সুদর্শন ষট্কম্ | Sudarshana Shatkam In Bengali

Also Read This In:- English, Gujarati, Hindi, Kannada, Marathi, Malayalam, Odia, Punjabi, Sanskrit, Tamil, Telugu.

সহস্রাদিত্যসংকাশং সহস্রবদনং পরম্ ।
সহস্রদোস্সহস্রারং প্রপদ্যেঽহং সুদর্শনম্ ॥ 1 ॥

হসংতং হারকেযূর মকুটাংগদভূষণৈঃ ।
শোভনৈর্ভূষিততনুং প্রপদ্যেঽহং সুদর্শনম্ ॥ 2 ॥

স্রাকারসহিতং মংত্রং বদনং শত্রুনিগ্রহম্ ।
সর্বরোগপ্রশমনং প্রপদ্যেঽহং সুদর্শনম্ ॥ 3 ॥

রণত্কিংকিণিজালেন রাক্ষসঘ্নং মহাদ্ভুতম্ ।
ব্যুপ্তকেশং বিরূপাক্ষং প্রপদ্যেঽহং সুদর্শনম্ ॥ 4 ॥

হুংকারভৈরবং ভীমং প্রণাতার্তিহরং প্রভুম্ ।
সর্বপাপপ্রশমনং প্রপদ্যেঽহং সুদর্শনম্ ॥ 5 ॥

ফট্কারাস্তমনির্দেশ্য দিব্যমংত্রেণসংযুতম্ ।
শিবং প্রসন্নবদনং প্রপদ্যেঽহং সুদর্শনম্ ॥ 6 ॥

এতৈষ্ষড্ভিঃ স্তুতো দেবঃ প্রসন্নঃ শ্রীসুদর্শনঃ ।
রক্ষাং করোতি সর্বাত্মা সর্বত্র বিজযী ভবেত্ ॥ 7 ॥