ଶ୍ରୀ ରାମ ଆପଦୁଦ୍ଧାରକ ସ୍ତୋତ୍ରମ୍ | Rama Apaduddharaka Stotram In Odia

Also Read This In:- Bengali, English, Gujarati, Hindi, Kannada, Malayalam, Marathi, Punjabi, Sanskrit, Tamil, Telugu.

ଆପଦାମପହର୍ତାରଂ ଦାତାରଂ ସର୍ଵସଂପଦାମ୍ ।
ଲୋକାଭିରାମଂ ଶ୍ରୀରାମଂ ଭୂୟୋ ଭୂୟୋ ନମାମ୍ୟହମ୍ ॥

ନମଃ କୋଦଂଡହସ୍ତାୟ ସଂଧୀକୃତଶରାୟ ଚ ।
ଦଂଡିତାଖିଲଦୈତ୍ୟାୟ ରାମାୟାପନ୍ନିଵାରିଣେ ॥ 1 ॥

ଆପନ୍ନଜନରକ୍ଷୈକଦୀକ୍ଷାୟାମିତତେଜସେ ।
ନମୋଽସ୍ତୁ ଵିଷ୍ଣଵେ ତୁଭ୍ୟଂ ରାମାୟାପନ୍ନିଵାରିଣେ ॥ 2 ॥

ପଦାଂଭୋଜରଜସ୍ସ୍ପର୍ଶପଵିତ୍ରମୁନିୟୋଷିତେ ।
ନମୋଽସ୍ତୁ ସୀତାପତୟେ ରାମାୟାପନ୍ନିଵାରିଣେ ॥ 3 ॥

ଦାନଵେଂଦ୍ରମହାମତ୍ତଗଜପଂଚାସ୍ୟରୂପିଣେ ।
ନମୋଽସ୍ତୁ ରଘୁନାଥାୟ ରାମାୟାପନ୍ନିଵାରିଣେ ॥ 4 ॥

ମହିଜାକୁଚସଂଲଗ୍ନକୁଂକୁମାରୁଣଵକ୍ଷସେ ।
ନମଃ କଲ୍ୟାଣରୂପାୟ ରାମାୟାପନ୍ନିଵାରିଣେ ॥ 5 ॥

ପଦ୍ମସଂଭଵ ଭୂତେଶ ମୁନିସଂସ୍ତୁତକୀର୍ତୟେ ।
ନମୋ ମାର୍ତାଂଡଵଂଶ୍ୟାୟ ରାମାୟାପନ୍ନିଵାରିଣେ ॥ 6 ॥

ହରତ୍ୟାର୍ତିଂ ଚ ଲୋକାନାଂ ୟୋ ଵା ମଧୁନିଷୂଦନଃ ।
ନମୋଽସ୍ତୁ ହରୟେ ତୁଭ୍ୟଂ ରାମାୟାପନ୍ନିଵାରିଣେ ॥ 7 ॥

