ଗୋଦା ଦେଵୀ ଅଷ୍ଟୋତ୍ତର ଶତ ସ୍ତୋତ୍ରମ୍ | Goda Devi Ashtottara Satanama Stotram In Odia

Also Read This In:- Bengali, Gujarati, English, Hindi, Kannada, Marathi, Malayalam, Punjabi, Sanskrit, Tamil, Telugu.

ଧ୍ୟାନମ୍ ।
ଶତମଖମଣି ନୀଲା ଚାରୁକଲ୍ହାରହସ୍ତା
ସ୍ତନଭରନମିତାଂଗୀ ସାଂଦ୍ରଵାତ୍ସଲ୍ୟସିଂଧୁଃ ।
ଅଲକଵିନିହିତାଭିଃ ସ୍ରଗ୍ଭିରାକୃଷ୍ଟନାଥା
ଵିଲସତୁ ହୃଦି ଗୋଦା ଵିଷ୍ଣୁଚିତ୍ତାତ୍ମଜା ନଃ ॥

ଅଥ ସ୍ତୋତ୍ରମ୍ ।
ଶ୍ରୀରଂଗନାୟକୀ ଗୋଦା ଵିଷ୍ଣୁଚିତ୍ତାତ୍ମଜା ସତୀ ।
ଗୋପୀଵେଷଧରା ଦେଵୀ ଭୂସୁତା ଭୋଗଶାଲିନୀ ॥ 1 ॥

ତୁଲସୀକାନନୋଦ୍ଭୂତା ଶ୍ରୀଧନ୍ଵିପୁରଵାସିନୀ ।
ଭଟ୍ଟନାଥପ୍ରିୟକରୀ ଶ୍ରୀକୃଷ୍ଣହିତଭୋଗିନୀ ॥ 2 ॥

ଆମୁକ୍ତମାଲ୍ୟଦା ବାଲା ରଂଗନାଥପ୍ରିୟା ପରା ।
ଵିଶ୍ଵଂଭରା କଲାଲାପା ୟତିରାଜସହୋଦରୀ ॥ 3 ॥

କୃଷ୍ଣାନୁରକ୍ତା ସୁଭଗା ସୁଲଭଶ୍ରୀଃ ସୁଲକ୍ଷଣା ।
ଲକ୍ଷ୍ମୀପ୍ରିୟସଖୀ ଶ୍ୟାମା ଦୟାଂଚିତଦୃଗଂଚଲା ॥ 4 ॥

ଫଲ୍ଗୁନ୍ୟାଵିର୍ଭଵା ରମ୍ୟା ଧନୁର୍ମାସକୃତଵ୍ରତା ।
ଚଂପକାଶୋକପୁନ୍ନାଗମାଲତୀଵିଲସତ୍କଚା ॥ 5 ॥

ଆକାରତ୍ରୟସଂପନ୍ନା ନାରାୟଣପଦାଶ୍ରିତା ।
ଶ୍ରୀମଦଷ୍ଟାକ୍ଷରୀମଂତ୍ରରାଜସ୍ଥିତମନୋରଥା ॥ 6 ॥

ମୋକ୍ଷପ୍ରଦାନନିପୁଣା ମନୁରତ୍ନାଧିଦେଵତା ।
ବ୍ରହ୍ମଣ୍ୟା ଲୋକଜନନୀ ଲୀଲାମାନୁଷରୂପିଣୀ ॥ 7 ॥

ବ୍ରହ୍ମଜ୍ଞାନପ୍ରଦା ମାୟା ସଚ୍ଚିଦାନଂଦଵିଗ୍ରହା ।
ମହାପତିଵ୍ରତା ଵିଷ୍ଣୁଗୁଣକୀର୍ତନଲୋଲୁପା ॥ 8 ॥

ପ୍ରପନ୍ନାର୍ତିହରା ନିତ୍ୟା ଵେଦସୌଧଵିହାରିଣୀ ।
ଶ୍ରୀରଂଗନାଥମାଣିକ୍ୟମଂଜରୀ ମଂଜୁଭାଷିଣୀ ॥ 9 ॥

ପଦ୍ମପ୍ରିୟା ପଦ୍ମହସ୍ତା ଵେଦାଂତଦ୍ଵୟବୋଧିନୀ ।
ସୁପ୍ରସନ୍ନା ଭଗଵତୀ ଶ୍ରୀଜନାର୍ଦନଦୀପିକା ॥ 10 ॥

ସୁଗଂଧାଵୟଵା ଚାରୁରଂଗମଂଗଲଦୀପିକା ।
ଧ୍ଵଜଵଜ୍ରାଂକୁଶାବ୍ଜାଂକମୃଦୁପାଦଲତାଂଚିତା ॥ 11 ॥

ତାରକାକାରନଖରା ପ୍ରଵାଲମୃଦୁଲାଂଗୁଳୀ ।
କୂର୍ମୋପମେୟପାଦୋର୍ଧ୍ଵଭାଗା ଶୋଭନପାର୍ଷ୍ଣିକା ॥ 12 ॥

ଵେଦାର୍ଥଭାଵତତ୍ତ୍ଵଜ୍ଞା ଲୋକାରାଧ୍ୟାଂଘ୍ରିପଂକଜା ।
ଆନଂଦବୁଦ୍ବୁଦାକାରସୁଗୁଲ୍ଫା ପରମାଣୁକା ॥ 13 ॥

