রুদ্রাষ্টকম্ | Rudrashtakam In Bengali
Also Read This In:- English, Gujarati, Hindi, Kannada, Malayalam, Marathi, Odia, Punjabi, Sanskrit, Tamil, Telugu.
নমামীশমীশাননির্বাণরূপং বিভুং ব্যাপকং ব্রহ্মবেদস্বরূপম্ ।
নিজং নির্গুণং নির্বিকল্পং নিরীহং চিদাকাশমাকাশবাসং ভজেঽহম্ ॥ 1॥
নিরাকারমোংকারমূলং তুরীযং গিরা জ্ঞান গোতীতমীশং গিরীশম্ ।
করালং মহাকালকালং কৃপালং গুণাগারসংসারপারং নতোঽহম্ ॥ 2॥
তুষারাদ্রিসংকাশগৌরং গভীরং মনোভূতকোটিপ্রভা শ্রীশরীরম্ ।
স্ফুরন্মৌলিকল্লোলিনী চারুগংগা লসদ্ভালবালেংদু কংঠে ভুজংগা ॥ 3॥
চলত্কুংডলং ভ্রূ সুনেত্রং বিশালং প্রসন্নাননং নীলকংঠং দযালম্ ।
মৃগাধীশচর্মাংবরং মুংডমালং প্রিযং শংকরং সর্বনাথং ভজামি ॥ 4॥
প্রচংডং প্রকৃষ্টং প্রগল্ভং পরেশমখংডমজং ভানুকোটিপ্রকাশম্ ।
ত্রযঃ শূলনির্মূলনং শূলপাণিং ভজেঽহং ভবানীপতিং ভাবগম্যম্ ॥ 5॥
কলাতীতকল্যাণকল্পাংতকারী সদা সজ্জনানংদদাতা পুরারী ।
চিদানংদসংদোহমোহাপহারী প্রসীদ প্রসীদ প্রভো মন্মথারী ॥ 6॥
ন যাবদ্ উমানাথ পাদারবিংদং ভজংতীহ লোকে পরে বা নরাণাম্ ।
ন তাবত্সুখং শাংতি সংতাপনাশং প্রসীদ প্রভো সর্বভূতাধিবাসম্ ॥ 7॥
ন জানামি যোগং জপং নৈব পূজাং নতোঽহং সদা সর্বদা শংভু তুভ্যম্ ।
জরাজন্মদুঃখৌঘতাতপ্যমানং প্রভো পাহি আপন্নমামীশ শংভো ॥ 8॥
রুদ্রাষ্টকমিদং প্রোক্তং বিপ্রেণ হরতোষযে ।
যে পঠংতি নরা ভক্ত্যা তেষাং শংভুঃ প্রসীদতি ॥
॥ ইতি শ্রীরামচরিতমানসে উত্তরকাংডে শ্রীগোস্বামিতুলসীদাসকৃতং
শ্রীরুদ্রাষ্টকং সংপূর্ণম্ ॥