ରୁଦ୍ରାଷ୍ଟକମ୍ | Rudrashtakam In Odia
Also Read This In:- Bengali, English, Gujarati, Hindi, Kannada, Malayalam, Marathi, Punjabi, Sanskrit, Tamil, Telugu.
ନମାମୀଶମୀଶାନନିର୍ଵାଣରୂପଂ ଵିଭୁଂ ଵ୍ୟାପକଂ ବ୍ରହ୍ମଵେଦସ୍ଵରୂପମ୍ ।
ନିଜଂ ନିର୍ଗୁଣଂ ନିର୍ଵିକଲ୍ପଂ ନିରୀହଂ ଚିଦାକାଶମାକାଶଵାସଂ ଭଜେଽହମ୍ ॥ 1॥
ନିରାକାରମୋଂକାରମୂଲଂ ତୁରୀୟଂ ଗିରା ଜ୍ଞାନ ଗୋତୀତମୀଶଂ ଗିରୀଶମ୍ ।
କରାଲଂ ମହାକାଲକାଲଂ କୃପାଲଂ ଗୁଣାଗାରସଂସାରପାରଂ ନତୋଽହମ୍ ॥ 2॥
ତୁଷାରାଦ୍ରିସଂକାଶଗୌରଂ ଗଭୀରଂ ମନୋଭୂତକୋଟିପ୍ରଭା ଶ୍ରୀଶରୀରମ୍ ।
ସ୍ଫୁରନ୍ମୌଲିକଲ୍ଲୋଲିନୀ ଚାରୁଗଂଗା ଲସଦ୍ଭାଲବାଲେଂଦୁ କଂଠେ ଭୁଜଂଗା ॥ 3॥
ଚଲତ୍କୁଂଡଲଂ ଭ୍ରୂ ସୁନେତ୍ରଂ ଵିଶାଲଂ ପ୍ରସନ୍ନାନନଂ ନୀଲକଂଠଂ ଦୟାଲମ୍ ।
ମୃଗାଧୀଶଚର୍ମାଂବରଂ ମୁଂଡମାଲଂ ପ୍ରିୟଂ ଶଂକରଂ ସର୍ଵନାଥଂ ଭଜାମି ॥ 4॥
ପ୍ରଚଂଡଂ ପ୍ରକୃଷ୍ଟଂ ପ୍ରଗଲ୍ଭଂ ପରେଶମଖଂଡମଜଂ ଭାନୁକୋଟିପ୍ରକାଶମ୍ ।
ତ୍ରୟଃ ଶୂଲନିର୍ମୂଲନଂ ଶୂଲପାଣିଂ ଭଜେଽହଂ ଭଵାନୀପତିଂ ଭାଵଗମ୍ୟମ୍ ॥ 5॥
କଲାତୀତକଲ୍ୟାଣକଲ୍ପାଂତକାରୀ ସଦା ସଜ୍ଜନାନଂଦଦାତା ପୁରାରୀ ।
ଚିଦାନଂଦସଂଦୋହମୋହାପହାରୀ ପ୍ରସୀଦ ପ୍ରସୀଦ ପ୍ରଭୋ ମନ୍ମଥାରୀ ॥ 6॥
ନ ୟାଵଦ୍ ଉମାନାଥ ପାଦାରଵିଂଦଂ ଭଜଂତୀହ ଲୋକେ ପରେ ଵା ନରାଣାମ୍ ।
ନ ତାଵତ୍ସୁଖଂ ଶାଂତି ସଂତାପନାଶଂ ପ୍ରସୀଦ ପ୍ରଭୋ ସର୍ଵଭୂତାଧିଵାସମ୍ ॥ 7॥
ନ ଜାନାମି ୟୋଗଂ ଜପଂ ନୈଵ ପୂଜାଂ ନତୋଽହଂ ସଦା ସର୍ଵଦା ଶଂଭୁ ତୁଭ୍ୟମ୍ ।
ଜରାଜନ୍ମଦୁଃଖୌଘତାତପ୍ୟମାନଂ ପ୍ରଭୋ ପାହି ଆପନ୍ନମାମୀଶ ଶଂଭୋ ॥ 8॥
ରୁଦ୍ରାଷ୍ଟକମିଦଂ ପ୍ରୋକ୍ତଂ ଵିପ୍ରେଣ ହରତୋଷୟେ ।
ୟେ ପଠଂତି ନରା ଭକ୍ତ୍ୟା ତେଷାଂ ଶଂଭୁଃ ପ୍ରସୀଦତି ॥
॥ ଇତି ଶ୍ରୀରାମଚରିତମାନସେ ଉତ୍ତରକାଂଡେ ଶ୍ରୀଗୋସ୍ଵାମିତୁଲସୀଦାସକୃତଂ
ଶ୍ରୀରୁଦ୍ରାଷ୍ଟକଂ ସଂପୂର୍ଣମ୍ ॥