ശ്രീ രംഗനാഥ അഷ്ടോത്തര ശത നാമ സ്തോത്രമ് | Ranganatha Ashtottara Shatanama Stotram In Malayalam

Also Read This In:- Bengali, Gujarati, English, Hindi, Kannada, Marathi, Odia, Punjabi, Sanskrit, Tamil, Telugu.

അസ്യ ശ്രീരംഗനാഥാഷ്ടോത്തരശതനാമസ്തോത്രമഹാമംത്രസ്യ വേദവ്യാസോ ഭഗവാനൃഷിഃ അനുഷ്ടുപ്ഛംദഃ ഭഗവാന് ശ്രീമഹാവിഷ്ണുര്ദേവതാ, ശ്രീരംഗശായീതി ബീജം ശ്രീകാംത ഇതി ശക്തിഃ ശ്രീപ്രദ ഇതി കീലകം മമ സമസ്തപാപനാശാര്ഥേ ശ്രീരംഗരാജപ്രസാദ സിദ്ധ്യര്ഥേ ജപേ വിനിയോഗഃ ।

ധൌമ്യ ഉവാച ।
ശ്രീരംഗശായീ ശ്രീകാംതഃ ശ്രീപ്രദഃ ശ്രിതവത്സലഃ ।
അനംതോ മാധവോ ജേതാ ജഗന്നാഥോ ജഗദ്ഗുരുഃ ॥ 1 ॥

സുരവര്യഃ സുരാരാധ്യഃ സുരരാജാനുജഃ പ്രഭുഃ ।
ഹരിര്ഹതാരിര്വിശ്വേശഃ ശാശ്വതഃ ശംഭുരവ്യയഃ ॥ 2 ॥

ഭക്താര്തിഭംജനോ വാഗ്മീ വീരോ വിഖ്യാതകീര്തിമാന് ।
ഭാസ്കരഃ ശാസ്ത്രതത്ത്വജ്ഞോ ദൈത്യശാസ്താഽമരേശ്വരഃ ॥ 3 ॥

നാരായണോ നരഹരിര്നീരജാക്ഷോ നരപ്രിയഃ ।
ബ്രഹ്മണ്യോ ബ്രഹ്മകൃദ്ബ്രഹ്മാ ബ്രഹ്മാംഗോ ബ്രഹ്മപൂജിതഃ ॥ 4 ॥

കൃഷ്ണഃ കൃതജ്ഞോ ഗോവിംദോ ഹൃഷീകേശോഽഘനാശനഃ ।
വിഷ്ണുര്ജിഷ്ണുര്ജിതാരാതിഃ സജ്ജനപ്രിയ ഈശ്വരഃ ॥ 5 ॥

ത്രിവിക്രമസ്ത്രിലോകേശഃ ത്രയ്യര്ഥസ്ത്രിഗുണാത്മകഃ ।
കാകുത്സ്ഥഃ കമലാകാംതഃ കാലീയോരഗമര്ദനഃ ॥ 6 ॥

കാലാംബുദശ്യാമലാംഗഃ കേശവഃ ക്ലേശനാശനഃ ।
കേശിപ്രഭംജനഃ കാംതോ നംദസൂനുരരിംദമഃ ॥ 7 ॥

രുക്മിണീവല്ലഭഃ ശൌരിര്ബലഭദ്രോ ബലാനുജഃ ।
ദാമോദരോ ഹൃഷീകേശോ വാമനോ മധുസൂദനഃ ॥ 8 ॥

പൂതഃ പുണ്യജനധ്വംസീ പുണ്യശ്ലോകശിഖാമണിഃ ।
ആദിമൂര്തിര്ദയാമൂര്തിഃ ശാംതമൂര്തിരമൂര്തിമാന് ॥ 9 ॥

പരംബ്രഹ്മ പരംധാമ പാവനഃ പവനോ വിഭുഃ ।
ചംദ്രശ്ഛംദോമയോ രാമഃ സംസാരാംബുധിതാരകഃ ॥ 10 ॥

ആദിതേയോഽച്യുതോ ഭാനുഃ ശംകരശ്ശിവ ഊര്ജിതഃ ।
മഹേശ്വരോ മഹായോഗീ മഹാശക്തിര്മഹത്പ്രിയഃ ॥ 11 ॥

ദുര്ജനധ്വംസകോഽശേഷസജ്ജനോപാസ്തസത്ഫലമ് ।
പക്ഷീംദ്രവാഹനോഽക്ഷോഭ്യഃ ക്ഷീരാബ്ധിശയനോ വിധുഃ ॥ 12 ॥

ജനാര്ദനോ ജഗദ്ധേതുര്ജിതമന്മഥവിഗ്രഹഃ ।
ചക്രപാണിഃ ശംഖധാരീ ശാരംഗീ ഖഡ്ഗീ ഗദാധരഃ ॥ 13 ॥

ഏവം വിഷ്ണോശ്ശതം നാമ്നാമഷ്ടോത്തരമിഹേരിതമ് ।
സ്തോത്രാണാമുത്തമം ഗുഹ്യം നാമരത്നസ്തവാഭിധമ് ॥ 14 ॥

സര്വദാ സര്വരോഗഘ്നം ചിംതിതാര്ഥഫലപ്രദമ് ।
ത്വം തു ശീഘ്രം മഹാരാജ ഗച്ഛ രംഗസ്ഥലം ശുഭമ് ॥ 15 ॥

സ്നാത്വാ തുലാര്കേ കാവേര്യാം മാഹാത്മ്യ ശ്രവണം കുരു ।
ഗവാശ്വവസ്ത്രധാന്യാന്നഭൂമികന്യാപ്രദോ ഭവ ॥ 16 ॥

ദ്വാദശ്യാം പായസാന്നേന സഹസ്രം ദശ ഭോജയ ।
നാമരത്നസ്തവാഖ്യേന വിഷ്ണോരഷ്ടശതേന ച ।
സ്തുത്വാ ശ്രീരംഗനാഥം ത്വമഭീഷ്ടഫലമാപ്നുഹി ॥ 17 ॥

ഇതി തുലാകാവേരീമാഹാത്മ്യേ ശംതനും പ്രതി ധൌമ്യോപദിഷ്ട ശ്രീരംഗനാഥാഷ്ടോത്തരശതനാമ സ്തോത്രമ് ।