হিরণ্য গর্ভ সূক্তম্ | Hiranyagarbha Suktam In Bengali

Also Read This In:- English, Gujarati, Hindi, Kannada, Malayalam, Marathi, Odia, Punjabi, Sanskrit, Tamil, Telugu.

(ঋ.10.121)

হি॒র॒ণ্য॒গ॒র্ভঃ সম॑বর্ত॒তাগ্রে॑ ভূ॒তস্য॑ জা॒তঃ পতি॒রেক॑ আসীত্ ।
স দা॑ধার পৃথি॒বীং দ্যামু॒তেমাং কস্মৈ॑ দে॒বায॑ হ॒বিষা॑ বিধেম ॥ 1

য আ॑ত্ম॒দা ব॑ল॒দা যস্য॒ বিশ্ব॑ উ॒পাস॑তে প্র॒শিষং॒-যঁস্য॑ দে॒বাঃ ।
যস্য॑ ছা॒যামৃতং॒-যঁস্য॑ মৃ॒ত্যুঃ কস্মৈ॑ দে॒বায॑ হ॒বিষা॑ বিধেম ॥ 2

যঃ প্রা॑ণ॒তো নি॑মিষ॒তো ম॑হি॒ত্বৈক॒ ইদ্রাজা॒ জগ॑তো ব॒ভূব॑ ।
য ঈশে॑ অ॒স্য দ্বি॒পদ॒শ্চতু॑ষ্পদঃ॒ কস্মৈ॑ দে॒বায॑ হ॒বিষা॑ বিধেম ॥ 3

যস্যে॒মে হি॒মবং॑তো মহি॒ত্বা যস্য॑ সমু॒দ্রং র॒সযা॑ স॒হাহুঃ ।
যস্যে॒মাঃ প্র॒দিশো॒ যস্য॑ বা॒হূ কস্মৈ॑ দে॒বায॑ হ॒বিষা॑ বিধেম ॥ 4

যেন॒ দ্যৌরু॒গ্রা পৃ॑থি॒বী চ॑ দৃ॒ল্​হা যেন॒ স্বঃ॑ স্তভি॒তং-যেঁন॒ নাকঃ॑ ।
যো অং॒তরি॑ক্ষে॒ রজ॑সো বি॒মানঃ॒ কস্মৈ॑ দে॒বায॑ হ॒বিষা॑ বিধেম ॥ 5

যং ক্রংদ॑সী॒ অব॑সা তস্তভা॒নে অ॒ভ্যৈক্ষে॑তাং॒ মন॑সা॒ রেজ॑মানে ।
যত্রাধি॒ সূর॒ উদি॑তো বি॒ভাতি॒ কস্মৈ॑ দে॒বায॑ হ॒বিষা॑ বিধেম ॥ 6

আপো॑ হ॒ যদ্বৃ॑হ॒তীর্বিশ্ব॒মায॒ন্ গর্ভং॒ দধা॑না জ॒নযং॑তীর॒গ্নিম্ ।
ততো॑ দে॒বানাং॒ সম॑বর্ত॒তাসু॒রেকঃ॒ কস্মৈ॑ দে॒বায॑ হ॒বিষা॑ বিধেম ॥ 7

যশ্চি॒দাপো॑ মহি॒না প॒র্যপ॑শ্য॒দ্দক্ষং॒ দধা॑না জ॒নযং॑তীর্য॒জ্ঞম্ ।
যো দে॒বেষ্বিধি॑ দে॒ব এক॒ আসী॒ত্কস্মৈ॑ দে॒বায॑ হ॒বিষা॑ বিধেম ॥ 8

মা নো॑ হিংসীজ্জনি॒তা যঃ পৃ॑থি॒ব্যা যো বা॒ দিবং॑ স॒ত্যধ॑র্মা জ॒জান॑ ।
যশ্চা॒পশ্চং॒দ্রা বৃ॑হ॒তীর্জ॒জান॒ কস্মৈ॑ দে॒বায॑ হ॒বিষা॑ বিধেম ॥ 9

প্রজা॑পতে॒ ন ত্বদে॒তান্য॒ন্যো বিশ্বা॑ জা॒তানি॒ পরি॒ তা ব॑ভূব ।
যত্কা॑মাস্তে জুহু॒মস্তন্নো॑ অস্তু ব॒যং স্যা॑ম॒ পত॑যো রযী॒ণাম্ ॥ 10