ନିତ୍ୟ ସଂଧ୍ୟା ଵଂଦନମ୍ | Nitya Sandhya Vandanam In Odia

Also Read This In:- Bengali, English, Gujarati, Hindi, Kannada, Marathi, Malayalam, Punjabi, Sanskrit, Tamil, Telugu.

ଶରୀର ଶୁଦ୍ଧି
ଅପଵିତ୍ରଃ ପଵିତ୍ରୋ ଵା ସର୍ଵାଵସ୍ଥାଂ᳚ ଗତୋଽପିଵା ।
ୟଃ ସ୍ମରେତ୍ ପୁଂଡରୀକାକ୍ଷଂ ସ ବାହ୍ୟାଭ୍ୟଂତର ଶ୍ଶୁଚିଃ ॥
ପୁଂଡରୀକାକ୍ଷ ! ପୁଂଡରୀକାକ୍ଷ ! ପୁଂଡରୀକାକ୍ଷାୟ ନମଃ ।

ଆଚମନଃ
ଓଂ ଆଚମ୍ୟ
ଓଂ କେଶଵାୟ ସ୍ଵାହା
ଓଂ ନାରାୟଣାୟ ସ୍ଵାହା
ଓଂ ମାଧଵାୟ ସ୍ଵାହା (ଇତି ତ୍ରିରାଚମ୍ୟ)
ଓଂ ଗୋଵିଂଦାୟ ନମଃ (ପାଣୀ ମାର୍ଜୟିତ୍ଵା)
ଓଂ-ଵିଁଷ୍ଣଵେ ନମଃ
ଓଂ ମଧୁସୂଦନାୟ ନମଃ (ଓଷ୍ଠୌ ମାର୍ଜୟିତ୍ଵା)
ଓଂ ତ୍ରିଵିକ୍ରମାୟ ନମଃ
ଓଂ-ଵାଁମନାୟ ନମଃ (ଶିରସି ଜଲଂ ପ୍ରୋକ୍ଷ୍ୟ)
ଓଂ ଶ୍ରୀଧରାୟ ନମଃ
ଓଂ ହୃଷୀକେଶାୟ ନମଃ (ଵାମହସ୍ତେ ଜଲଂ ପ୍ରୋକ୍ଷ୍ୟ)
ଓଂ ପଦ୍ମନାଭାୟ ନମଃ (ପାଦୟୋଃ ଜଲଂ ପ୍ରୋକ୍ଷ୍ୟ)
ଓଂ ଦାମୋଦରାୟ ନମଃ (ଶିରସି ଜଲଂ ପ୍ରୋକ୍ଷ୍ୟ)
ଓଂ ସଂକର୍​ଷଣାୟ ନମଃ (ଅଂଗୁଳିଭିଶ୍ଚିବୁକଂ ଜଲଂ ପ୍ରୋକ୍ଷ୍ୟ)
ଓଂ-ଵାଁସୁଦେଵାୟ ନମଃ
ଓଂ ପ୍ରଦ୍ୟୁମ୍ନାୟ ନମଃ (ନାସିକାଂ ସ୍ପୃଷ୍ଟ୍ଵା)
ଓଂ ଅନିରୁଦ୍ଧାୟ ନମଃ
ଓଂ ପୁରୁଷୋତ୍ତମାୟ ନମଃ
ଓଂ ଅଧୋକ୍ଷଜାୟ ନମଃ
ଓଂ ନାରସିଂହାୟ ନମଃ (ନେତ୍ରେ ଶ୍ରୋତ୍ରେ ଚ ସ୍ପୃଷ୍ଟ୍ଵା)
ଓଂ ଅଚ୍ୟୁତାୟ ନମଃ (ନାଭିଂ ସ୍ପୃଷ୍ଟ୍ଵା)
ଓଂ ଜନାର୍ଧନାୟ ନମଃ (ହୃଦୟଂ ସ୍ପୃଷ୍ଟ୍ଵା)
ଓଂ ଉପେଂଦ୍ରାୟ ନମଃ (ହସ୍ତଂ ଶିରସି ନିକ୍ଷିପ୍ୟ)
ଓଂ ହରୟେ ନମଃ
ଓଂ ଶ୍ରୀକୃଷ୍ଣାୟ ନମଃ (ଅଂସୌ ସ୍ପୃଷ୍ଟ୍ଵା)
ଓଂ ଶ୍ରୀକୃଷ୍ଣ ପରବ୍ରହ୍ମଣେ ନମୋ ନମଃ

