રુદ્રાષ્ટકમ્ | Rudrashtakam In Gujarati

Also Read This In:- Bengali, English, Hindi, Kannada, Malayalam, Marathi, Odia, Punjabi, Sanskrit, Tamil, Telugu.

નમામીશમીશાનનિર્વાણરૂપં વિભું વ્યાપકં બ્રહ્મવેદસ્વરૂપમ્ ।
નિજં નિર્ગુણં નિર્વિકલ્પં નિરીહં ચિદાકાશમાકાશવાસં ભજેઽહમ્ ॥ 1॥

નિરાકારમોંકારમૂલં તુરીયં ગિરા જ્ઞાન ગોતીતમીશં ગિરીશમ્ ।
કરાલં મહાકાલકાલં કૃપાલં ગુણાગારસંસારપારં નતોઽહમ્ ॥ 2॥

તુષારાદ્રિસંકાશગૌરં ગભીરં મનોભૂતકોટિપ્રભા શ્રીશરીરમ્ ।
સ્ફુરન્મૌલિકલ્લોલિની ચારુગંગા લસદ્ભાલબાલેંદુ કંઠે ભુજંગા ॥ 3॥

ચલત્કુંડલં ભ્રૂ સુનેત્રં વિશાલં પ્રસન્નાનનં નીલકંઠં દયાલમ્ ।
મૃગાધીશચર્માંબરં મુંડમાલં પ્રિયં શંકરં સર્વનાથં ભજામિ ॥ 4॥

પ્રચંડં પ્રકૃષ્ટં પ્રગલ્ભં પરેશમખંડમજં ભાનુકોટિપ્રકાશમ્ ।
ત્રયઃ શૂલનિર્મૂલનં શૂલપાણિં ભજેઽહં ભવાનીપતિં ભાવગમ્યમ્ ॥ 5॥

કલાતીતકલ્યાણકલ્પાંતકારી સદા સજ્જનાનંદદાતા પુરારી ।
ચિદાનંદસંદોહમોહાપહારી પ્રસીદ પ્રસીદ પ્રભો મન્મથારી ॥ 6॥

ન યાવદ્ ઉમાનાથ પાદારવિંદં ભજંતીહ લોકે પરે વા નરાણામ્ ।
ન તાવત્સુખં શાંતિ સંતાપનાશં પ્રસીદ પ્રભો સર્વભૂતાધિવાસમ્ ॥ 7॥

ન જાનામિ યોગં જપં નૈવ પૂજાં નતોઽહં સદા સર્વદા શંભુ તુભ્યમ્ ।
જરાજન્મદુઃખૌઘતાતપ્યમાનં પ્રભો પાહિ આપન્નમામીશ શંભો ॥ 8॥

રુદ્રાષ્ટકમિદં પ્રોક્તં વિપ્રેણ હરતોષયે ।
યે પઠંતિ નરા ભક્ત્યા તેષાં શંભુઃ પ્રસીદતિ ॥

॥ ઇતિ શ્રીરામચરિતમાનસે ઉત્તરકાંડે શ્રીગોસ્વામિતુલસીદાસકૃતં
શ્રીરુદ્રાષ્ટકં સંપૂર્ણમ્ ॥