ତାପକାରଣସଂସାରଗଜସିଂହସ୍ଵରୂପିଣେ ।
ନମୋ ଵେଦାଂତଵେଦ୍ୟାୟ ରାମାୟାପନ୍ନିଵାରିଣେ ॥ 8 ॥

ରଂଗତ୍ତରଂଗଜଲଧିଗର୍ଵହୃଚ୍ଛରଧାରିଣେ ।
ନମଃ ପ୍ରତାପରୂପାୟ ରାମାୟାପନ୍ନିଵାରିଣେ ॥ 9 ॥

ଦାରୋପହିତଚଂଦ୍ରାଵତଂସଧ୍ୟାତସ୍ଵମୂର୍ତୟେ ।
ନମଃ ସତ୍ୟସ୍ଵରୂପାୟ ରାମାୟାପନ୍ନିଵାରିଣେ ॥ 10 ॥

ତାରାନାୟକସଂକାଶଵଦନାୟ ମହୌଜସେ ।
ନମୋଽସ୍ତୁ ତାଟକାହଂତ୍ରେ ରାମାୟାପନ୍ନିଵାରିଣେ ॥ 11 ॥

ରମ୍ୟସାନୁଲସଚ୍ଚିତ୍ରକୂଟାଶ୍ରମଵିହାରିଣେ ।
ନମଃ ସୌମିତ୍ରିସେଵ୍ୟାୟ ରାମାୟାପନ୍ନିଵାରିଣେ ॥ 12 ॥

ସର୍ଵଦେଵହିତାସକ୍ତ ଦଶାନନଵିନାଶିନେ ।
ନମୋଽସ୍ତୁ ଦୁଃଖଧ୍ଵଂସାୟ ରାମାୟାପନ୍ନିଵାରିଣେ ॥ 13 ॥

ରତ୍ନସାନୁନିଵାସୈକ ଵଂଦ୍ୟପାଦାଂବୁଜାୟ ଚ ।
ନମସ୍ତ୍ରୈଲୋକ୍ୟନାଥାୟ ରାମାୟାପନ୍ନିଵାରିଣେ ॥ 14 ॥

ସଂସାରବଂଧମୋକ୍ଷୈକହେତୁଧାମପ୍ରକାଶିନେ ।
ନମଃ କଲୁଷସଂହର୍ତ୍ରେ ରାମାୟାପନ୍ନିଵାରିଣେ ॥ 15 ॥

ପଵନାଶୁଗ ସଂକ୍ଷିପ୍ତ ମାରୀଚାଦି ସୁରାରୟେ ।
ନମୋ ମଖପରିତ୍ରାତ୍ରେ ରାମାୟାପନ୍ନିଵାରିଣେ ॥ 16 ॥

ଦାଂଭିକେତରଭକ୍ତୌଘମହଦାନଂଦଦାୟିନେ ।
ନମଃ କମଲନେତ୍ରାୟ ରାମାୟାପନ୍ନିଵାରିଣେ ॥ 17 ॥

ଲୋକତ୍ରୟୋଦ୍ଵେଗକର କୁଂଭକର୍ଣଶିରଶ୍ଛିଦେ ।
ନମୋ ନୀରଦଦେହାୟ ରାମାୟାପନ୍ନିଵାରିଣେ ॥ 18 ॥

କାକାସୁରୈକନୟନହରଲ୍ଲୀଲାସ୍ତ୍ରଧାରିଣେ ।
ନମୋ ଭକ୍ତୈକଵେଦ୍ୟାୟ ରାମାୟାପନ୍ନିଵାରିଣେ ॥ 19 ॥

ଭିକ୍ଷୁରୂପସମାକ୍ରାଂତ ବଲିସର୍ଵୈକସଂପଦେ ।
ନମୋ ଵାମନରୂପାୟ ରାମାୟାପନ୍ନିଵାରିଣେ ॥ 20 ॥

ରାଜୀଵନେତ୍ରସୁସ୍ପଂଦ ରୁଚିରାଂଗସୁରୋଚିଷେ ।
ନମଃ କୈଵଲ୍ୟନିଧୟେ ରାମାୟାପନ୍ନିଵାରିଣେ ॥ 21 ॥

ମଂଦମାରୁତସଂଵୀତ ମଂଦାରଦ୍ରୁମଵାସିନେ ।
ନମଃ ପଲ୍ଲଵପାଦାୟ ରାମାୟାପନ୍ନିଵାରିଣେ ॥ 22 ॥

ଶ୍ରୀକଂଠଚାପଦଳନଧୁରୀଣବଲବାହଵେ ।
ନମଃ ସୀତାନୁଷକ୍ତାୟ ରାମାୟାପନ୍ନିଵାରିଣେ ॥ 23 ॥

ରାଜରାଜସୁହୃଦ୍ୟୋଷାର୍ଚିତ ମଂଗଳମୂର୍ତୟେ ।
ନମ ଇକ୍ଷ୍ଵାକୁଵଂଶ୍ୟାୟ ରାମାୟାପନ୍ନିଵାରିଣେ ॥ 24 ॥

ମଂଜୁଲାଦର୍ଶଵିପ୍ରେକ୍ଷଣୋତ୍ସୁକୈକଵିଲାସିନେ ।
ନମଃ ପାଲିତଭକ୍ତାୟ ରାମାୟାପନ୍ନିଵାରିଣେ ॥ 25 ॥

ଭୂରିଭୂଧର କୋଦଂଡମୂର୍ତି ଧ୍ୟେୟସ୍ଵରୂପିଣେ ।
ନମୋଽସ୍ତୁ ତେଜୋନିଧୟେ ରାମାୟାପନ୍ନିଵାରିଣେ ॥ 26 ॥

ୟୋଗୀଂଦ୍ରହୃତ୍ସରୋଜାତମଧୁପାୟ ମହାତ୍ମନେ ।
ନମୋ ରାଜାଧିରାଜାୟ ରାମାୟାପନ୍ନିଵାରିଣେ ॥ 27 ॥

ଭୂଵରାହସ୍ଵରୂପାୟ ନମୋ ଭୂରିପ୍ରଦାୟିନେ ।
ନମୋ ହିରଣ୍ୟଗର୍ଭାୟ ରାମାୟାପନ୍ନିଵାରିଣେ ॥ 28 ॥

ୟୋଷାଂଜଲିଵିନିର୍ମୁକ୍ତ ଲାଜାଂଚିତଵପୁଷ୍ମତେ ।
ନମଃ ସୌଂଦର୍ୟନିଧୟେ ରାମାୟାପନ୍ନିଵାରିଣେ ॥ 29 ॥

ନଖକୋଟିଵିନିର୍ଭିନ୍ନଦୈତ୍ୟାଧିପତିଵକ୍ଷସେ ।
ନମୋ ନୃସିଂହରୂପାୟ ରାମାୟାପନ୍ନିଵାରିଣେ ॥ 30 ॥

ମାୟାମାନୁଷଦେହାୟ ଵେଦୋଦ୍ଧରଣହେତଵେ ।
ନମୋଽସ୍ତୁ ମତ୍ସ୍ୟରୂପାୟ ରାମାୟାପନ୍ନିଵାରିଣେ ॥ 31 ॥

ମିତିଶୂନ୍ୟ ମହାଦିଵ୍ୟମହିମ୍ନେ ମାନିତାତ୍ମନେ ।
ନମୋ ବ୍ରହ୍ମସ୍ଵରୂପାୟ ରାମାୟାପନ୍ନିଵାରିଣେ ॥ 32 ॥