(ଏତାନ୍ୟୁଚ୍ଚାର୍ୟ ଉପ୍ୟକ୍ତ ପ୍ରକାରଂ କୃତେ ଅଂଗାନି ଶୁଦ୍ଧାନି ଭଵେୟୁଃ)

ଭୂତୋଚ୍ଚାଟନ
ଉତ୍ତିଷ୍ଠଂତୁ । ଭୂତ ପିଶାଚାଃ । ୟେ ତେ ଭୂମିଭାରକାଃ । ୟେ ତେଷାମଵିରୋଧେନ । ବ୍ରହ୍ମକର୍ମ ସମାରଭେ । ଓଂ ଭୂର୍ଭୁଵସ୍ସୁଵଃ ।
ଦୈଵୀ ଗାୟତ୍ରୀ ଚଂଦଃ ପ୍ରାଣାୟାମେ ଵିନିୟୋଗଃ

(ପ୍ରାଣାୟାମଂ କୃତ୍ଵା କୁଂଭକେ ଇମଂ ଗାୟତ୍ରୀ ମଂତ୍ରମୁଚ୍ଛରେତ୍)

ପ୍ରାଣାୟାମଃ
ଓଂ ଭୂଃ । ଓଂ ଭୁଵଃ । ଓଗ୍​ମ୍ ସୁଵଃ । ଓଂ ମହଃ । ଓଂ ଜନଃ । ଓଂ ତପଃ । ଓଗ୍​ମ୍ ସ॒ତ୍ୟମ୍ ।
ଓଂ ତଥ୍ସ॑ଵି॒ତୁର୍ଵରେ᳚ଣ୍ୟଂ॒ ଭର୍ଗୋ॑ ଦେ॒ଵସ୍ୟ॑ ଧୀମହି ।
ଧିୟୋ॒ ୟୋ ନଃ॑ ପ୍ରଚୋଦୟା᳚ତ୍ ॥
ଓମାପୋ॒ ଜ୍ୟୋତୀ॒ ରସୋ॒ଽମୃତଂ॒ ବ୍ରହ୍ମ॒ ଭୂ-ର୍ଭୁଵ॒-ସ୍ସୁଵ॒ରୋମ୍ ॥ (ତୈ. ଅର. 10-27)

