ମହା ସରସ୍ଵତୀ ସ୍ତଵମ୍ | Maha Saraswati Stavam In Odia
Also Read This In:- Bengali, English, Gujarati, Hindi, Kannada, Marathi, Malayalam, Punjabi, Sanskrit, Tamil, Telugu.
ଅଶ୍ଵତର ଉଵାଚ ।
ଜଗଦ୍ଧାତ୍ରୀମହଂ ଦେଵୀମାରିରାଧୟିଷୁଃ ଶୁଭାମ୍ ।
ସ୍ତୋଷ୍ୟେ ପ୍ରଣମ୍ୟ ଶିରସା ବ୍ରହ୍ମୟୋନିଂ ସରସ୍ଵତୀମ୍ ॥ 1 ॥
ସଦସଦ୍ଦେଵି ୟତ୍କିଂଚିନ୍ମୋକ୍ଷଵଚ୍ଚାର୍ଥଵତ୍ପଦମ୍ ।
ତତ୍ସର୍ଵଂ ତ୍ଵୟ୍ୟସଂୟୋଗଂ ୟୋଗଵଦ୍ଦେଵି ସଂସ୍ଥିତମ୍ ॥ 2 ॥
ତ୍ଵମକ୍ଷରଂ ପରଂ ଦେଵି ୟତ୍ର ସର୍ଵଂ ପ୍ରତିଷ୍ଠିତମ୍ ।
ଅକ୍ଷରଂ ପରମଂ ଦେଵି ସଂସ୍ଥିତଂ ପରମାଣୁଵତ୍ ॥ 3 ॥
ଅକ୍ଷରଂ ପରମଂ ବ୍ରହ୍ମ ଵିଶ୍ଵଂଚୈତତ୍କ୍ଷରାତ୍ମକମ୍ ।
ଦାରୁଣ୍ୟଵସ୍ଥିତୋ ଵହ୍ନିର୍ଭୌମାଶ୍ଚ ପରମାଣଵଃ ॥ 4 ॥
ତଥା ତ୍ଵୟି ସ୍ଥିତଂ ବ୍ରହ୍ମ ଜଗଚ୍ଚେଦମଶେଷତଃ ।
ଓଂକାରାକ୍ଷରସଂସ୍ଥାନଂ ୟତ୍ତୁ ଦେଵି ସ୍ଥିରାସ୍ଥିରମ୍ ॥ 5 ॥
ତତ୍ର ମାତ୍ରାତ୍ରୟଂ ସର୍ଵମସ୍ତି ୟଦ୍ଦେଵି ନାସ୍ତି ଚ ।
ତ୍ରୟୋ ଲୋକାସ୍ତ୍ରୟୋ ଵେଦାସ୍ତ୍ରୈଵିଦ୍ୟଂ ପାଵକତ୍ରୟମ୍ ॥ 6 ॥
ତ୍ରୀଣି ଜ୍ୟୋତୀଂଷି ଵର୍ଣାଶ୍ଚ ତ୍ରୟୋ ଧର୍ମାଗମାସ୍ତଥା ।
ତ୍ରୟୋ ଗୁଣାସ୍ତ୍ରୟଃ ଶବ୍ଦସ୍ତ୍ରୟୋ ଵେଦାସ୍ତଥାଶ୍ରମାଃ ॥ 7 ॥
ତ୍ରୟଃ କାଲାସ୍ତଥାଵସ୍ଥାଃ ପିତରୋଽହର୍ନିଶାଦୟଃ ।
ଏତନ୍ମାତ୍ରାତ୍ରୟଂ ଦେଵି ତଵ ରୂପଂ ସରସ୍ଵତି ॥ 8 ॥
ଵିଭିନ୍ନଦର୍ଶିନାମାଦ୍ୟା ବ୍ରହ୍ମଣୋ ହି ସନାତନାଃ ।
ସୋମସଂସ୍ଥା ହଵିଃ ସଂସ୍ଥାଃ ପାକସଂସ୍ଥାଶ୍ଚ ସପ୍ତ ୟାଃ ॥ 9 ॥
