ശ്രീ വേംകടേശ മംഗലാശാസനമ് | Venkatesha Mangalasasanam In Malayalam
Also Read This In:- Bengali, English, Gujarati, Hindi, Kannada, Marathi, Odia, Punjabi, Sanskrit, Tamil, Telugu.
ശ്രിയഃ കാംതായ കല്യാണനിധയേ നിധയേഽര്ഥിനാമ് ।
ശ്രീവേംകട നിവാസായ ശ്രീനിവാസായ മംഗലമ് ॥ 1 ॥
ലക്ഷ്മീ സവിഭ്രമാലോക സുഭ്രൂ വിഭ്രമ ചക്ഷുഷേ ।
ചക്ഷുഷേ സര്വലോകാനാം വേംകടേശായ മംഗലമ് ॥ 2 ॥
ശ്രീവേംകടാദ്രി ശൃംഗാഗ്ര മംഗലാഭരണാംഘ്രയേ ।
മംഗലാനാം നിവാസായ ശ്രീനിവാസായ മംഗലമ് ॥ 3 ॥
സര്വാവയവ സൌംദര്യ സംപദാ സര്വചേതസാമ് ।
സദാ സമ്മോഹനായാസ്തു വേംകടേശായ മംഗലമ് ॥ 4 ॥
നിത്യായ നിരവദ്യായ സത്യാനംദ ചിദാത്മനേ ।
സര്വാംതരാത്മനേ ശീമദ്-വേംകടേശായ മംഗലമ് ॥ 5 ॥
സ്വത സ്സര്വവിദേ സര്വ ശക്തയേ സര്വശേഷിണേ ।
സുലഭായ സുശീലായ വേംകടേശായ മംഗലമ് ॥ 6 ॥
പരസ്മൈ ബ്രഹ്മണേ പൂര്ണകാമായ പരമാത്മനേ ।
പ്രയുംജേ പരതത്ത്വായ വേംകടേശായ മംഗലമ് ॥ 7 ॥
ആകാലതത്ത്വ മശ്രാംത മാത്മനാ മനുപശ്യതാമ് ।
അതൃപ്ത്യമൃത രൂപായ വേംകടേശായ മംഗലമ് ॥ 8 ॥
പ്രായഃ സ്വചരണൌ പുംസാം ശരണ്യത്വേന പാണിനാ ।
കൃപയാഽഽദിശതേ ശ്രീമദ്-വേംകടേശായ മംഗലമ് ॥ 9 ॥
ദയാഽമൃത തരംഗിണ്യാ സ്തരംഗൈരിവ ശീതലൈഃ ।
അപാംഗൈ സ്സിംചതേ വിശ്വം വേംകടേശായ മംഗലമ് ॥ 10 ॥
സ്രഗ്-ഭൂഷാംബര ഹേതീനാം സുഷമാഽഽവഹമൂര്തയേ ।
സര്വാര്തി ശമനായാസ്തു വേംകടേശായ മംഗലമ് ॥ 11 ॥
ശ്രീവൈകുംഠ വിരക്തായ സ്വാമി പുഷ്കരിണീതടേ ।
രമയാ രമമാണായ വേംകടേശായ മംഗലമ് ॥ 12 ॥
ശ്രീമത്-സുംദരജാ മാതൃമുനി മാനസവാസിനേ ।
സര്വലോക നിവാസായ ശ്രീനിവാസായ മംഗലമ് ॥ 13 ॥
മംഗലാ ശാസനപരൈര്-മദാചാര്യ പുരോഗമൈഃ ।
സര്വൈശ്ച പൂര്വൈരാചാര്യൈഃ സത്കൃതായാസ്തു മംഗലമ് ॥ 14 ॥
ശ്രീ പദ്മാവതീ സമേത ശ്രീ ശ്രീനിവാസ പരബ്രഹ്മണേ നമഃ