ତେଜଃଶ୍ରିୟୋଜ୍ଜ୍ଵଲଧୃତପାଦାଂଗୁଳିସୁଭୂଷିତା ।
ମୀନକେତନତୂଣୀରଚାରୁଜଂଘାଵିରାଜିତା ॥ 14 ॥

କକୁଦ୍ଵଜ୍ଜାନୁୟୁଗ୍ମାଢ୍ୟା ସ୍ଵର୍ଣରଂଭାଭସକ୍ଥିକା ।
ଵିଶାଲଜଘନା ପୀନସୁଶ୍ରୋଣୀ ମଣିମେଖଲା ॥ 15 ॥

ଆନଂଦସାଗରାଵର୍ତଗଂଭୀରାଂଭୋଜନାଭିକା ।
ଭାସ୍ଵଦ୍ଵଲିତ୍ରିକା ଚାରୁଜଗତ୍ପୂର୍ଣମହୋଦରୀ ॥ 16 ॥

ନଵଵଲ୍ଲୀରୋମରାଜୀ ସୁଧାକୁଂଭାୟିତସ୍ତନୀ ।
କଲ୍ପମାଲାନିଭଭୁଜା ଚଂଦ୍ରଖଂଡନଖାଂଚିତା ॥ 17 ॥

ସୁପ୍ରଵାଶାଂଗୁଳୀନ୍ୟସ୍ତମହାରତ୍ନାଂଗୁଲୀୟକା ।
ନଵାରୁଣପ୍ରଵାଲାଭପାଣିଦେଶସମଂଚିତା ॥ 18 ॥

କଂବୁକଂଠୀ ସୁଚୁବୁକା ବିଂବୋଷ୍ଠୀ କୁଂଦଦଂତୟୁକ୍ ।
କାରୁଣ୍ୟରସନିଷ୍ୟଂଦନେତ୍ରଦ୍ଵୟସୁଶୋଭିତା ॥ 19 ॥

ମୁକ୍ତାଶୁଚିସ୍ମିତା ଚାରୁଚାଂପେୟନିଭନାସିକା ।
ଦର୍ପଣାକାରଵିପୁଲକପୋଲଦ୍ଵିତୟାଂଚିତା ॥ 20 ॥

ଅନଂତାର୍କପ୍ରକାଶୋଦ୍ୟନ୍ମଣିତାଟଂକଶୋଭିତା ।
କୋଟିସୂର୍ୟାଗ୍ନିସଂକାଶନାନାଭୂଷଣଭୂଷିତା ॥ 21 ॥

ସୁଗଂଧଵଦନା ସୁଭ୍ରୂ ଅର୍ଧଚଂଦ୍ରଲଲାଟିକା ।
ପୂର୍ଣଚଂଦ୍ରାନନା ନୀଲକୁଟିଲାଲକଶୋଭିତା ॥ 22 ॥

ସୌଂଦର୍ୟସୀମା ଵିଲସତ୍କସ୍ତୂରୀତିଲକୋଜ୍ଜ୍ଵଲା ।
ଧଗଦ୍ଧଗାୟମାନୋଦ୍ୟନ୍ମଣିସୀମଂତଭୂଷଣା ॥ 23 ॥

ଜାଜ୍ଵଲ୍ୟମାନସଦ୍ରତ୍ନଦିଵ୍ୟଚୂଡାଵତଂସକା ।
ସୂର୍ୟାର୍ଧଚଂଦ୍ରଵିଲସତ୍ ଭୂଷଣାଂଚିତଵେଣିକା ॥ 24 ॥

ଅତ୍ୟର୍କାନଲତେଜୋଧିମଣିକଂଚୁକଧାରିଣୀ ।
ସଦ୍ରତ୍ନାଂଚିତଵିଦ୍ୟୋତଵିଦ୍ୟୁତ୍କୁଂଜାଭଶାଟିକା ॥ 25 ॥

ନାନାମଣିଗଣାକୀର୍ଣହେମାଂଗଦସୁଭୂଷିତା ।
କୁଂକୁମାଗରୁକସ୍ତୂରୀଦିଵ୍ୟଚଂଦନଚର୍ଚିତା ॥ 26 ॥

ସ୍ଵୋଚିତୌଜ୍ଜ୍ଵଲ୍ୟଵିଵିଧଵିଚିତ୍ରମଣିହାରିଣୀ ।
ଅସଂଖ୍ୟେୟସୁଖସ୍ପର୍ଶସର୍ଵାତିଶୟଭୂଷଣା ॥ 27 ॥

ମଲ୍ଲିକାପାରିଜାତାଦିଦିଵ୍ୟପୁଷ୍ପସ୍ରଗଂଚିତା ।
ଶ୍ରୀରଂଗନିଲୟା ପୂଜ୍ୟା ଦିଵ୍ୟଦେଶସୁଶୋଭିତା ॥ 28 ॥

ଇତି ଶ୍ରୀଗୋଦାଷ୍ଟୋତ୍ତରଶତନାମସ୍ତୋତ୍ରମ୍ ।