ശ്രീ രാമ ആപദുദ്ധാരക സ്തോത്രമ് | Rama Apaduddharaka Stotram In Malayalam

Also Read This In:- Bengali, English, Gujarati, Hindi, Kannada, Marathi, Odia, Punjabi, Sanskrit, Tamil, Telugu.

ആപദാമപഹര്താരം ദാതാരം സര്വസംപദാമ് ।
ലോകാഭിരാമം ശ്രീരാമം ഭൂയോ ഭൂയോ നമാമ്യഹമ് ॥

നമഃ കോദംഡഹസ്തായ സംധീകൃതശരായ ച ।
ദംഡിതാഖിലദൈത്യായ രാമായാപന്നിവാരിണേ ॥ 1 ॥

ആപന്നജനരക്ഷൈകദീക്ഷായാമിതതേജസേ ।
നമോഽസ്തു വിഷ്ണവേ തുഭ്യം രാമായാപന്നിവാരിണേ ॥ 2 ॥

പദാംഭോജരജസ്സ്പര്ശപവിത്രമുനിയോഷിതേ ।
നമോഽസ്തു സീതാപതയേ രാമായാപന്നിവാരിണേ ॥ 3 ॥

ദാനവേംദ്രമഹാമത്തഗജപംചാസ്യരൂപിണേ ।
നമോഽസ്തു രഘുനാഥായ രാമായാപന്നിവാരിണേ ॥ 4 ॥

മഹിജാകുചസംലഗ്നകുംകുമാരുണവക്ഷസേ ।
നമഃ കല്യാണരൂപായ രാമായാപന്നിവാരിണേ ॥ 5 ॥

പദ്മസംഭവ ഭൂതേശ മുനിസംസ്തുതകീര്തയേ ।
നമോ മാര്താംഡവംശ്യായ രാമായാപന്നിവാരിണേ ॥ 6 ॥

ഹരത്യാര്തിം ച ലോകാനാം യോ വാ മധുനിഷൂദനഃ ।
നമോഽസ്തു ഹരയേ തുഭ്യം രാമായാപന്നിവാരിണേ ॥ 7 ॥

താപകാരണസംസാരഗജസിംഹസ്വരൂപിണേ ।
നമോ വേദാംതവേദ്യായ രാമായാപന്നിവാരിണേ ॥ 8 ॥

രംഗത്തരംഗജലധിഗര്വഹൃച്ഛരധാരിണേ ।
നമഃ പ്രതാപരൂപായ രാമായാപന്നിവാരിണേ ॥ 9 ॥

ദാരോപഹിതചംദ്രാവതംസധ്യാതസ്വമൂര്തയേ ।
നമഃ സത്യസ്വരൂപായ രാമായാപന്നിവാരിണേ ॥ 10 ॥

താരാനായകസംകാശവദനായ മഹൌജസേ ।
നമോഽസ്തു താടകാഹംത്രേ രാമായാപന്നിവാരിണേ ॥ 11 ॥

രമ്യസാനുലസച്ചിത്രകൂടാശ്രമവിഹാരിണേ ।
നമഃ സൌമിത്രിസേവ്യായ രാമായാപന്നിവാരിണേ ॥ 12 ॥

സര്വദേവഹിതാസക്ത ദശാനനവിനാശിനേ ।
നമോഽസ്തു ദുഃഖധ്വംസായ രാമായാപന്നിവാരിണേ ॥ 13 ॥

രത്നസാനുനിവാസൈക വംദ്യപാദാംബുജായ ച ।
നമസ്ത്രൈലോക്യനാഥായ രാമായാപന്നിവാരിണേ ॥ 14 ॥

സംസാരബംധമോക്ഷൈകഹേതുധാമപ്രകാശിനേ ।
നമഃ കലുഷസംഹര്ത്രേ രാമായാപന്നിവാരിണേ ॥ 15 ॥

പവനാശുഗ സംക്ഷിപ്ത മാരീചാദി സുരാരയേ ।
നമോ മഖപരിത്രാത്രേ രാമായാപന്നിവാരിണേ ॥ 16 ॥

ദാംഭികേതരഭക്തൌഘമഹദാനംദദായിനേ ।
നമഃ കമലനേത്രായ രാമായാപന്നിവാരിണേ ॥ 17 ॥

ലോകത്രയോദ്വേഗകര കുംഭകര്ണശിരശ്ഛിദേ ।
നമോ നീരദദേഹായ രാമായാപന്നിവാരിണേ ॥ 18 ॥

കാകാസുരൈകനയനഹരല്ലീലാസ്ത്രധാരിണേ ।
നമോ ഭക്തൈകവേദ്യായ രാമായാപന്നിവാരിണേ ॥ 19 ॥

ഭിക്ഷുരൂപസമാക്രാംത ബലിസര്വൈകസംപദേ ।
നമോ വാമനരൂപായ രാമായാപന്നിവാരിണേ ॥ 20 ॥

രാജീവനേത്രസുസ്പംദ രുചിരാംഗസുരോചിഷേ ।
നമഃ കൈവല്യനിധയേ രാമായാപന്നിവാരിണേ ॥ 21 ॥

മംദമാരുതസംവീത മംദാരദ്രുമവാസിനേ ।
നമഃ പല്ലവപാദായ രാമായാപന്നിവാരിണേ ॥ 22 ॥

ശ്രീകംഠചാപദലനധുരീണബലബാഹവേ ।
നമഃ സീതാനുഷക്തായ രാമായാപന്നിവാരിണേ ॥ 23 ॥

രാജരാജസുഹൃദ്യോഷാര്ചിത മംഗലമൂര്തയേ ।
നമ ഇക്ഷ്വാകുവംശ്യായ രാമായാപന്നിവാരിണേ ॥ 24 ॥

മംജുലാദര്ശവിപ്രേക്ഷണോത്സുകൈകവിലാസിനേ ।
നമഃ പാലിതഭക്തായ രാമായാപന്നിവാരിണേ ॥ 25 ॥

ഭൂരിഭൂധര കോദംഡമൂര്തി ധ്യേയസ്വരൂപിണേ ।
നമോഽസ്തു തേജോനിധയേ രാമായാപന്നിവാരിണേ ॥ 26 ॥

