍ତୟେ ମମ ॥ 5 ॥

ପଦ୍ମାପତେ ପଦ୍ମନେତ୍ର ପଦ୍ମନାଭ ଜନାର୍ଦନ ।
ଦେହି ମେ ତନୟଂ ଶ୍ରୀଶ ଵାସୁଦେଵ ଜଗତ୍ପତେ ॥ 6 ॥

ୟଶୋଦାଂକଗତଂ ବାଲଂ ଗୋଵିଂଦଂ ମୁନିଵଂଦିତମ୍ ।
ଅସ୍ମାକଂ ପୁତ୍ର ଲାଭାୟ ନମାମି ଶ୍ରୀଶମଚ୍ୟୁତମ୍ ॥ 7 ॥

ଶ୍ରୀପତେ ଦେଵଦେଵେଶ ଦୀନାର୍ତିର୍ହରଣାଚ୍ୟୁତ ।
ଗୋଵିଂଦ ମେ ସୁତଂ ଦେହି ନମାମି ତ୍ଵାଂ ଜନାର୍ଦନ ॥ 8 ॥

ଭକ୍ତକାମଦ ଗୋଵିଂଦ ଭକ୍ତରକ୍ଷ ଶୁଭପ୍ରଦ ।
ଦେହି ମେ ତନୟଂ କୃଷ୍ଣ ରୁକ୍ମିଣୀଵଲ୍ଲଭ ପ୍ରଭୋ ॥ 9 ॥

ରୁକ୍ମିଣୀନାଥ ସର୍ଵେଶ ଦେହି ମେ ତନୟଂ ସଦା ।
ଭକ୍ତମଂଦାର ପଦ୍ମାକ୍ଷ ତ୍ଵାମହଂ ଶରଣଂ ଗତଃ ॥ 10 ॥

ଦେଵକୀସୁତ ଗୋଵିଂଦ ଵାସୁଦେଵ ଜଗତ୍ପତେ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 11 ॥

ଵାସୁଦେଵ ଜଗଦ୍ଵଂଦ୍ୟ ଶ୍ରୀପତେ ପୁରୁଷୋତ୍ତମ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 12 ॥

କଂଜାକ୍ଷ କମଲାନାଥ ପରକାରୁଣିକୋତ୍ତମ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 13 ॥

ଲକ୍ଷ୍ମୀପତେ ପଦ୍ମନାଭ ମୁକୁଂଦ ମୁନିଵଂଦିତ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 14 ॥

କାର୍ୟକାରଣରୂପାୟ ଵାସୁଦେଵାୟ ତେ ସଦା ।
ନମାମି ପୁତ୍ରଲାଭାର୍ଥଂ ସୁଖଦାୟ ବୁଧାୟ ତେ ॥ 15 ॥

ରାଜୀଵନେତ୍ର ଶ୍ରୀରାମ ରାଵଣାରେ ହରେ କଵେ ।
ତୁଭ୍ୟଂ ନମାମି ଦେଵେଶ ତନୟଂ ଦେହି ମେ ହରେ ॥ 16 ॥

ଅସ୍ମାକଂ ପୁତ୍ରଲାଭାୟ ଭଜାମି ତ୍ଵାଂ ଜଗତ୍ପତେ ।
ଦେହି ମେ ତନୟଂ କୃଷ୍ଣ ଵାସୁଦେଵ ରମାପତେ ॥ 17 ॥

ଶ୍ରୀମାନିନୀମାନଚୋର ଗୋପୀଵସ୍ତ୍ରାପହାରକ ।
ଦେହି ମେ ତନୟଂ କୃଷ୍ଣ ଵାସୁଦେଵ ଜଗତ୍ପତେ ॥ 18 ॥

ଅସ୍ମାକଂ ପୁତ୍ରସଂପ୍ରାପ୍ତିଂ କୁରୁଷ୍ଵ ୟଦୁନଂଦନ ।
ରମାପତେ ଵାସୁଦେଵ ମୁକୁଂଦ ମୁନିଵଂଦିତ ॥ 19 ॥

ଵାସୁଦେଵ ସୁତଂ ଦେହି ତନୟଂ ଦେହି ମାଧଵ ।
ପୁତ୍ରଂ ମେ ଦେହି ଶ୍ରୀକୃଷ୍ଣ ଵତ୍ସଂ ଦେହି ମହାପ୍ରଭୋ ॥ 20 ॥

