ବାଲ ମୁକୁଂଦାଷ୍ଟକମ୍ | Bala Mukundashtakam In Odia
Also Read This In:- Bengali, English, Gujarati, Hindi, Kannada, Malayalam, Marathi, Punjabi, Sanskrit, Tamil, Telugu.
କରାରଵିଂଦେନ ପଦାରଵିଂଦଂ ମୁଖାରଵିଂଦେ ଵିନିଵେଶୟଂତମ୍ ।
ଵଟସ୍ୟ ପତ୍ରସ୍ୟ ପୁଟେ ଶୟାନଂ ବାଲଂ ମୁକୁଂଦଂ ମନସା ସ୍ମରାମି ॥ 1 ॥
ସଂହୃତ୍ୟ ଲୋକାନ୍ଵଟପତ୍ରମଧ୍ୟେ ଶୟାନମାଦ୍ୟଂତଵିହୀନରୂପମ୍ ।
ସର୍ଵେଶ୍ଵରଂ ସର୍ଵହିତାଵତାରଂ ବାଲଂ ମୁକୁଂଦଂ ମନସା ସ୍ମରାମି ॥ 2 ॥
ଇଂଦୀଵରଶ୍ୟାମଲକୋମଲାଂଗଂ ଇଂଦ୍ରାଦିଦେଵାର୍ଚିତପାଦପଦ୍ମମ୍ ।
ସଂତାନକଲ୍ପଦ୍ରୁମମାଶ୍ରିତାନାଂ ବାଲଂ ମୁକୁଂଦଂ ମନସା ସ୍ମରାମି ॥ 3 ॥
ଲଂବାଲକଂ ଲଂବିତହାରୟଷ୍ଟିଂ ଶୃଂଗାରଲୀଲାଂକିତଦଂତପଂକ୍ତିମ୍ ।
ବିଂବାଧରଂ ଚାରୁଵିଶାଲନେତ୍ରଂ ବାଲଂ ମୁକୁଂଦଂ ମନସା ସ୍ମରାମି ॥ 4 ॥
ଶିକ୍ୟେ ନିଧାୟାଦ୍ୟପୟୋଦଧୀନି ବହିର୍ଗତାୟାଂ ଵ୍ରଜନାୟିକାୟାମ୍ ।
ଭୁକ୍ତ୍ଵା ୟଥେଷ୍ଟଂ କପଟେନ ସୁପ୍ତଂ ବାଲଂ ମୁକୁଂଦଂ ମନସା ସ୍ମରାମି ॥ 5 ॥
କଲିଂଦଜାଂତସ୍ଥିତକାଲିୟସ୍ୟ ଫଣାଗ୍ରରଂଗେନଟନପ୍ରିୟଂତମ୍ ।
ତତ୍ପୁଚ୍ଛହସ୍ତଂ ଶରଦିଂଦୁଵକ୍ତ୍ରଂ ବାଲଂ ମୁକୁଂଦଂ ମନସା ସ୍ମରାମି ॥ 6 ॥
ଉଲୂଖଲେ ବଦ୍ଧମୁଦାରଶୌର୍ୟଂ ଉତ୍ତୁଂଗୟୁଗ୍ମାର୍ଜୁନ ଭଂଗଲୀଲମ୍ ।
ଉତ୍ଫୁଲ୍ଲପଦ୍ମାୟତ ଚାରୁନେତ୍ରଂ ବାଲଂ ମୁକୁଂଦଂ ମନସା ସ୍ମରାମି ॥ 7 ॥
ଆଲୋକ୍ୟ ମାତୁର୍ମୁଖମାଦରେଣ ସ୍ତନ୍ୟଂ ପିବଂତଂ ସରସୀରୁହାକ୍ଷମ୍ ।
ସଚ୍ଚିନ୍ମୟଂ ଦେଵମନଂତରୂପଂ ବାଲଂ ମୁକୁଂଦଂ ମନସା ସ୍ମରାମି ॥ 8 ॥