ত্রিপুরসুন্দরী অষ্টকম | Tripura Sundari Ashtakam In Bengali

Also Read This In:- English, Hindi, Kannada, Malayalam, Tamil, Telugu.

কদম্ববনচারিণীং মুনিকদম্বকাদম্বিনীং
নিতম্বজিত ভূধরাং সুরনিতম্বিনীসেবিতাম্ ।
নবাম্বুরুহলোচনামভিনবাম্বুদশ্যামলাং
ত্রিলোচনকুটুম্বিনীং ত্রিপুরসুন্দরীমাশ্রয়ে ॥ ১॥

কদম্ববনবাসিনীং কনকবল্লকীধারিণীং
মহার্হমণিহারিণীং মুখসমুল্লসদ্বারুণীম্ ।
দয়াবিভবকারিণীং বিশদলোচনীং চারিণীং
ত্রিলোচনকুটুম্বিনীং ত্রিপুরসুন্দরীমাশ্রয়ে ॥ ২॥

কদম্ববনশালয়া কুচভরোল্লসন্মালয়া
কুচোপমিতশৈলয়া গুরুকৃপালসদ্বেলয়া ।
মদারুণকপোলয়া মধুরগীতবাচালয়া
কয়াঽপি ঘননীলয়া কবচিতা বয়ং লীলয়া ॥ ৩॥

কদম্ববনমধ্যগাং কনকমণ্ডলোপস্থিতাং
ষডম্বুরুহবাসিনীং সততসিদ্ধসৌদামিনীম্ ।
বিডম্বিতজপারুচিং বিকচচংদ্রচূডামণিং
ত্রিলোচনকুটুম্বিনীং ত্রিপুরসুন্দরীমাশ্রয়ে ॥ ৪॥

কুচাঞ্চিতবিপঞ্চিকাং কুটিলকুন্তলালংকৃতাং
কুশেশয়নিবাসিনীং কুটিলচিত্তবিদ্বেষিণীম্ ।
মদারুণবিলোচনাং মনসিজারিসংমোহিনীং
মতঙ্গমুনিকন্যকাং মধুরভাষিণীমাশ্রয়ে ॥ ৫॥

স্মরপ্রথমপুষ্পিণীং রুধিরবিন্দুনীলাম্বরাং
গৃহীতমধুপাত্রিকাং মদবিঘূর্ণনেত্রাঞ্চলাং ।
ঘনস্তনভরোন্নতাং গলিতচূলিকাং শ্যামলাং
ত্রিলোচনকুটুংবিনীং ত্রিপুরসুন্দরীমাশ্রয়ে ॥ ৬॥

সকুঙ্কুমবিলেপনামলকচুংবিকস্তূরিকাং
সমন্দহসিতেক্ষণাং সশরচাপপাশাঙ্কুশাম্ ।
অশেষজনমোহিনীমরুণমাল্য ভূষাম্বরাং
জপাকুসুমভাসুরাং জপবিধৌ স্মরাম্যম্বিকাম্ ॥ ৭॥

পুরংদরপুরংধ্রিকাং চিকুরবন্ধসৈরংধ্রিকাং
পিতামহপতিব্রতাং পটপটীরচর্চারতাম্ ।
মুকুন্দরমণীমণীলসদলংক্রিয়াকারিণীং
ভজামি ভুবনাংবিকাং সুরবধূটিকাচেটিকাম্ ॥ ৮॥

॥ ইতি শ্রীমদ্ শংকরাচার্যবিরচিতং
ত্রিপুরসুন্দরীঅষ্টকং সমাপ্তং ॥