ଡିଂଭକଂ ଦେହି ଶ୍ରୀକୃଷ୍ଣ ଆତ୍ମଜଂ ଦେହି ରାଘଵ ।
ଭକ୍ତମଂଦାର ମେ ଦେହି ତନୟଂ ନଂଦନଂଦନ ॥ 21 ॥

ନଂଦନଂ ଦେହି ମେ କୃଷ୍ଣ ଵାସୁଦେଵ ଜଗତ୍ପତେ ।
କମଲାନାଥ ଗୋଵିଂଦ ମୁକୁଂଦ ମୁନିଵଂଦିତ ॥ 22 ॥

ଅନ୍ୟଥା ଶରଣଂ ନାସ୍ତି ତ୍ଵମେଵ ଶରଣଂ ମମ ।
ସୁତଂ ଦେହି ଶ୍ରିୟଂ ଦେହି ଶ୍ରିୟଂ ପୁତ୍ରଂ ପ୍ରଦେହି ମେ ॥ 23 ॥

ୟଶୋଦାସ୍ତନ୍ୟପାନଜ୍ଞଂ ପିବଂତଂ ୟଦୁନଂଦନମ୍ ।
ଵଂଦେଽହଂ ପୁତ୍ରଲାଭାର୍ଥଂ କପିଲାକ୍ଷଂ ହରିଂ ସଦା ॥ 24 ॥

ନଂଦନଂଦନ ଦେଵେଶ ନଂଦନଂ ଦେହି ମେ ପ୍ରଭୋ ।
ରମାପତେ ଵାସୁଦେଵ ଶ୍ରିୟଂ ପୁତ୍ରଂ ଜଗତ୍ପତେ ॥ 25 ॥

ପୁତ୍ରଂ ଶ୍ରିୟଂ ଶ୍ରିୟଂ ପୁତ୍ରଂ ପୁତ୍ରଂ ମେ ଦେହି ମାଧଵ ।
ଅସ୍ମାକଂ ଦୀନଵାକ୍ୟସ୍ୟ ଅଵଧାରୟ ଶ୍ରୀପତେ ॥ 26 ॥

ଗୋପାଲ ଡିଂଭ ଗୋଵିଂଦ ଵାସୁଦେଵ ରମାପତେ ।
ଅସ୍ମାକଂ ଡିଂଭକଂ ଦେହି ଶ୍ରିୟଂ ଦେହି ଜଗତ୍ପତେ ॥ 27 ॥

ମଦ୍ଵାଂଛିତଫଲଂ ଦେହି ଦେଵକୀନଂଦନାଚ୍ୟୁତ ।
ମମ ପୁତ୍ରାର୍ଥିତଂ ଧନ୍ୟଂ କୁରୁଷ୍ଵ ୟଦୁନଂଦନ ॥ 28 ॥

ୟାଚେଽହଂ ତ୍ଵାଂ ଶ୍ରିୟଂ ପୁତ୍ରଂ ଦେହି ମେ ପୁତ୍ରସଂପଦମ୍ ।
ଭକ୍ତଚିଂତାମଣେ ରାମ କଲ୍ପଵୃକ୍ଷ ମହାପ୍ରଭୋ ॥ 29 ॥

ଆତ୍ମଜଂ ନଂଦନଂ ପୁତ୍ରଂ କୁମାରଂ ଡିଂଭକଂ ସୁତମ୍ ।
ଅର୍ଭକଂ ତନୟଂ ଦେହି ସଦା ମେ ରଘୁନଂଦନ ॥ 30 ॥

ଵଂଦେ ସଂତାନଗୋପାଲଂ ମାଧଵଂ ଭକ୍ତକାମଦମ୍ ।
ଅସ୍ମାକଂ ପୁତ୍ରସଂପ୍ରାପ୍ତ୍ୟୈ ସଦା ଗୋଵିଂଦମଚ୍ୟୁତମ୍ ॥ 31 ॥

ଓଂକାରୟୁକ୍ତଂ ଗୋପାଲଂ ଶ୍ରୀୟୁକ୍ତଂ ୟଦୁନଂଦନମ୍ ।
କ୍ଲୀଂୟୁକ୍ତଂ ଦେଵକୀପୁତ୍ରଂ ନମାମି ୟଦୁନାୟକମ୍ ॥ 32 ॥