ତାସ୍ତ୍ଵଦୁଚ୍ଚାରଣାଦ୍ଦେଵି କ୍ରିୟଂତେ ବ୍ରହ୍ମଵାଦିଭିଃ ।
ଅନିର୍ଦେଶ୍ୟଂ ତଥା ଚାନ୍ୟଦର୍ଧମାତ୍ରାନ୍ଵିତଂ ପରମ୍ ॥ 10 ॥
ଅଵିକାର୍ୟକ୍ଷୟଂ ଦିଵ୍ୟଂ ପରିଣାମଵିଵର୍ଜିତମ୍ ।
ତଵୈତତ୍ପରମଂ ରୂପଂ ୟନ୍ନ ଶକ୍ୟଂ ମୟୋଦିତୁମ୍ ॥ 11 ॥
ନ ଚାସ୍ୟେନ ଚ ତଜ୍ଜିହ୍ଵା ତାମ୍ରୋଷ୍ଠାଦିଭିରୁଚ୍ୟତେ ।
ଇଂଦ୍ରୋଽପି ଵସଵୋ ବ୍ରହ୍ମା ଚଂଦ୍ରାର୍କୌ ଜ୍ୟୋତିରେଵ ଚ ॥ 12 ॥
ଵିଶ୍ଵାଵାସଂ ଵିଶ୍ଵରୂପଂ ଵିଶ୍ଵେଶଂ ପରମେଶ୍ଵରମ୍ ।
ସାଂଖ୍ୟଵେଦାଂତଵାଦୋକ୍ତଂ ବହୁଶାଖାସ୍ଥିରୀକୃତମ୍ ॥ 13 ॥
ଅନାଦିମଧ୍ୟନିଧନଂ ସଦସନ୍ନ ସଦେଵ ୟତ୍ ।
ଏକଂତ୍ଵନେକଂ ନାପ୍ୟେକଂ ଭଵଭେଦସମାଶ୍ରିତମ୍ ॥ 14 ॥
ଅନାଖ୍ୟଂ ଷଡ୍ଗୁଣାଖ୍ୟଂଚ ଵର୍ଗାଖ୍ୟଂ ତ୍ରିଗୁଣାଶ୍ରୟମ୍ ।
ନାନାଶକ୍ତିମତାମେକଂ ଶକ୍ତିଵୈଭଵିକଂ ପରମ୍ ॥ 15 ॥
ସୁଖାସୁଖଂ ମହାସୌଖ୍ୟରୂପଂ ତ୍ଵୟି ଵିଭାଵ୍ୟତେ ।
ଏଵଂ ଦେଵି ତ୍ଵୟା ଵ୍ୟାପ୍ତଂ ସକଲଂ ନିଷ୍କଲଂଚ ୟତ୍ ।
ଅଦ୍ଵୈତାଵସ୍ଥିତଂ ବ୍ରହ୍ମ ୟଚ୍ଚ ଦ୍ଵୈତେ ଵ୍ୟଵସ୍ଥିତମ୍ ॥ 16 ॥
ୟେଽର୍ଥା ନିତ୍ୟା ୟେ ଵିନଶ୍ୟଂତି ଚାନ୍ୟେ
ୟେ ଵା ସ୍ଥୂଲା ୟେ ଚ ସୂକ୍ଷ୍ମାତିସୂକ୍ଷ୍ମାଃ ।
ୟେ ଵା ଭୂମୌ ୟେଽଂତରୀକ୍ଷେଽନ୍ୟତୋ ଵା
ତେଷାଂ ତେଷାଂ ତ୍ଵତ୍ତ ଏଵୋପଲବ୍ଧିଃ ॥ 17 ॥
ୟଚ୍ଚାମୂର୍ତଂ ୟଚ୍ଚ ମୂର୍ତଂ ସମସ୍ତଂ
ୟଦ୍ଵା ଭୂତେଷ୍ଵେକମେକଂଚ କିଂଚିତ୍ ।
ୟଦ୍ଦିଵ୍ୟସ୍ତି କ୍ଷ୍ମାତଲେ ଖେଽନ୍ୟତୋ ଵା
ତ୍ଵତ୍ସଂବଂଧଂ ତ୍ଵତ୍ସ୍ଵରୈର୍ଵ୍ୟଂଜନୈଶ୍ଚ ॥ 18 ॥
ଇତି ଶ୍ରୀମାର୍କଂଡେୟପୁରାଣେ ତ୍ରୟୋଵିଂଶୋଽଧ୍ୟାୟେ ଅଶ୍ଵତର ପ୍ରୋକ୍ତ ମହାସରସ୍ଵତୀ ସ୍ତଵମ୍ ।