শ্রী রাম আপদুদ্ধারক স্তোত্রম্ | Rama Apaduddharaka Stotram In Bengali

Also Read This In:- English, Gujarati, Hindi, Kannada, Malayalam, Marathi, Odia, Punjabi, Sanskrit, Tamil, Telugu.

আপদামপহর্তারং দাতারং সর্বসংপদাম্ ।
লোকাভিরামং শ্রীরামং ভূযো ভূযো নমাম্যহম্ ॥

নমঃ কোদংডহস্তায সংধীকৃতশরায চ ।
দংডিতাখিলদৈত্যায রামাযাপন্নিবারিণে ॥ 1 ॥

আপন্নজনরক্ষৈকদীক্ষাযামিততেজসে ।
নমোঽস্তু বিষ্ণবে তুভ্যং রামাযাপন্নিবারিণে ॥ 2 ॥

পদাংভোজরজস্স্পর্শপবিত্রমুনিযোষিতে ।
নমোঽস্তু সীতাপতযে রামাযাপন্নিবারিণে ॥ 3 ॥

দানবেংদ্রমহামত্তগজপংচাস্যরূপিণে ।
নমোঽস্তু রঘুনাথায রামাযাপন্নিবারিণে ॥ 4 ॥

মহিজাকুচসংলগ্নকুংকুমারুণবক্ষসে ।
নমঃ কল্যাণরূপায রামাযাপন্নিবারিণে ॥ 5 ॥

পদ্মসংভব ভূতেশ মুনিসংস্তুতকীর্তযে ।
নমো মার্তাংডবংশ্যায রামাযাপন্নিবারিণে ॥ 6 ॥

হরত্যার্তিং চ লোকানাং যো বা মধুনিষূদনঃ ।
নমোঽস্তু হরযে তুভ্যং রামাযাপন্নিবারিণে ॥ 7 ॥