ଵାସୁଦେଵ ମୁକୁଂଦେଶ ଗୋଵିଂଦ ମାଧଵାଚ୍ୟୁତ ।
ଦେହି ମେ ତନୟଂ କୃଷ୍ଣ ରମାନାଥ ମହାପ୍ରଭୋ ॥ 33 ॥

ରାଜୀଵନେତ୍ର ଗୋଵିଂଦ କପିଲାକ୍ଷ ହରେ ପ୍ରଭୋ ।
ସମସ୍ତକାମ୍ୟଵରଦ ଦେହି ମେ ତନୟଂ ସଦା ॥ 34 ॥

ଅବ୍ଜପଦ୍ମନିଭ ପଦ୍ମଵୃଂଦରୂପ ଜଗତ୍ପତେ ।
ଦେହି ମେ ଵରସତ୍ପୁତ୍ରଂ ରମାନାୟକ ମାଧଵ ॥ 35 ॥ (ରୂପନାୟକ)

ନଂଦପାଲ ଧରାପାଲ ଗୋଵିଂଦ ୟଦୁନଂଦନ ।
ଦେହି ମେ ତନୟଂ କୃଷ୍ଣ ରୁକ୍ମିଣୀଵଲ୍ଲଭ ପ୍ରଭୋ ॥ 36 ॥

ଦାସମଂଦାର ଗୋଵିଂଦ ମୁକୁଂଦ ମାଧଵାଚ୍ୟୁତ ।
ଗୋପାଲ ପୁଂଡରୀକାକ୍ଷ ଦେହି ମେ ତନୟଂ ଶ୍ରିୟମ୍ ॥ 37 ॥

ୟଦୁନାୟକ ପଦ୍ମେଶ ନଂଦଗୋପଵଧୂସୁତ ।
ଦେହି ମେ ତନୟଂ କୃଷ୍ଣ ଶ୍ରୀଧର ପ୍ରାଣନାୟକ ॥ 38 ॥

ଅସ୍ମାକଂ ଵାଂଛିତଂ ଦେହି ଦେହି ପୁତ୍ରଂ ରମାପତେ ।
ଭଗଵନ୍ କୃଷ୍ଣ ସର୍ଵେଶ ଵାସୁଦେଵ ଜଗତ୍ପତେ ॥ 39 ॥

ରମାହୃଦୟସଂଭାର ସତ୍ୟଭାମାମନଃପ୍ରିୟ ।
ଦେହି ମେ ତନୟଂ କୃଷ୍ଣ ରୁକ୍ମିଣୀଵଲ୍ଲଭ ପ୍ରଭୋ ॥ 40 ॥

ଚଂଦ୍ରସୂର୍ୟାକ୍ଷ ଗୋଵିଂଦ ପୁଂଡରୀକାକ୍ଷ ମାଧଵ ।
ଅସ୍ମାକଂ ଭାଗ୍ୟସତ୍ପୁତ୍ରଂ ଦେହି ଦେଵ ଜଗତ୍ପତେ ॥ 41 ॥

କାରୁଣ୍ୟରୂପ ପଦ୍ମାକ୍ଷ ପଦ୍ମନାଭସମର୍ଚିତ ।
ଦେହି ମେ ତନୟଂ କୃଷ୍ଣ ଦେଵକୀନଂଦନଂଦନ ॥ 42 ॥

ଦେଵକୀସୁତ ଶ୍ରୀନାଥ ଵାସୁଦେଵ ଜଗତ୍ପତେ ।
ସମସ୍ତକାମଫଲଦ ଦେହି ମେ ତନୟଂ ସଦା ॥ 43 ॥

ଭକ୍ତମଂଦାର ଗଂଭୀର ଶଂକରାଚ୍ୟୁତ ମାଧଵ ।
ଦେହି ମେ ତନୟଂ ଗୋପବାଲଵତ୍ସଲ ଶ୍ରୀପତେ ॥ 44 ॥

ଶ୍ରୀପତେ ଵାସୁଦେଵେଶ ଦେଵକୀପ୍ରିୟନଂଦନ ।
ଭକ୍ତମଂଦାର ମେ ଦେହି ତନୟଂ ଜଗତାଂ ପ୍ରଭୋ ॥ 45 ॥

ଜଗନ୍ନାଥ ରମାନାଥ ଭୂମିନାଥ ଦୟାନିଧେ ।
ଵାସୁଦେଵେଶ ସର୍ଵେଶ ଦେହି ମେ ତନୟଂ ପ୍ରଭୋ ॥ 46 ॥

ଶ୍ରୀନାଥ କମଲପତ୍ରାକ୍ଷ ଵାସୁଦେଵ ଜଗତ୍ପତେ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 47 ॥

