ധുംഢിരാജ ഭുജംഗ പ്രയാത സ്തോത്രമ് | Dhundhiraja Bhujanga Prayata Stotram In Malayalam
Also Read This In:- Bengali, English, Gujarati, Hindi, Kannada, Marathi, Odia, Punjabi, Sanskrit, Tamil, Telugu.
ഉമാംഗോദ്ഭവം ദംതിവക്ത്രം ഗണേശം
ഭുജാകംകണൈഃ ശോഭിനം ധൂമ്രകേതുമ് ।
ഗലേ ഹാരമുക്താവലീശോഭിതം തം
നമോ ജ്ഞാനരൂപം ഗണേശം നമസ്തേ ॥ 1 ॥
ഗണേശം വദേത്തം സ്മരേത് സര്വകാര്യേ
സ്മരന് സന്മുഖം ജ്ഞാനദം സര്വസിദ്ധിമ് ।
മനശ്ചിംതിതം കാര്യമേവേഷു സിദ്ധ്യേ-
-ന്നമോ ബുദ്ധികാംതം ഗണേശം നമസ്തേ ॥ 2 ॥
മഹാസുംദരം വക്ത്രചിഹ്നം വിരാടം
ചതുര്ധാഭുജം ചൈകദംതൈകവര്ണമ് ।
ഇദം ദേവരൂപം ഗണം സിദ്ധിനാഥം
നമോ ഭാലചംദ്രം ഗണേശം നമസ്തേ ॥ 3 ॥
സസിംദൂരസത്കുംകുമൈസ്തുല്യവര്ണഃ
സ്തുതൈര്മോദകൈഃ പ്രീയതേ വിഘ്നരാജഃ ।
മഹാസംകടച്ഛേദകം ധൂമ്രകേതും
നമോ ഗൌരിപുത്രം ഗണേശം നമസ്തേ ॥ 4 ॥
യഥാ പാതകച്ഛേദകം വിഷ്ണുനാമ
തഥാ ധ്യായതാം ശംകരം പാപനാശഃ ।
യഥാ പൂജിതേ ഷണ്മുഖേ ശോകനാശോ
നമോ വിഘ്നനാശം ഗണേശം നമസ്തേ ॥ 5 ॥
സദാ സര്വദാ ധ്യായതാമേകദംതം
സുസിംദൂരകം പൂജിതം രക്തപുഷ്പൈഃ ।
സദാ ചര്ചിതം ചംദനൈഃ കുംകുമാക്തം
നമോ ജ്ഞാനരൂപം ഗണേശം നമസ്തേ ॥ 6 ॥
നമോ ഗൌരികാഗര്ഭജാപത്യ തുഭ്യം
നമോ ജ്ഞാനരൂപിന്നമഃ സിദ്ധികാംത ।
നമോ ധ്യേയപൂജ്യായ ഹേ ബുദ്ധിനാഥ
സുരാസ്ത്വാം ഭജംതേ ഗണേശം നമസ്തേ ॥ 7 ॥
ഭുജംഗപ്രയാതം പഠേദ്യസ്തു ഭക്ത്യാ
പ്രഭാതേ ജപേന്നിത്യമേകാഗ്രചിത്തഃ ।
ക്ഷയം യാംതി വിഘ്നാ ദിശഃ ശോഭയംതം
നമോ ജ്ഞാനരൂപം ഗണേശം നമസ്തേ ॥ 8 ॥
ഇതി ശ്രീഢുംഢിരാജ ഭുജംഗ പ്രയാത സ്തോത്രമ് ।