ଅହଂକାରେତରଜନ ସ୍ଵାଂତସୌଧଵିହାରିଣେ ।
ନମୋଽସ୍ତୁ ଚିତ୍ସ୍ଵରୂପାୟ ରାମାୟାପନ୍ନିଵାରିଣେ ॥ 33 ॥

ସୀତାଲକ୍ଷ୍ମଣସଂଶୋଭିପାର୍ଶ୍ଵାୟ ପରମାତ୍ମନେ ।
ନମଃ ପଟ୍ଟାଭିଷିକ୍ତାୟ ରାମାୟାପନ୍ନିଵାରିଣେ ॥ 34 ॥

ଅଗ୍ରତଃ ପୃଷ୍ଠତଶ୍ଚୈଵ ପାର୍ଶ୍ଵତଶ୍ଚ ମହାବଲୌ ।
ଆକର୍ଣପୂର୍ଣଧନ୍ଵାନୌ ରକ୍ଷେତାଂ ରାମଲକ୍ଷ୍ମଣୌ ॥ 35 ॥

ସନ୍ନଦ୍ଧଃ କଵଚୀ ଖଡ୍ଗୀ ଚାପବାଣଧରୋ ୟୁଵା ।
ତିଷ୍ଠନ୍ମମାଗ୍ରତୋ ନିତ୍ୟଂ ରାମଃ ପାତୁ ସଲକ୍ଷ୍ମଣଃ ॥ 36 ॥

ଆପଦାମପହର୍ତାରଂ ଦାତାରଂ ସର୍ଵସଂପଦାମ୍ ।
ଲୋକାଭିରାମଂ ଶ୍ରୀରାମଂ ଭୂୟୋ ଭୂୟୋ ନମାମ୍ୟହମ୍ ॥

ଫଲଶ୍ରୁତି
ଇମଂ ସ୍ତଵଂ ଭଗଵତଃ ପଠେଦ୍ୟଃ ପ୍ରୀତମାନସଃ ।
ପ୍ରଭାତେ ଵା ପ୍ରଦୋଷେ ଵା ରାମସ୍ୟ ପରମାତ୍ମନଃ ॥ 1 ॥

ସ ତୁ ତୀର୍ତ୍ଵା ଭଵାଂବୋଧିମାପଦସ୍ସକଲାନପି ।
ରାମସାୟୁଜ୍ୟମାପ୍ନୋତି ଦେଵଦେଵପ୍ରସାଦତଃ ॥ 2 ॥

କାରାଗୃହାଦିବାଧାସୁ ସଂପ୍ରାପ୍ତେ ବହୁସଂକଟେ ।
ଆପନ୍ନିଵାରକସ୍ତୋତ୍ରଂ ପଠେଦ୍ୟସ୍ତୁ ୟଥାଵିଧିଃ ॥ 3 ॥

ସଂୟୋଜ୍ୟାନୁଷ୍ଟୁଭଂ ମଂତ୍ରମନୁଶ୍ଲୋକଂ ସ୍ମରନ୍ଵିଭୁମ୍ ।
ସପ୍ତାହାତ୍ସର୍ଵବାଧାଭ୍ୟୋ ମୁଚ୍ୟତେ ନାତ୍ର ସଂଶୟଃ ॥ 4 ॥

ଦ୍ଵାତ୍ରିଂଶଦ୍ଵାରଜପତଃ ପ୍ରତ୍ୟହଂ ତୁ ଦୃଢଵ୍ରତଃ ।
ଵୈଶାଖେ ଭାନୁମାଲୋକ୍ୟ ପ୍ରତ୍ୟହଂ ଶତସଂଖ୍ୟୟା ॥ 5 ॥

ଧନଵାନ୍ ଧନଦପ୍ରଖ୍ୟସ୍ସ ଭଵେନ୍ନାତ୍ର ସଂଶୟଃ ।
ବହୁନାତ୍ର କିମୁକ୍ତେନ ୟଂ ୟଂ କାମୟତେ ନରଃ ॥ 6 ॥

ତଂ ତଂ କାମମଵାପ୍ନୋତି ସ୍ତୋତ୍ରେଣାନେନ ମାନଵଃ ।
ୟଂତ୍ରପୂଜାଵିଧାନେନ ଜପହୋମାଦିତର୍ପଣୈଃ ॥ 7 ॥

ୟସ୍ତୁ କୁର୍ଵୀତ ସହସା ସର୍ଵାନ୍କାମାନଵାପ୍ନୁୟାତ୍ ।
ଇହ ଲୋକେ ସୁଖୀ ଭୂତ୍ଵା ପରେ ମୁକ୍ତୋ ଭଵିଷ୍ୟତି ॥ 8 ॥