ଦାସମଂଦାର ଗୋଵିଂଦ ଭକ୍ତଚିଂତାମଣେ ପ୍ରଭୋ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 48 ॥

ଗୋଵିଂଦ ପୁଂଡରୀକାକ୍ଷ ରମାନାଥ ମହାପ୍ରଭୋ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 49 ॥

ଶ୍ରୀନାଥ କମଲପତ୍ରାକ୍ଷ ଗୋଵିଂଦ ମଧୁସୂଦନ ।
ମତ୍ପୁତ୍ରଫଲସିଦ୍ଧ୍ୟର୍ଥଂ ଭଜାମି ତ୍ଵାଂ ଜନାର୍ଦନ ॥ 50 ॥

ସ୍ତନ୍ୟଂ ପିବଂତଂ ଜନନୀମୁଖାଂବୁଜଂ
ଵିଲୋକ୍ୟ ମଂଦସ୍ମିତମୁଜ୍ଜ୍ଵଲାଂଗମ୍ ।
ସ୍ପୃଶଂତମନ୍ୟସ୍ତନମଂଗୁଲୀଭିଃ
ଵଂଦେ ୟଶୋଦାଂକଗତଂ ମୁକୁଂଦମ୍ ॥ 51 ॥

ୟାଚେଽହଂ ପୁତ୍ରସଂତାନଂ ଭଵଂତଂ ପଦ୍ମଲୋଚନ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 52 ॥

ଅସ୍ମାକଂ ପୁତ୍ରସଂପତ୍ତେଶ୍ଚିଂତୟାମି ଜଗତ୍ପତେ ।
ଶୀଘ୍ରଂ ମେ ଦେହି ଦାତଵ୍ୟଂ ଭଵତା ମୁନିଵଂଦିତ ॥ 53 ॥

ଵାସୁଦେଵ ଜଗନ୍ନାଥ ଶ୍ରୀପତେ ପୁରୁଷୋତ୍ତମ ।
କୁରୁ ମାଂ ପୁତ୍ରଦତ୍ତଂ ଚ କୃଷ୍ଣ ଦେଵେଂଦ୍ରପୂଜିତ ॥ 54 ॥

କୁରୁ ମାଂ ପୁତ୍ରଦତ୍ତଂ ଚ ୟଶୋଦାପ୍ରିୟନଂଦନ ।
ମହ୍ୟଂ ଚ ପୁତ୍ରସଂତାନଂ ଦାତଵ୍ୟଂ ଭଵତା ହରେ ॥ 55 ॥

ଵାସୁଦେଵ ଜଗନ୍ନାଥ ଗୋଵିଂଦ ଦେଵକୀସୁତ ।
ଦେହି ମେ ତନୟଂ ରାମ କୌସଲ୍ୟାପ୍ରିୟନଂଦନ ॥ 56 ॥

ପଦ୍ମପତ୍ରାକ୍ଷ ଗୋଵିଂଦ ଵିଷ୍ଣୋ ଵାମନ ମାଧଵ ।
ଦେହି ମେ ତନୟଂ ସୀତାପ୍ରାଣନାୟକ ରାଘଵ ॥ 57 ॥

କଂଜାକ୍ଷ କୃଷ୍ଣ ଦେଵେଂଦ୍ରମଂଡିତ ମୁନିଵଂଦିତ ।
ଲକ୍ଷ୍ମଣାଗ୍ରଜ ଶ୍ରୀରାମ ଦେହି ମେ ତନୟଂ ସଦା ॥ 58 ॥

