ନଵଗ୍ରହ ସ୍ତୋତ୍ରମ୍ | Navagraha Stotram In Odia
Also Read This In:- Bengali, English, Gujarati, Hindi, Kannada, Malayalam, Marathi, Punjabi, Sanskrit, Tamil, Telugu.
ନଵଗ୍ରହ ଧ୍ୟାନ ଶ୍ଲୋକମ୍
ଆଦିତ୍ୟାୟ ଚ ସୋମାୟ ମଂଗଳାୟ ବୁଧାୟ ଚ ।
ଗୁରୁ ଶୁକ୍ର ଶନିଭ୍ୟଶ୍ଚ ରାହଵେ କେତଵେ ନମଃ ॥
ରଵିଃ
ଜପାକୁସୁମ ସଂକାଶଂ କାଶ୍ୟପେୟଂ ମହାଦ୍ୟୁତିମ୍ ।
ତମୋଽରିଂ ସର୍ଵ ପାପଘ୍ନଂ ପ୍ରଣତୋସ୍ମି ଦିଵାକରମ୍ ॥
ଚଂଦ୍ରଃ
ଦଧିଶଂଖ ତୁଷାରାଭଂ କ୍ଷୀରାର୍ଣଵ ସମୁଦ୍ଭଵମ୍ (କ୍ଷୀରୋଦାର୍ଣଵ ସଂଭଵମ୍) ।
ନମାମି ଶଶିନଂ ସୋମଂ ଶଂଭୋ-ର୍ମକୁଟ ଭୂଷଣମ୍ ॥
କୁଜଃ
ଧରଣୀ ଗର୍ଭ ସଂଭୂତଂ ଵିଦ୍ୟୁତ୍କାଂତି ସମପ୍ରଭମ୍ ।
କୁମାରଂ ଶକ୍ତିହସ୍ତଂ ତଂ ମଂଗଳଂ ପ୍ରଣମାମ୍ୟହମ୍ ॥
ବୁଧଃ
ପ୍ରିୟଂଗୁ କଲିକାଶ୍ୟାମଂ ରୂପେଣା ପ୍ରତିମଂ ବୁଧମ୍ ।
ସୌମ୍ୟଂ ସୌମ୍ୟ (ସତ୍ଵ) ଗୁଣୋପେତଂ ତଂ ବୁଧଂ ପ୍ରଣମାମ୍ୟହମ୍ ॥
ଗୁରୁଃ
ଦେଵାନାଂ ଚ ଋଷୀଣାଂ ଚ ଗୁରୁଂ କାଂଚନସନ୍ନିଭମ୍ ।
ବୁଦ୍ଧିମଂତଂ ତ୍ରିଲୋକେଶଂ ତଂ ନମାମି ବୃହସ୍ପତିମ୍ ॥
ଶୁକ୍ରଃ
ହିମକୁଂଦ ମୃଣାଳାଭଂ ଦୈତ୍ୟାନଂ ପରମଂ ଗୁରୁମ୍ ।
ସର୍ଵଶାସ୍ତ୍ର ପ୍ରଵକ୍ତାରଂ ଭାର୍ଗଵଂ ପ୍ରଣମାମ୍ୟହମ୍ ॥
ଶନିଃ
ନୀଲାଂଜନ ସମାଭାସଂ ରଵିପୁତ୍ରଂ ୟମାଗ୍ରଜମ୍ ।
ଛାୟା ମାର୍ତାଂଡ ସଂଭୂତଂ ତଂ ନମାମି ଶନୈଶ୍ଚରମ୍ ॥
ରାହୁଃ
ଅର୍ଧକାୟଂ ମହାଵୀରଂ ଚଂଦ୍ରାଦିତ୍ୟ ଵିମର୍ଧନମ୍ ।
ସିଂହିକା ଗର୍ଭ ସଂଭୂତଂ ତଂ ରାହୁଂ ପ୍ରଣମାମ୍ୟହମ୍ ॥
କେତୁଃ
ପଲାଶ ପୁଷ୍ପ ସଂକାଶଂ ତାରକାଗ୍ରହମସ୍ତକମ୍ ।
ରୌଦ୍ରଂ ରୌଦ୍ରାତ୍ମକଂ ଘୋରଂ ତଂ କେତୁଂ ପ୍ରଣମାମ୍ୟହମ୍ ॥
ଫଲଶ୍ରୁତିଃ
ଇତି ଵ୍ୟାସ ମୁଖୋଦ୍ଗୀତଂ ୟଃ ପଠେତ୍ସୁ ସମାହିତଃ ।
ଦିଵା ଵା ୟଦି ଵା ରାତ୍ରୌ ଵିଘ୍ନଶାଂତି-ର୍ଭଵିଷ୍ୟତି ॥
ନରନାରୀ-ନୃପାଣାଂ ଚ ଭଵେ-ଦ୍ଦୁଃସ୍ଵପ୍ନ-ନାଶନମ୍ ।
ଐଶ୍ଵର୍ୟମତୁଲଂ ତେଷାମାରୋଗ୍ୟଂ ପୁଷ୍ଟି ଵର୍ଧନମ୍ ॥
ଗ୍ରହନକ୍ଷତ୍ରଜାଃ ପୀଡାସ୍ତସ୍କରାଗ୍ନି ସମୁଦ୍ଭଵାଃ ।
ତାସ୍ସର୍ଵାଃ ପ୍ରଶମଂ ୟାଂତି ଵ୍ୟାସୋ ବ୍ରୂତେ ନ ସଂଶୟଃ ॥