ശരഭേശാഷ്ടകമ് | Sharabha Ashtakam In Malayalam
Also Read This In:- Bengali, English, Gujarati, Hindi, Kannada, Marathi, Odia, Punjabi, Sanskrit, Tamil, Telugu.
ശ്രീ ശിവ ഉവാച
ശൃണു ദേവി മഹാഗുഹ്യം പരം പുണ്യവിവര്ധനം .
ശരഭേശാഷ്ടകം മംത്രം വക്ഷ്യാമി തവ തത്ത്വതഃ ॥
ഋഷിന്യാസാദികം യത്തത്സര്വപൂര്വവദാചരേത് .
ധ്യാനഭേദം വിശേഷേണ വക്ഷ്യാമ്യഹമതഃ ശിവേ ॥
ധ്യാനം
ജ്വലനകുടിലകേശം സൂര്യചംദ്രാഗ്നിനേത്രം
നിശിതതരനഖാഗ്രോദ്ധൂതഹേമാഭദേഹമ് ।
ശരഭമഥ മുനീംദ്രൈഃ സേവ്യമാനം സിതാംഗം
പ്രണതഭയവിനാശം ഭാവയേത്പക്ഷിരാജമ് ॥
അഥ സ്തോത്രം
ദേവാദിദേവായ ജഗന്മയായ ശിവായ നാലീകനിഭാനനായ ।
ശര്വായ ഭീമായ ശരാധിപായ നമോഽസ്തു തുഭ്യം ശരഭേശ്വരായ ॥ 1 ॥
ഹരായ ഭീമായ ഹരിപ്രിയായ ഭവായ ശാംതായ പരാത്പരായ ।
മൃഡായ രുദ്രായ വിലോചനായ നമോഽസ്തു തുഭ്യം ശരഭേശ്വരായ ॥ 2 ॥
ശീതാംശുചൂഡായ ദിഗംബരായ സൃഷ്ടിസ്ഥിതിധ്വംസനകാരണായ ।
ജടാകലാപായ ജിതേംദ്രിയായ നമോഽസ്തു തുഭ്യം ശരഭേശ്വരായ ॥ 3 ॥
കലംകകംഠായ ഭവാംതകായ കപാലശൂലാത്തകരാംബുജായ ।
ഭുജംഗഭൂഷായ പുരാംതകായ നമോഽസ്തു തുഭ്യം ശരഭേശ്വരായ ॥ 4 ॥
ശമാദിഷട്കായ യമാംതകായ യമാദിയോഗാഷ്ടകസിദ്ധിദായ ।
ഉമാധിനാഥായ പുരാതനായ നമോഽസ്തു തുഭ്യം ശരഭേശ്വരായ ॥ 5 ॥
ഘൃണാദിപാശാഷ്ടകവര്ജിതായ ഖിലീകൃതാസ്മത്പഥി പൂര്വഗായ ।
ഗുണാദിഹീനായ ഗുണത്രയായ നമോഽസ്തു തുഭ്യം ശരഭേശ്വരായ ॥ 6 ॥
കാലായ വേദാമൃതകംദലായ കല്യാണകൌതൂഹലകാരണായ ।
സ്ഥൂലായ സൂക്ഷ്മായ സ്വരൂപഗായ നമോഽസ്തു തുസ്തു തുഭ്യം ശരഭേശ്വരായ ॥ 7 ॥
പംചാനനായാനിലഭാസ്കരായ പംചാശദര്ണാദ്യപരാക്ഷയായ ।
പംചാക്ഷരേശായ ജഗദ്ധിതായ നമോഽസ്തു തുഭ്യം ശരഭേശ്വരായ ॥ 8 ॥
ഇതി ശ്രീ ശരഭേശാഷ്ടകമ് ॥