ભૂ સૂક્તમ્ | Bhu Suktam In Gujarati

Also Read This In:- Bengali, English, Hindi, Kannada, Malayalam, Marathi, Odia, Punjabi, Sanskrit, Tamil, Telugu.

તૈત્તિરીય સંહિતા – 1.5.3
તૈત્તિરીય બ્રાહ્મણમ્ – 3.1.2

ઓમ્ ॥ ઓં ભૂમિ॑ર્ભૂ॒મ્ના દ્યૌર્વ॑રિ॒ણાઽંતરિ॑ક્ષં મહિ॒ત્વા ।
ઉ॒પસ્થે॑ તે દેવ્યદિતે॒ઽગ્નિમ॑ન્ના॒દ-મ॒ન્નાદ્યા॒યાદ॑ધે ॥

આઽયંગૌઃ પૃશ્ઞિ॑રક્રમી॒-દસ॑નન્મા॒તરં॒ પુનઃ॑ ।
પિ॒તરં॑ ચ પ્ર॒યંથ્​સુવઃ॑ ॥

ત્રિ॒ગ્​મ્॒શદ્ધામ॒ વિરા॑જતિ॒ વાક્પ॑તં॒ગાય॑ શિશ્રિયે ।
પ્રત્ય॑સ્ય વહ॒દ્યુભિઃ॑ ॥

અ॒સ્ય પ્રા॒ણાદ॑પાન॒ત્યં॑તશ્ચ॑રતિ રોચ॒ના ।
વ્ય॑ખ્યન્-મહિ॒ષઃ સુવઃ॑ ॥

યત્ત્વા᳚ ક્રુ॒દ્ધઃ પ॑રો॒વપ॑મ॒ન્યુના॒ યદવ॑ર્ત્યા ।
સુ॒કલ્પ॑મગ્ને॒ તત્તવ॒ પુન॒સ્ત્વોદ્દી॑પયામસિ ॥

યત્તે॑ મ॒ન્યુપ॑રોપ્તસ્ય પૃથિ॒વી-મનુ॑દધ્વ॒સે ।
આ॒દિ॒ત્યા વિશ્વે॒ તદ્દે॒વા વસ॑વશ્ચ સ॒માભ॑રન્ન્ ॥

મે॒દિની॑ દે॒વી વ॒સુંધ॑રા સ્યા॒દ્વસુ॑ધા દે॒વી વા॒સવી᳚ ।
બ્ર॒હ્મ॒વ॒ર્ચ॒સઃ પિ॑તૃ॒ણાં શ્રોત્રં॒ ચક્ષુ॒ર્મનઃ॑ ॥

દે॒વી હિ॑રણ્યગ॒ર્ભિણી॑ દે॒વી પ્ર॑સો॒દરી᳚ ।
સદ॑ને સ॒ત્યાય॑ને સીદ ।

સ॒મુ॒દ્રવ॑તી સાવિ॒ત્રી આહ॒નો દે॒વી મ॒હ્યં॑ગી᳚ ।
મ॒હો ધર॑ણી મ॒હોઽત્ય॑તિષ્ઠત્ ॥

શૃં॒ગે શૃં॑ગે ય॒જ્ઞે ય॑જ્ઞે વિભી॒ષણી᳚ ઇંદ્ર॑પત્ની વ્યા॒પિની॒ સર॑સિજ ઇ॒હ ।
વા॒યુ॒મતી॑ જ॒લશય॑ની સ્વ॒યં ધા॒રાજા॑ સ॒ત્યંતો॒ પરિ॑મેદિની
સો॒પરિ॑ધત્તંગાય ॥

વિ॒ષ્ણુ॒પ॒ત્નીં મ॑હીં દે॒વીં᳚ મા॒ધ॒વીં મા॑ધવ॒પ્રિયામ્ ।
લક્ષ્મીં᳚ પ્રિયસ॑ખીં દે॒વીં॒ ન॒મા॒મ્યચ્યુ॑તવ॒લ્લભામ્ ॥

ઓં ધ॒નુ॒ર્ધ॒રાયૈ॑ વિ॒દ્મહે॑ સર્વસિ॒દ્ધ્યૈ ચ॑ ધીમહિ ।
તન્નો॑ ધરા પ્રચો॒દયા᳚ત્ ।

શૃ॒ણ્વંતિ॑ શ્રો॒ણામમૃત॑સ્ય ગો॒પાં પુણ્યા॑મસ્યા॒ ઉપ॑શૃણોમિ॒ વાચ᳚મ્ ।
મ॒હીંદે॒વીં-વિઁષ્ણુ॑પત્ની મજૂ॒ર્યાં પ્રતી॒ચી॑મેનાગ્​મ્ હ॒વિષા॑ યજામઃ ॥

ત્રે॒ધા વિષ્ણુ॑ રુરુગા॒યો વિચ॑ક્રમે મ॒હીં દિવં॑ પૃથિ॒વી-મં॒તરિ॑ક્ષમ્ ।
તચ્છ્રો॒ણૈત્રિશવ॑ ઇ॒ચ્છમા॑ના પુણ્ય॒ગ્ગ્॒ શ્લોકં॒-યઁજ॑માનાય કૃણ્વ॒તી ॥

સ્યો॒નાપૃ॑થિવિ॒ભવા॑નૃક્ષ॒રાનિ॒વેશ॑ની યચ્છા॑ન॒શ્શર્મ॑ સ॒પ્રથાઃ᳚ ॥

અદિ॑તિર્દે॒વા ગં॑ધ॒ર્વા મ॑નુ॒ષ્યાઃ᳚ પિ॒તરો સુ॑રાસ્તેષાગ્​મ્ સ॒ર્વ ભૂ॒તા॒નાં᳚ મા॒તા મે॒દિની॑ મહતા મ॒હી ।
સાવિ॒ત્રી ગા॑ય॒ત્રી જગ॑ત્યુ॒ર્વી પૃ॒થ્વી બ॑હુલા॒ વિશ્વા॑ ભૂ॒તાક॒તમાકાયાસા સ॒ત્યેત્ય॒મૃતે॑તિ વસિ॒ષ્ઠઃ ॥

ઇક્ષુશાલિયવસસ્યફલાઢ્યે પારિજાત તરુશોભિતમૂલે ।
સ્વર્ણ રત્ન મણિ મંટપ મધ્યે ચિંતયેત્ સકલ લોકધરિત્રીમ્ ॥

શ્યામાં-વિઁચિત્રાં નવરત્ન ભૂષિતાં ચતુર્ભુજાં તુંગપયોધરાન્વિતામ્ ।
ઇંદીવરાક્ષીં નવશાલિ મંજરીં શુકં દધાનાં શરણં ભજામહે ॥

સક્તુ॑મિવ॒ તિત॑ઉના પુનંતો॒ યત્ર॒ ધીરા॒ મન॑સા॒ વાચ॒ મક્ર॑ત ।
અત્રા॒ સખા᳚સ્સ॒ખ્યાનિ॑ જાનતે ભ॒દ્રૈષાં᳚-લઁ॒ક્ષ્મીર્નિ॑હિ॒તાધિ॑વા॒ચિ ॥

ઓં શાંતિઃ॒ શાંતિઃ॒ શાંતિઃ॑ ॥