ଦେହି ମେ ତନୟଂ ରାମ ଦଶରଥପ୍ରିୟନଂଦନ ।
ସୀତାନାୟକ କଂଜାକ୍ଷ ମୁଚୁକୁଂଦଵରପ୍ରଦ ॥ 59 ॥

ଵିଭୀଷଣସ୍ୟ ୟା ଲଂକା ପ୍ରଦତ୍ତା ଭଵତା ପୁରା ।
ଅସ୍ମାକଂ ତତ୍ପ୍ରକାରେଣ ତନୟଂ ଦେହି ମାଧଵ ॥ 60 ॥

ଭଵଦୀୟପଦାଂଭୋଜେ ଚିଂତୟାମି ନିରଂତରମ୍ ।
ଦେହି ମେ ତନୟଂ ସୀତାପ୍ରାଣଵଲ୍ଲଭ ରାଘଵ ॥ 61 ॥

ରାମ ମତ୍କାମ୍ୟଵରଦ ପୁତ୍ରୋତ୍ପତ୍ତିଫଲପ୍ରଦ ।
ଦେହି ମେ ତନୟଂ ଶ୍ରୀଶ କମଲାସନଵଂଦିତ ॥ 62 ॥

ରାମ ରାଘଵ ସୀତେଶ ଲକ୍ଷ୍ମଣାନୁଜ ଦେହି ମେ ।
ଭାଗ୍ୟଵତ୍ପୁତ୍ରସଂତାନଂ ଦଶରଥାତ୍ମଜ ଶ୍ରୀପତେ ॥ 63 ॥

ଦେଵକୀଗର୍ଭସଂଜାତ ୟଶୋଦାପ୍ରିୟନଂଦନ ।
ଦେହି ମେ ତନୟଂ ରାମ କୃଷ୍ଣ ଗୋପାଲ ମାଧଵ ॥ 64 ॥

କୃଷ୍ଣ ମାଧଵ ଗୋଵିଂଦ ଵାମନାଚ୍ୟୁତ ଶଂକର ।
ଦେହି ମେ ତନୟଂ ଶ୍ରୀଶ ଗୋପବାଲକନାୟକ ॥ 65 ॥

ଗୋପବାଲ ମହାଧନ୍ୟ ଗୋଵିଂଦାଚ୍ୟୁତ ମାଧଵ ।
ଦେହି ମେ ତନୟଂ କୃଷ୍ଣ ଵାସୁଦେଵ ଜଗତ୍ପତେ ॥ 66 ॥

ଦିଶତୁ ଦିଶତୁ ପୁତ୍ରଂ ଦେଵକୀନଂଦନୋଽୟଂ
ଦିଶତୁ ଦିଶତୁ ଶୀଘ୍ରଂ ଭାଗ୍ୟଵତ୍ପୁତ୍ରଲାଭମ୍ ।
ଦିଶତୁ ଦିଶତୁ ଶ୍ରୀଶୋ ରାଘଵୋ ରାମଚଂଦ୍ରୋ
ଦିଶତୁ ଦିଶତୁ ପୁତ୍ରଂ ଵଂଶଵିସ୍ତାରହେତୋଃ ॥ 67 ॥

ଦୀୟତାଂ ଵାସୁଦେଵେନ ତନୟୋମତ୍ପ୍ରିୟଃ ସୁତଃ ।
କୁମାରୋ ନଂଦନଃ ସୀତାନାୟକେନ ସଦା ମମ ॥ 68 ॥

ରାମ ରାଘଵ ଗୋଵିଂଦ ଦେଵକୀସୁତ ମାଧଵ ।
ଦେହି ମେ ତନୟଂ ଶ୍ରୀଶ ଗୋପବାଲକନାୟକ ॥ 69 ॥

ଵଂଶଵିସ୍ତାରକଂ ପୁତ୍ରଂ ଦେହି ମେ ମଧୁସୂଦନ ।
ସୁତଂ ଦେହି ସୁତଂ ଦେହି ତ୍ଵାମହଂ ଶରଣଂ ଗତଃ ॥ 70 ॥

ମମାଭୀଷ୍ଟସୁତଂ ଦେହି କଂସାରେ ମାଧଵାଚ୍ୟୁତ ।
ସୁତଂ ଦେହି ସୁତଂ ଦେହି ତ୍ଵାମହଂ ଶରଣଂ ଗତଃ ॥ 71 ॥

