സംകട നാശന ഗണേശ സ്തോത്രമ് | Sankata Nashana Ganesha Stotram In Malayalam

Also Read This In:- Bengali, English, Gujarati, Hindi, Kannada, Marathi, Odia, Punjabi, Sanskrit, Tamil, Telugu.

നാരദ ഉവാച ।
പ്രണമ്യ ശിരസാ ദേവം ഗൌരീപുത്രം വിനായകമ് ।
ഭക്താവാസം സ്മരേന്നിത്യമായുഷ്കാമാര്ഥസിദ്ധയേ ॥ 1 ॥

പ്രഥമം വക്രതുംഡം ച ഏകദംതം ദ്വിതീയകമ് ।
തൃതീയം കൃഷ്ണപിംഗാക്ഷം ഗജവക്ത്രം ചതുര്ഥകമ് ॥ 2 ॥

ലംബോദരം പംചമം ച ഷഷ്ഠം വികടമേവ ച ।
സപ്തമം വിഘ്നരാജം ച ധൂമ്രവര്ണം തഥാഷ്ടമമ് ॥ 3 ॥

നവമം ഭാലചംദ്രം ച ദശമം തു വിനായകമ് ।
ഏകാദശം ഗണപതിം ദ്വാദശം തു ഗജാനനമ് ॥ 4 ॥

ദ്വാദശൈതാനി നാമാനി ത്രിസംധ്യം യഃ പഠേന്നരഃ ।
ന ച വിഘ്നഭയം തസ്യ സര്വസിദ്ധികരം പരമ് ॥ 5 ॥

വിദ്യാര്ഥീ ലഭതേ വിദ്യാം ധനാര്ഥീ ലഭതേ ധനമ് ।
പുത്രാര്ഥീ ലഭതേ പുത്രാന്മോക്ഷാര്ഥീ ലഭതേ ഗതിമ് ॥ 6 ॥

ജപേദ്ഗണപതിസ്തോത്രം ഷഡ്ഭിര്മാസൈഃ ഫലം ലഭേത് ।
സംവത്സരേണ സിദ്ധിം ച ലഭതേ നാത്ര സംശയഃ ॥ 7 ॥

അഷ്ടഭ്യോ ബ്രാഹ്മണേഭ്യശ്ച ലിഖിത്വാ യഃ സമര്പയേത് ।
തസ്യ വിദ്യാ ഭവേത്സര്വാ ഗണേശസ്യ പ്രസാദതഃ ॥ 8 ॥

ഇതി ശ്രീനാരദപുരാണേ സംകഷ്ടനാശനം നാമ ഗണേശ സ്തോത്രമ് ।