তাপকারণসংসারগজসিংহস্বরূপিণে ।
নমো বেদাংতবেদ্যায রামাযাপন্নিবারিণে ॥ 8 ॥

রংগত্তরংগজলধিগর্বহৃচ্ছরধারিণে ।
নমঃ প্রতাপরূপায রামাযাপন্নিবারিণে ॥ 9 ॥

দারোপহিতচংদ্রাবতংসধ্যাতস্বমূর্তযে ।
নমঃ সত্যস্বরূপায রামাযাপন্নিবারিণে ॥ 10 ॥

তারানাযকসংকাশবদনায মহৌজসে ।
নমোঽস্তু তাটকাহংত্রে রামাযাপন্নিবারিণে ॥ 11 ॥

রম্যসানুলসচ্চিত্রকূটাশ্রমবিহারিণে ।
নমঃ সৌমিত্রিসেব্যায রামাযাপন্নিবারিণে ॥ 12 ॥

সর্বদেবহিতাসক্ত দশাননবিনাশিনে ।
নমোঽস্তু দুঃখধ্বংসায রামাযাপন্নিবারিণে ॥ 13 ॥

রত্নসানুনিবাসৈক বংদ্যপাদাংবুজায চ ।
নমস্ত্রৈলোক্যনাথায রামাযাপন্নিবারিণে ॥ 14 ॥

সংসারবংধমোক্ষৈকহেতুধামপ্রকাশিনে ।
নমঃ কলুষসংহর্ত্রে রামাযাপন্নিবারিণে ॥ 15 ॥

পবনাশুগ সংক্ষিপ্ত মারীচাদি সুরারযে ।
নমো মখপরিত্রাত্রে রামাযাপন্নিবারিণে ॥ 16 ॥

দাংভিকেতরভক্তৌঘমহদানংদদাযিনে ।
নমঃ কমলনেত্রায রামাযাপন্নিবারিণে ॥ 17 ॥

লোকত্রযোদ্বেগকর কুংভকর্ণশিরশ্ছিদে ।
নমো নীরদদেহায রামাযাপন্নিবারিণে ॥ 18 ॥

কাকাসুরৈকনযনহরল্লীলাস্ত্রধারিণে ।
নমো ভক্তৈকবেদ্যায রামাযাপন্নিবারিণে ॥ 19 ॥

ভিক্ষুরূপসমাক্রাংত বলিসর্বৈকসংপদে ।
নমো বামনরূপায রামাযাপন্নিবারিণে ॥ 20 ॥

রাজীবনেত্রসুস্পংদ রুচিরাংগসুরোচিষে ।
নমঃ কৈবল্যনিধযে রামাযাপন্নিবারিণে ॥ 21 ॥

মংদমারুতসংবীত মংদারদ্রুমবাসিনে ।
নমঃ পল্লবপাদায রামাযাপন্নিবারিণে ॥ 22 ॥

শ্রীকংঠচাপদলনধুরীণবলবাহবে ।
নমঃ সীতানুষক্তায রামাযাপন্নিবারিণে ॥ 23 ॥

রাজরাজসুহৃদ্যোষার্চিত মংগলমূর্তযে ।
নম ইক্ষ্বাকুবংশ্যায রামাযাপন্নিবারিণে ॥ 24 ॥

মংজুলাদর্শবিপ্রেক্ষণোত্সুকৈকবিলাসিনে ।
নমঃ পালিতভক্তায রামাযাপন্নিবারিণে ॥ 25 ॥

ভূরিভূধর কোদংডমূর্তি ধ্যেযস্বরূপিণে ।
নমোঽস্তু তেজোনিধযে রামাযাপন্নিবারিণে ॥ 26 ॥

যোগীংদ্রহৃত্সরোজাতমধুপায মহাত্মনে ।
নমো রাজাধিরাজায রামাযাপন্নিবারিণে ॥ 27 ॥

ভূবরাহস্বরূপায নমো ভূরিপ্রদাযিনে ।
নমো হিরণ্যগর্ভায রামাযাপন্নিবারিণে ॥ 28 ॥

যোষাংজলিবিনির্মুক্ত লাজাংচিতবপুষ্মতে ।
নমঃ সৌংদর্যনিধযে রামাযাপন্নিবারিণে ॥ 29 ॥

নখকোটিবিনির্ভিন্নদৈত্যাধিপতিবক্ষসে ।
নমো নৃসিংহরূপায রামাযাপন্নিবারিণে ॥ 30 ॥

মাযামানুষদেহায বেদোদ্ধরণহেতবে ।
নমোঽস্তু মত্স্যরূপায রামাযাপন্নিবারিণে ॥ 31 ॥

মিতিশূন্য মহাদিব্যমহিম্নে মানিতাত্মনে ।
নমো ব্রহ্মস্বরূপায রামাযাপন্নিবারিণে ॥ 32 ॥

অহংকারেতরজন স্বাংতসৌধবিহারিণে ।
নমোঽস্তু চিত্স্বরূপায রামাযাপন্নিবারিণে ॥ 33 ॥

সীতালক্ষ্মণসংশোভিপার্শ্বায পরমাত্মনে ।
নমঃ পট্টাভিষিক্তায রামাযাপন্নিবারিণে ॥ 34 ॥

অগ্রতঃ পৃষ্ঠতশ্চৈব পার্শ্বতশ্চ মহাবলৌ ।
আকর্ণপূর্ণধন্বানৌ রক্ষেতাং রামলক্ষ্মণৌ ॥ 35 ॥

সন্নদ্ধঃ কবচী খড্গী চাপবাণধরো যুবা ।
তিষ্ঠন্মমাগ্রতো নিত্যং রামঃ পাতু সলক্ষ্মণঃ ॥ 36 ॥

আপদামপহর্তারং দাতারং সর্বসংপদাম্ ।
লোকাভিরামং শ্রীরামং ভূযো ভূযো নমাম্যহম্ ॥

ফলশ্রুতি
ইমং স্তবং ভগবতঃ পঠেদ্যঃ প্রীতমানসঃ ।
প্রভাতে বা প্রদোষে বা রামস্য পরমাত্মনঃ ॥ 1 ॥

স তু তীর্ত্বা ভবাংবোধিমাপদস্সকলানপি ।
রামসাযুজ্যমাপ্নোতি দেবদেবপ্রসাদতঃ ॥ 2 ॥

কারাগৃহাদিবাধাসু সংপ্রাপ্তে বহুসংকটে ।
আপন্নিবারকস্তোত্রং পঠেদ্যস্তু যথাবিধিঃ ॥ 3 ॥

সংযোজ্যানুষ্টুভং মংত্রমনুশ্লোকং স্মরন্বিভুম্ ।
সপ্তাহাত্সর্ববাধাভ্যো মুচ্যতে নাত্র সংশযঃ ॥ 4 ॥

দ্বাত্রিংশদ্বারজপতঃ প্রত্যহং তু দৃঢব্রতঃ ।
বৈশাখে ভানুমালোক্য প্রত্যহং শতসংখ্যযা ॥ 5 ॥

ধনবান্ ধনদপ্রখ্যস্স ভবেন্নাত্র সংশযঃ ।
বহুনাত্র কিমুক্তেন যং যং কামযতে নরঃ ॥ 6 ॥

তং তং কামমবাপ্নোতি স্তোত্রেণানেন মানবঃ ।
যংত্রপূজাবিধানেন জপহোমাদিতর্পণৈঃ ॥ 7 ॥

যস্তু কুর্বীত সহসা সর্বান্কামানবাপ্নুযাত্ ।
ইহ লোকে সুখী ভূত্বা পরে মুক্তো ভবিষ্যতি ॥ 8 ॥