ଚଂଦ୍ରାର୍କକଲ୍ପପର୍ୟଂତଂ ତନୟଂ ଦେହି ମାଧଵ ।
ସୁତଂ ଦେହି ସୁତଂ ଦେହି ତ୍ଵାମହଂ ଶରଣଂ ଗତଃ ॥ 72 ॥

ଵିଦ୍ୟାଵଂତଂ ବୁଦ୍ଧିମଂତଂ ଶ୍ରୀମଂତଂ ତନୟଂ ସଦା ।
ଦେହି ମେ ତନୟଂ କୃଷ୍ଣ ଦେଵକୀନଂଦନ ପ୍ରଭୋ ॥ 73 ॥

ନମାମି ତ୍ଵାଂ ପଦ୍ମନେତ୍ର ସୁତଲାଭାୟ କାମଦମ୍ ।
ମୁକୁଂଦଂ ପୁଂଡରୀକାକ୍ଷଂ ଗୋଵିଂଦଂ ମଧୁସୂଦନମ୍ ॥ 74 ॥

ଭଗଵନ୍ କୃଷ୍ଣ ଗୋଵିଂଦ ସର୍ଵକାମଫଲପ୍ରଦ ।
ଦେହି ମେ ତନୟଂ ସ୍ଵାମିନ୍ ତ୍ଵାମହଂ ଶରଣଂ ଗତଃ ॥ 75 ॥

ସ୍ଵାମିନ୍ ତ୍ଵଂ ଭଗଵନ୍ ରାମ କୃଷ୍ଣ ମାଧଵ କାମଦ ।
ଦେହି ମେ ତନୟଂ ନିତ୍ୟଂ ତ୍ଵାମହଂ ଶରଣଂ ଗତଃ ॥ 76 ॥

ତନୟଂ ଦେହି ଗୋଵିଂଦ କଂଜାକ୍ଷ କମଲାପତେ ।
ସୁତଂ ଦେହି ସୁତଂ ଦେହି ତ୍ଵାମହଂ ଶରଣଂ ଗତଃ ॥ 77 ॥

ପଦ୍ମାପତେ ପଦ୍ମନେତ୍ର ପ୍ରଦ୍ୟୁମ୍ନଜନକ ପ୍ରଭୋ ।
ସୁତଂ ଦେହି ସୁତଂ ଦେହି ତ୍ଵାମହଂ ଶରଣଂ ଗତଃ ॥ 78 ॥

ଶଂଖଚକ୍ରଗଦାଖଡ୍ଗଶାରଂଗପାଣେ ରମାପତେ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 79 ॥

ନାରାୟଣ ରମାନାଥ ରାଜୀଵପତ୍ରଲୋଚନ ।
ସୁତଂ ମେ ଦେହି ଦେଵେଶ ପଦ୍ମପଦ୍ମାନୁଵଂଦିତ ॥ 80 ॥

ରାମ ମାଧଵ ଗୋଵିଂଦ ଦେଵକୀଵରନଂଦନ ।
ରୁକ୍ମିଣୀନାଥ ସର୍ଵେଶ ନାରଦାଦିସୁରାର୍ଚିତ ॥ 81 ॥

ଦେଵକୀସୁତ ଗୋଵିଂଦ ଵାସୁଦେଵ ଜଗତ୍ପତେ ।
ଦେହି ମେ ତନୟଂ ଶ୍ରୀଶ ଗୋପବାଲକନାୟକ ॥ 82 ॥

ମୁନିଵଂଦିତ ଗୋଵିଂଦ ରୁକ୍ମିଣୀଵଲ୍ଲଭ ପ୍ରଭୋ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 83 ॥

ଗୋପିକାର୍ଜିତପଂକେଜମରଂଦାସକ୍ତମାନସ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 84 ॥

ରମାହୃଦୟପଂକେଜଲୋଲ ମାଧଵ କାମଦ ।
ମମାଭୀଷ୍ଟସୁତଂ ଦେହି ତ୍ଵାମହଂ ଶରଣଂ ଗତଃ ॥ 85 ॥

ଵାସୁଦେଵ ରମାନାଥ ଦାସାନାଂ ମଂଗଲପ୍ରଦ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 86 ॥

