મહા સરસ્વતી સ્તવમ્ | Maha Saraswati Stavam In Gujarati
Also Read This In:- Bengali, English, Hindi, Kannada, Marathi, Malayalam, Odia, Punjabi, Sanskrit, Tamil, Telugu.
અશ્વતર ઉવાચ ।
જગદ્ધાત્રીમહં દેવીમારિરાધયિષુઃ શુભામ્ ।
સ્તોષ્યે પ્રણમ્ય શિરસા બ્રહ્મયોનિં સરસ્વતીમ્ ॥ 1 ॥
સદસદ્દેવિ યત્કિંચિન્મોક્ષવચ્ચાર્થવત્પદમ્ ।
તત્સર્વં ત્વય્યસંયોગં યોગવદ્દેવિ સંસ્થિતમ્ ॥ 2 ॥
ત્વમક્ષરં પરં દેવિ યત્ર સર્વં પ્રતિષ્ઠિતમ્ ।
અક્ષરં પરમં દેવિ સંસ્થિતં પરમાણુવત્ ॥ 3 ॥
અક્ષરં પરમં બ્રહ્મ વિશ્વંચૈતત્ક્ષરાત્મકમ્ ।
દારુણ્યવસ્થિતો વહ્નિર્ભૌમાશ્ચ પરમાણવઃ ॥ 4 ॥
તથા ત્વયિ સ્થિતં બ્રહ્મ જગચ્ચેદમશેષતઃ ।
ઓંકારાક્ષરસંસ્થાનં યત્તુ દેવિ સ્થિરાસ્થિરમ્ ॥ 5 ॥
તત્ર માત્રાત્રયં સર્વમસ્તિ યદ્દેવિ નાસ્તિ ચ ।
ત્રયો લોકાસ્ત્રયો વેદાસ્ત્રૈવિદ્યં પાવકત્રયમ્ ॥ 6 ॥
ત્રીણિ જ્યોતીંષિ વર્ણાશ્ચ ત્રયો ધર્માગમાસ્તથા ।
ત્રયો ગુણાસ્ત્રયઃ શબ્દસ્ત્રયો વેદાસ્તથાશ્રમાઃ ॥ 7 ॥
ત્રયઃ કાલાસ્તથાવસ્થાઃ પિતરોઽહર્નિશાદયઃ ।
એતન્માત્રાત્રયં દેવિ તવ રૂપં સરસ્વતિ ॥ 8 ॥
વિભિન્નદર્શિનામાદ્યા બ્રહ્મણો હિ સનાતનાઃ ।
સોમસંસ્થા હવિઃ સંસ્થાઃ પાકસંસ્થાશ્ચ સપ્ત યાઃ ॥ 9 ॥
તાસ્ત્વદુચ્ચારણાદ્દેવિ ક્રિયંતે બ્રહ્મવાદિભિઃ ।
અનિર્દેશ્યં તથા ચાન્યદર્ધમાત્રાન્વિતં પરમ્ ॥ 10 ॥
અવિકાર્યક્ષયં દિવ્યં પરિણામવિવર્જિતમ્ ।
તવૈતત્પરમં રૂપં યન્ન શક્યં મયોદિતુમ્ ॥ 11 ॥
ન ચાસ્યેન ચ તજ્જિહ્વા તામ્રોષ્ઠાદિભિરુચ્યતે ।
ઇંદ્રોઽપિ વસવો બ્રહ્મા ચંદ્રાર્કૌ જ્યોતિરેવ ચ ॥ 12 ॥
વિશ્વાવાસં વિશ્વરૂપં વિશ્વેશં પરમેશ્વરમ્ ।
સાંખ્યવેદાંતવાદોક્તં બહુશાખાસ્થિરીકૃતમ્ ॥ 13 ॥
અનાદિમધ્યનિધનં સદસન્ન સદેવ યત્ ।
એકંત્વનેકં નાપ્યેકં ભવભેદસમાશ્રિતમ્ ॥ 14 ॥
અનાખ્યં ષડ્ગુણાખ્યંચ વર્ગાખ્યં ત્રિગુણાશ્રયમ્ ।
નાનાશક્તિમતામેકં શક્તિવૈભવિકં પરમ્ ॥ 15 ॥
સુખાસુખં મહાસૌખ્યરૂપં ત્વયિ વિભાવ્યતે ।
એવં દેવિ ત્વયા વ્યાપ્તં સકલં નિષ્કલંચ યત્ ।
અદ્વૈતાવસ્થિતં બ્રહ્મ યચ્ચ દ્વૈતે વ્યવસ્થિતમ્ ॥ 16 ॥
યેઽર્થા નિત્યા યે વિનશ્યંતિ ચાન્યે
યે વા સ્થૂલા યે ચ સૂક્ષ્માતિસૂક્ષ્માઃ ।
યે વા ભૂમૌ યેઽંતરીક્ષેઽન્યતો વા
તેષાં તેષાં ત્વત્ત એવોપલબ્ધિઃ ॥ 17 ॥
યચ્ચામૂર્તં યચ્ચ મૂર્તં સમસ્તં
યદ્વા ભૂતેષ્વેકમેકંચ કિંચિત્ ।
યદ્દિવ્યસ્તિ ક્ષ્માતલે ખેઽન્યતો વા
ત્વત્સંબંધં ત્વત્સ્વરૈર્વ્યંજનૈશ્ચ ॥ 18 ॥
ઇતિ શ્રીમાર્કંડેયપુરાણે ત્રયોવિંશોઽધ્યાયે અશ્વતર પ્રોક્ત મહાસરસ્વતી સ્તવમ્ ।