શારદા ભુજંગ પ્રયાત અષ્ટકમ્ | Sharada Bhujanga Prayata Ashtakam In Gujarati

Also Read This In:- Bengali, English, Hindi, Kannada, Malayalam, Marathi, Odia, Punjabi, Sanskrit, Tamil, Telugu.

સુવક્ષોજકુંભાં સુધાપૂર્ણકુંભાં
પ્રસાદાવલંબાં પ્રપુણ્યાવલંબામ્ ।
સદાસ્યેંદુબિંબાં સદાનોષ્ઠબિંબાં
ભજે શારદાંબામજસ્રં મદંબામ્ ॥ 1 ॥

કટાક્ષે દયાર્દ્રાં કરે જ્ઞાનમુદ્રાં
કલાભિર્વિનિદ્રાં કલાપૈઃ સુભદ્રામ્ ।
પુરસ્ત્રીં વિનિદ્રાં પુરસ્તુંગભદ્રાં
ભજે શારદાંબામજસ્રં મદંબામ્ ॥ 2 ॥

લલામાંકફાલાં લસદ્ગાનલોલાં
સ્વભક્તૈકપાલાં યશઃશ્રીકપોલામ્ ।
કરે ત્વક્ષમાલાં કનત્પત્રલોલાં
ભજે શારદાંબામજસ્રં મદંબામ્ ॥ 3 ॥

સુસીમંતવેણીં દૃશા નિર્જિતૈણીં
રમત્કીરવાણીં નમદ્વજ્રપાણીમ્ ।
સુધામંથરાસ્યાં મુદા ચિંત્યવેણીં
ભજે શારદાંબામજસ્રં મદંબામ્ ॥ 4 ॥

સુશાંતાં સુદેહાં દૃગંતે કચાંતાં
લસત્સલ્લતાંગીમનંતામચિંત્યામ્ ।
સ્મરેત્તાપસૈઃ સર્ગપૂર્વસ્થિતાં તાં
ભજે શારદાંબામજસ્રં મદંબામ્ ॥ 5 ॥

કુરંગે તુરંગે મૃગેંદ્રે ખગેંદ્રે
મરાલે મદેભે મહોક્ષેઽધિરૂઢામ્ ।
મહત્યાં નવમ્યાં સદા સામરૂપાં
ભજે શારદાંબામજસ્રં મદંબામ્ ॥ 6 ॥

જ્વલત્કાંતિવહ્નિં જગન્મોહનાંગીં
ભજે માનસાંભોજ સુભ્રાંતભૃંગીમ્ ।
નિજસ્તોત્રસંગીતનૃત્યપ્રભાંગીં
ભજે શારદાંબામજસ્રં મદંબામ્ ॥ 7 ॥

ભવાંભોજનેત્રાજસંપૂજ્યમાનાં
લસન્મંદહાસપ્રભાવક્ત્રચિહ્નામ્ ।
ચલચ્ચંચલાચારુતાટંકકર્ણાં
ભજે શારદાંબામજસ્રં મદંબામ્ ॥ 8 ॥

ઇતિ શ્રી શારદા ભુજંગ પ્રયાતાષ્ટકમ્ ।