ସଂକଲ୍ପଃ
ମମୋପାତ୍ତ, ଦୁରିତ କ୍ଷୟଦ୍ଵାରା, ଶ୍ରୀ ପରମେଶ୍ଵର ମୁଦ୍ଦିସ୍ୟ, ଶ୍ରୀ ପରମେଶ୍ଵର ପ୍ରୀତ୍ୟର୍ଥଂ, ଶୁଭେ, ଶୋଭନେ, ଅଭ୍ୟୁଦୟ ମୁହୂର୍ତେ, ଶ୍ରୀ ମହାଵିଷ୍ଣୋ ରାଜ୍ଞୟା, ପ୍ରଵର୍ତ ମାନସ୍ୟ, ଅଦ୍ୟ ବ୍ରହ୍ମଣଃ, ଦ୍ଵିତୀୟ ପରାର୍ଥେ, ଶ୍ଵେତଵରାହ କଲ୍ପେ, ଵୈଵଶ୍ଵତ ମନ୍ଵଂତରେ, କଲିୟୁଗେ, ପ୍ରଥମ ପାଦେ, (ଭାରତ ଦେଶଃ – ଜଂବୂ ଦ୍ଵୀପେ, ଭରତ ଵର୍​ଷେ, ଭରତ ଖଂଡେ, ମେରୋଃ ଦକ୍ଷିଣ/ଉତ୍ତର ଦିଗ୍ଭାଗେ; ଅମେରିକା – କ୍ରୌଂଚ ଦ୍ଵୀପେ, ରମଣକ ଵର୍​ଷେ, ଐଂଦ୍ରିକ ଖଂଡେ, ସପ୍ତ ସମୁଦ୍ରାଂତରେ, କପିଲାରଣ୍ୟେ), ଶୋଭନ ଗୃହେ, ସମସ୍ତ ଦେଵତା ବ୍ରାହ୍ମଣ, ହରିହର ଗୁରୁଚରଣ ସନ୍ନିଥୌ, ଅସ୍ମିନ୍, ଵର୍ତମାନ, ଵ୍ୟାଵହାରିକ, ଚାଂଦ୍ରମାନ, … ସଂ​ଵଁତ୍ସରେ, … ଅୟନେ, … ଋତେ, … ମାସେ, … ପକ୍ଷେ, … ତିଥୌ, … ଵାସରେ, … ଶୁଭ ନକ୍ଷତ୍ର, ଶୁଭ ୟୋଗ, ଶୁଭ କରଣ, ଏଵଂଗୁଣ, ଵିଶେଷଣ, ଵିଶିଷ୍ଠାୟାଂ, ଶୁଭ ତିଥୌ, ଶ୍ରୀମାନ୍, … ଗୋତ୍ରଃ, … ନାମଧେୟଃ, … ଗୋତ୍ରସ୍ୟ, … ନାମଧେୟୋହଂଃ ପ୍ରାତଃ/ମଧ୍ୟାହ୍ନିକ/ସାୟଂ ସଂଧ୍ୟାଂ ଉପାସିଷ୍ୟେ ॥

ମାର୍ଜନଃ
ଓଂ ଆପୋ॒ହିଷ୍ଠା ମ॑ୟୋ॒ଭୁଵଃ॑ । ତା ନ॑ ଊ॒ର୍ଜେ ଦ॑ଧାତନ । ମ॒ହେରଣା॑ୟ॒ ଚକ୍ଷ॑ସେ । ୟୋ ଵଃ॑ ଶି॒ଵତ॑ମୋ॒ ରସଃ॑ । ତସ୍ୟ॑ ଭାଜୟତେ॒ ହ ନଃ॒ । ଉ॒ଶ॒ତୀରି॑ଵ ମା॒ତରଃ॑ । ତସ୍ମା॒ ଅରଂ॑ଗ ମାମ ଵଃ । ୟସ୍ୟ॒ କ୍ଷୟା॑ୟ॒ ଜିନ୍ଵ॑ଥ । ଆପୋ॑ ଜ॒ନୟ॑ଥା ଚ ନଃ । (ତୈ. ଅର. 4-42)

(ଇତି ଶିରସି ମାର୍ଜୟେତ୍)

(ହସ୍ତେନ ଜଲଂ ଗୃହୀତ୍ଵା)

ପ୍ରାତଃ କାଲ ମଂତ୍ରାଚମନଃ
ସୂର୍ୟ ଶ୍ଚ, ମାମନ୍ୟୁ ଶ୍ଚ, ମନ୍ୟୁପତୟ ଶ୍ଚ, ମନ୍ୟୁ॑କୃତେ॒ଭ୍ୟଃ । ପାପେଭ୍ୟୋ॑ ରକ୍ଷଂ॒ତାମ୍ । ୟଦ୍ରାତ୍ର୍ୟା ପାପ॑ ମକା॒ର୍​ଷମ୍ । ମନସା ଵାଚା॑ ହ॒ସ୍ତାଭ୍ୟାମ୍ । ପଦ୍ଭ୍ୟା ମୁଦରେ॑ଣ ଶିଂ॒ଚା । ରାତ୍ରି॒ ସ୍ତଦ॑ଵଲୁଂ॒ପତୁ । ୟତ୍କିଂଚ॑ ଦୁରି॒ତଂ ମୟି॑ । ଇଦମହଂ ମା ମମୃ॑ତ ୟୋ॒ ନୌ । ସୂର୍ୟେ ଜ୍ୟୋତିଷି ଜୁହୋ॑ମି ସ୍ଵା॒ହା᳚ ॥ (ତୈ. ଅର. 10. 24)

