Ratri Suktam In English

Also Read This In:- Bengali, Gujarati, Hindi, Kannada, Marathi, Malayalam, Odia, Punjabi, Sanskrit, Tamil, Telugu.

(ṛ.10.127)

asya śrī rātrīti sūktasya kuśika ṛṣiḥ rātrirdēvatā, gāyatrīchChandaḥ,
śrījagadambā prītyarthē saptaśatīpāṭhādau japē viniyōgaḥ ।

rātrī̠ vya̍khyadāya̠tī pu̍ru̠trā dē̠vya̠1̍kṣabhi̍ḥ ।
viśvā̠ adhi̠ śriyō̍-‘dhita ॥ 1

ōrva̍prā̠ ama̍rtyā ni̠vatō̍ dē̠vyu̠1̍dvata̍ḥ ।
jyōti̍ṣā bādhatē̠ tama̍ḥ ॥ 2

niru̠ svasā̍ramaskṛtō̠ṣasa̍-ndē̠vyā̍ya̠tī ।
apēdu̍ hāsatē̠ tama̍ḥ ॥ 3

sā nō̍ a̠dya yasyā̍ va̠ya-nni tē̠ yāma̠nnavi̍kṣmahi ।
vṛ̠kṣē na va̍sa̠tiṃ vaya̍ḥ ॥ 4

ni grāmā̍sō avikṣata̠ ni pa̠dvantō̠ ni pa̠kṣiṇa̍ḥ ।
ni śyē̠nāsa̍śchida̠rthina̍ḥ ॥ 5

yā̠vayā̍ vṛ̠kya̠ṃ1̍ vṛka̍ṃ ya̠vaya̍ stē̠namū̍rmyē ।
athā̍ na-ssu̠tarā̍ bhava ॥ 6

upa̍ mā̠ pēpi̍śa̠ttama̍ḥ kṛ̠ṣṇaṃ vya̍ktamasthita ।
uṣa̍ ṛ̠ṇēva̍ yātaya ॥ 7

upa̍ tē̠ gā i̠vāka̍raṃ vṛṇī̠ṣva du̍hitardivaḥ ।
rātri̠ stōma̠-nna ji̠gyuṣē̍ ॥ 8