ଶାରଦା ଭୁଜଂଗ ପ୍ରୟାତ ଅଷ୍ଟକମ୍ | Sharada Bhujanga Prayata Ashtakam In Odia
Also Read This In:- Bengali, English, Gujarati, Hindi, Kannada, Malayalam, Marathi, Punjabi, Sanskrit, Tamil, Telugu.
ସୁଵକ୍ଷୋଜକୁଂଭାଂ ସୁଧାପୂର୍ଣକୁଂଭାଂ
ପ୍ରସାଦାଵଲଂବାଂ ପ୍ରପୁଣ୍ୟାଵଲଂବାମ୍ ।
ସଦାସ୍ୟେଂଦୁବିଂବାଂ ସଦାନୋଷ୍ଠବିଂବାଂ
ଭଜେ ଶାରଦାଂବାମଜସ୍ରଂ ମଦଂବାମ୍ ॥ 1 ॥
କଟାକ୍ଷେ ଦୟାର୍ଦ୍ରାଂ କରେ ଜ୍ଞାନମୁଦ୍ରାଂ
କଲାଭିର୍ଵିନିଦ୍ରାଂ କଲାପୈଃ ସୁଭଦ୍ରାମ୍ ।
ପୁରସ୍ତ୍ରୀଂ ଵିନିଦ୍ରାଂ ପୁରସ୍ତୁଂଗଭଦ୍ରାଂ
ଭଜେ ଶାରଦାଂବାମଜସ୍ରଂ ମଦଂବାମ୍ ॥ 2 ॥
ଲଲାମାଂକଫାଲାଂ ଲସଦ୍ଗାନଲୋଲାଂ
ସ୍ଵଭକ୍ତୈକପାଲାଂ ୟଶଃଶ୍ରୀକପୋଲାମ୍ ।
କରେ ତ୍ଵକ୍ଷମାଲାଂ କନତ୍ପତ୍ରଲୋଲାଂ
ଭଜେ ଶାରଦାଂବାମଜସ୍ରଂ ମଦଂବାମ୍ ॥ 3 ॥
ସୁସୀମଂତଵେଣୀଂ ଦୃଶା ନିର୍ଜିତୈଣୀଂ
ରମତ୍କୀରଵାଣୀଂ ନମଦ୍ଵଜ୍ରପାଣୀମ୍ ।
ସୁଧାମଂଥରାସ୍ୟାଂ ମୁଦା ଚିଂତ୍ୟଵେଣୀଂ
ଭଜେ ଶାରଦାଂବାମଜସ୍ରଂ ମଦଂବାମ୍ ॥ 4 ॥
ସୁଶାଂତାଂ ସୁଦେହାଂ ଦୃଗଂତେ କଚାଂତାଂ
ଲସତ୍ସଲ୍ଲତାଂଗୀମନଂତାମଚିଂତ୍ୟାମ୍ ।
ସ୍ମରେତ୍ତାପସୈଃ ସର୍ଗପୂର୍ଵସ୍ଥିତାଂ ତାଂ
ଭଜେ ଶାରଦାଂବାମଜସ୍ରଂ ମଦଂବାମ୍ ॥ 5 ॥
କୁରଂଗେ ତୁରଂଗେ ମୃଗେଂଦ୍ରେ ଖଗେଂଦ୍ରେ
ମରାଲେ ମଦେଭେ ମହୋକ୍ଷେଽଧିରୂଢାମ୍ ।
ମହତ୍ୟାଂ ନଵମ୍ୟାଂ ସଦା ସାମରୂପାଂ
ଭଜେ ଶାରଦାଂବାମଜସ୍ରଂ ମଦଂବାମ୍ ॥ 6 ॥
ଜ୍ଵଲତ୍କାଂତିଵହ୍ନିଂ ଜଗନ୍ମୋହନାଂଗୀଂ
ଭଜେ ମାନସାଂଭୋଜ ସୁଭ୍ରାଂତଭୃଂଗୀମ୍ ।
ନିଜସ୍ତୋତ୍ରସଂଗୀତନୃତ୍ୟପ୍ରଭାଂଗୀଂ
ଭଜେ ଶାରଦାଂବାମଜସ୍ରଂ ମଦଂବାମ୍ ॥ 7 ॥
ଭଵାଂଭୋଜନେତ୍ରାଜସଂପୂଜ୍ୟମାନାଂ
ଲସନ୍ମଂଦହାସପ୍ରଭାଵକ୍ତ୍ରଚିହ୍ନାମ୍ ।
ଚଲଚ୍ଚଂଚଲାଚାରୁତାଟଂକକର୍ଣାଂ
ଭଜେ ଶାରଦାଂବାମଜସ୍ରଂ ମଦଂବାମ୍ ॥ 8 ॥
ଇତି ଶ୍ରୀ ଶାରଦା ଭୁଜଂଗ ପ୍ରୟାତାଷ୍ଟକମ୍ ।