ମଧ୍ୟାହ୍ନ କାଲ ମଂତ୍ରାଚମନଃ
ଆପଃ॑ ପୁନଂତୁ ପୃଥି॒ଵୀଂ ପୃ॑ଥି॒ଵୀ ପୂ॒ତା ପୁ॑ନାତୁ॒ ମାମ୍ । ପୁ॒ନଂତୁ॒ ବ୍ରହ୍ମ॑ଣ॒ସ୍ପତି॒ ର୍ବ୍ରହ୍ମା॑ ପୂ॒ତା ପୁ॑ନାତୁ॒ ମାମ୍ । ୟଦୁଚ୍ଛି॑ଷ୍ଟ॒ ମଭୋ᳚ଜ୍ୟଂ॒ ୟଦ୍ଵା॑ ଦୁ॒ଶ୍ଚରି॑ତଂ॒ ମମ॑ । ସର୍ଵଂ॑ ପୁନଂତୁ॒ ମା ମାପୋ॑ଽସ॒ତାଂଚ॑ ପ୍ରତି॒ଗ୍ରହ॒ଗ୍ଗ୍॒ ସ୍ଵାହା᳚ ॥ (ତୈ. ଅର. ପରିଶିଷ୍ଟଃ 10. 30)

ସାୟଂକାଲ ମଂତ୍ରାଚମନଃ
ଅଗ୍ନି ଶ୍ଚ ମା ମନ୍ୟୁ ଶ୍ଚ ମନ୍ୟୁପତୟ ଶ୍ଚ ମନ୍ୟୁ॑କୃତେଭ୍ୟଃ । ପାପେଭ୍ୟୋ॑ ରକ୍ଷଂ॒ତାମ୍ । ୟଦହ୍ନା ପାପ॑ ମକା॒ର୍​ଷମ୍ । ମନସା ଵାଚା॑ ହସ୍ତା॒ଭ୍ୟାମ୍ । ପଦ୍ଭ୍ୟା ମୁଦରେ॑ଣ ଶିଂ॒ଚା । ଅହ ସ୍ତଦ॑ଵଲୁଂ॒ପତୁ । ୟ ତ୍କିଂଚ॑ ଦୁରି॒ତଂ ମୟି॑ । ଇଦ ମହଂ ମା ମମୃ॑ତ ୟୋ॒ନୌ । ସତ୍ୟେ ଜ୍ୟୋତିଷି ଜୁହୋମି ସ୍ଵା॒ହା ॥ (ତୈ. ଅର. 10. 24)

(ଇତି ମଂତ୍ରେଣ ଜଲଂ ପିବେତ୍)

ଆଚମ୍ୟ (ଓଂ କେଶଵାୟ ସ୍ଵାହା, … ଶ୍ରୀ କୃଷ୍ଣ ପରବ୍ରହ୍ମଣେ ନମୋ ନମଃ)

ଦ୍ଵିତୀୟ ମାର୍ଜନଃ
ଦ॒ଧି॒ କ୍ରାଵ୍​ଣ୍ଣୋ॑ ଅକାରିଷମ୍ । ଜି॒ଷ୍ଣୋ ରଶ୍ଵ॑ସ୍ୟ ଵା॒ଜି॑ନଃ ।
ସୁ॒ରଭିନୋ॒ ମୁଖା॑କର॒ତ୍ପ୍ରଣ॒ ଆୟୂଗ୍​ମ୍॑ଷି ତାରିଷତ୍ ॥

(ସୂର୍ୟପକ୍ଷେ ଲୋକୟାତ୍ରା ନିର୍ଵାହକ ଇତ୍ୟର୍ଥଃ)