କଲ୍ୟାଣପ୍ରଦ ଗୋଵିଂଦ ମୁରାରେ ମୁନିଵଂଦିତ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 87 ॥

ପୁତ୍ରପ୍ରଦ ମୁକୁଂଦେଶ ରୁକ୍ମିଣୀଵଲ୍ଲଭ ପ୍ରଭୋ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 88 ॥

ପୁଂଡରୀକାକ୍ଷ ଗୋଵିଂଦ ଵାସୁଦେଵ ଜଗତ୍ପତେ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 89 ॥

ଦୟାନିଧେ ଵାସୁଦେଵ ମୁକୁଂଦ ମୁନିଵଂଦିତ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 90 ॥

ପୁତ୍ରସଂପତ୍ପ୍ରଦାତାରଂ ଗୋଵିଂଦଂ ଦେଵପୂଜିତମ୍ ।
ଵଂଦାମହେ ସଦା କୃଷ୍ଣଂ ପୁତ୍ରଲାଭପ୍ରଦାୟିନମ୍ ॥ 91 ॥

କାରୁଣ୍ୟନିଧୟେ ଗୋପୀଵଲ୍ଲଭାୟ ମୁରାରୟେ ।
ନମସ୍ତେ ପୁତ୍ରଲାଭାର୍ଥଂ ଦେହି ମେ ତନୟଂ ଵିଭୋ ॥ 92 ॥

ନମସ୍ତସ୍ମୈ ରମେଶାୟ ରୁକ୍ମିଣୀଵଲ୍ଲଭାୟ ତେ ।
ଦେହି ମେ ତନୟଂ ଶ୍ରୀଶ ଗୋପବାଲକନାୟକ ॥ 93 ॥

ନମସ୍ତେ ଵାସୁଦେଵାୟ ନିତ୍ୟଶ୍ରୀକାମୁକାୟ ଚ ।
ପୁତ୍ରଦାୟ ଚ ସର୍ପେଂଦ୍ରଶାୟିନେ ରଂଗଶାୟିନେ ॥ 94 ॥

ରଂଗଶାୟିନ୍ ରମାନାଥ ମଂଗଲପ୍ରଦ ମାଧଵ ।
ଦେହି ମେ ତନୟଂ ଶ୍ରୀଶ ଗୋପବାଲକନାୟକ ॥ 95 ॥

ଦାସସ୍ୟ ମେ ସୁତଂ ଦେହି ଦୀନମଂଦାର ରାଘଵ ।
ସୁତଂ ଦେହି ସୁତଂ ଦେହି ପୁତ୍ରଂ ଦେହି ରମାପତେ ॥ 96 ॥

ୟଶୋଦାତନୟାଭୀଷ୍ଟପୁତ୍ରଦାନରତଃ ସଦା ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 97 ॥

ମଦିଷ୍ଟଦେଵ ଗୋଵିଂଦ ଵାସୁଦେଵ ଜନାର୍ଦନ ।
ଦେହି ମେ ତନୟଂ କୃଷ୍ଣ ତ୍ଵାମହଂ ଶରଣଂ ଗତଃ ॥ 98 ॥

ନୀତିମାନ୍ ଧନଵାନ୍ ପୁତ୍ରୋ ଵିଦ୍ୟାଵାଂଶ୍ଚ ପ୍ରଜାପତେ ।
ଭଗଵଂସ୍ତ୍ଵତ୍କୃପାୟାଶ୍ଚ ଵାସୁଦେଵେଂଦ୍ରପୂଜିତ ॥ 99 ॥

ୟଃ ପଠେତ୍ ପୁତ୍ରଶତକଂ ସୋଽପି ସତ୍ପୁତ୍ରଵାନ୍ ଭଵେତ୍ ।
ଶ୍ରୀଵାସୁଦେଵକଥିତଂ ସ୍ତୋତ୍ରରତ୍ନଂ ସୁଖାୟ ଚ ॥ 100 ॥

ଜପକାଲେ ପଠେନ୍ନିତ୍ୟଂ ପୁତ୍ରଲାଭଂ ଧନଂ ଶ୍ରିୟମ୍ ।
ଐଶ୍ଵର୍ୟଂ ରାଜସମ୍ମାନଂ ସଦ୍ୟୋ ୟାତି ନ ସଂଶୟଃ ॥ 101 ॥