യോഗീംദ്രഹൃത്സരോജാതമധുപായ മഹാത്മനേ ।
നമോ രാജാധിരാജായ രാമായാപന്നിവാരിണേ ॥ 27 ॥

ഭൂവരാഹസ്വരൂപായ നമോ ഭൂരിപ്രദായിനേ ।
നമോ ഹിരണ്യഗര്ഭായ രാമായാപന്നിവാരിണേ ॥ 28 ॥

യോഷാംജലിവിനിര്മുക്ത ലാജാംചിതവപുഷ്മതേ ।
നമഃ സൌംദര്യനിധയേ രാമായാപന്നിവാരിണേ ॥ 29 ॥

നഖകോടിവിനിര്ഭിന്നദൈത്യാധിപതിവക്ഷസേ ।
നമോ നൃസിംഹരൂപായ രാമായാപന്നിവാരിണേ ॥ 30 ॥

മായാമാനുഷദേഹായ വേദോദ്ധരണഹേതവേ ।
നമോഽസ്തു മത്സ്യരൂപായ രാമായാപന്നിവാരിണേ ॥ 31 ॥

മിതിശൂന്യ മഹാദിവ്യമഹിമ്നേ മാനിതാത്മനേ ।
നമോ ബ്രഹ്മസ്വരൂപായ രാമായാപന്നിവാരിണേ ॥ 32 ॥

അഹംകാരേതരജന സ്വാംതസൌധവിഹാരിണേ ।
നമോഽസ്തു ചിത്സ്വരൂപായ രാമായാപന്നിവാരിണേ ॥ 33 ॥

സീതാലക്ഷ്മണസംശോഭിപാര്ശ്വായ പരമാത്മനേ ।
നമഃ പട്ടാഭിഷിക്തായ രാമായാപന്നിവാരിണേ ॥ 34 ॥

അഗ്രതഃ പൃഷ്ഠതശ്ചൈവ പാര്ശ്വതശ്ച മഹാബലൌ ।
ആകര്ണപൂര്ണധന്വാനൌ രക്ഷേതാം രാമലക്ഷ്മണൌ ॥ 35 ॥

സന്നദ്ധഃ കവചീ ഖഡ്ഗീ ചാപബാണധരോ യുവാ ।
തിഷ്ഠന്മമാഗ്രതോ നിത്യം രാമഃ പാതു സലക്ഷ്മണഃ ॥ 36 ॥

ആപദാമപഹര്താരം ദാതാരം സര്വസംപദാമ് ।
ലോകാഭിരാമം ശ്രീരാമം ഭൂയോ ഭൂയോ നമാമ്യഹമ് ॥

ഫലശ്രുതി
ഇമം സ്തവം ഭഗവതഃ പഠേദ്യഃ പ്രീതമാനസഃ ।
പ്രഭാതേ വാ പ്രദോഷേ വാ രാമസ്യ പരമാത്മനഃ ॥ 1 ॥

സ തു തീര്ത്വാ ഭവാംബോധിമാപദസ്സകലാനപി ।
രാമസായുജ്യമാപ്നോതി ദേവദേവപ്രസാദതഃ ॥ 2 ॥

കാരാഗൃഹാദിബാധാസു സംപ്രാപ്തേ ബഹുസംകടേ ।
ആപന്നിവാരകസ്തോത്രം പഠേദ്യസ്തു യഥാവിധിഃ ॥ 3 ॥

സംയോജ്യാനുഷ്ടുഭം മംത്രമനുശ്ലോകം സ്മരന്വിഭുമ് ।
സപ്താഹാത്സര്വബാധാഭ്യോ മുച്യതേ നാത്ര സംശയഃ ॥ 4 ॥

ദ്വാത്രിംശദ്വാരജപതഃ പ്രത്യഹം തു ദൃഢവ്രതഃ ।
വൈശാഖേ ഭാനുമാലോക്യ പ്രത്യഹം ശതസംഖ്യയാ ॥ 5 ॥

ധനവാന് ധനദപ്രഖ്യസ്സ ഭവേന്നാത്ര സംശയഃ ।
ബഹുനാത്ര കിമുക്തേന യം യം കാമയതേ നരഃ ॥ 6 ॥

തം തം കാമമവാപ്നോതി സ്തോത്രേണാനേന മാനവഃ ।
യംത്രപൂജാവിധാനേന ജപഹോമാദിതര്പണൈഃ ॥ 7 ॥

യസ്തു കുര്വീത സഹസാ സര്വാന്കാമാനവാപ്നുയാത് ।
ഇഹ ലോകേ സുഖീ ഭൂത്വാ പരേ മുക്തോ ഭവിഷ്യതി ॥ 8 ॥