సంతాన గణపతి స్తోత్రం | Santhana Ganapathi Stotram In Telugu

Also Read This In:- Bengali, Gujarati, English, Hindi, Kannada, Marathi, Malayalam, Odia, Punjabi, Sanskrit, Tamil.

నమోఽస్తు గణనాథాయ సిద్ధిబుద్ధియుతాయ చ ।
సర్వప్రదాయ దేవాయ పుత్రవృద్ధిప్రదాయ చ ॥ 1 ॥

గురూదరాయ గురవే గోప్త్రే గుహ్యాసితాయ తే ।
గోప్యాయ గోపితాశేషభువనాయ చిదాత్మనే ॥ 2 ॥

విశ్వమూలాయ భవ్యాయ విశ్వసృష్టికరాయ తే ।
నమో నమస్తే సత్యాయ సత్యపూర్ణాయ శుండినే ॥ 3 ॥

ఏకదంతాయ శుద్ధాయ సుముఖాయ నమో నమః ।
ప్రపన్నజనపాలాయ ప్రణతార్తివినాశినే ॥ 4 ॥

శరణం భవ దేవేశ సంతతిం సుదృఢా కురు ।
భవిష్యంతి చ యే పుత్రా మత్కులే గణనాయక ॥ 5 ॥

తే సర్వే తవ పూజార్థం నిరతాః స్యుర్వరోమతః ।
పుత్రప్రదమిదం స్తోత్రం సర్వసిద్ధిప్రదాయకమ్ ॥ 6 ॥

ఇతి సంతానగణపతిస్తోత్రం సంపూర్ణమ్ ॥