ଓଂ ଆପୋ॒ ହିଷ୍ଠା ମ॑ୟୋ॒ଭୁଵଃ॑ । ତା ନ॑ ଊ॒ର୍ଜେ ଦ॑ଧାତନ । ମ॒ହେରଣା॑ୟ॒ ଚକ୍ଷ॑ସେ । ୟୋ ଵଃ॑ ଶି॒ଵତ॑ମୋ॒ ରସଃ॑ । ତସ୍ୟ॑ ଭାଜୟତେ॒ ହ ନଃ॒ । ଉ॒ଶ॒ତୀରି॑ଵ ମା॒ତରଃ॑ । ତସ୍ମା॒ ଅରଂ॑ଗ ମାମ ଵଃ । ୟସ୍ୟ॒ କ୍ଷୟା॑ୟ॒ ଜିନ୍ଵ॑ଥ । ଆପୋ॑ ଜ॒ନୟ॑ଥା ଚ ନଃ ॥ (ତୈ. ଅର. 4. 42)

ପୁନଃ ମାର୍ଜନଃ
ହିର॑ଣ୍ୟଵର୍ଣା॒ ଶ୍ଶୁଚ॑ୟଃ ପାଵ॒କାଃ ୟା ସୁ॑ଜା॒ତଃ କ॒ଶ୍ୟପୋ॒ ୟା ସ୍ଵିଂଦ୍ରଃ॑ । ଅ॒ଗ୍ନିଂ-ୟାଁ ଗର୍ଭଂ॑ଦଧି॒ରେ ଵିରୂ॑ପା॒ ସ୍ତାନ॒ ଆପ॒ଶ୍ଶଗ୍ଗ୍ ସ୍ୟୋ॒ନା ଭ॑ଵଂତୁ । ୟା ସା॒ଗ୍​ମ୍॒ ରାଜା॒ ଵରୁ॑ଣୋ॒ ୟାତି॒ ମଧ୍ୟେ॑ ସତ୍ୟାନୃ॒ତେ ଅ॑ଵ॒ପଶ୍ୟଂ॒ ଜନା॑ନାମ୍ । ମ॒ଧୁ॒ ଶ୍ଚୁତ॒ଶ୍ଶୁଚ॑ୟୋ॒ ୟାଃ ପା॑ଵ॒କା ସ୍ତାନ॒ ଆପ॒ଶ୍ଶଗ୍ଗ୍ ସ୍ୟୋ॒ନା ଭ॑ଵଂତୁ । ୟାସାଂ᳚ ଦେ॒ଵା ଦି॒ଵି କୃ॒ଣ୍ଵଂତି॑ ଭ॒କ୍ଷଂ-ୟାଁ ଅଂ॒ତରି॑କ୍ଷେ ବହୁ॒ଥା ଭଵଂ॑ତି । ୟାଃ ପୃ॑ଥି॒ଵୀଂ ପୟ॑ସୋଂ॒ଦଂତି॑ ଶ୍ଶୁ॒କ୍ରାସ୍ତାନ॒ ଆପ॒ଶଗ୍ଗ୍ ସ୍ୟୋ॒ନା ଭ॑ଵଂତୁ । ୟାଃ ଶି॒ଵେନ॑ ମା॒ ଚକ୍ଷୁ॑ଷା ପଶ୍ୟତାପଶ୍ଶି॒ଵୟା॑ ତ॒ନୁ ଵୋପ॑ସ୍ପୃଶତ॒ ତ୍ଵଚ॑ ମ୍ମେ । ସର୍ଵାଗ୍​ମ୍॑ ଅ॒ଗ୍ନୀଗ୍​ମ୍ ର॑ପ୍ସୁ॒ଷଦୋ॑ ହୁ॒ଵେ ଵୋ॒ ମୟି॒ ଵର୍ଚୋ॒ ବଲ॒ ମୋଜୋ॒ ନିଧ॑ତ୍ତ ॥ (ତୈ. ସଂ. 5. 6. 1)
(ମାର୍ଜନଂ କୁର୍ୟାତ୍)

ଅଘମର୍​ଷଣ ମଂତ୍ରଃ ପାପଵିମୋଚନଂ

(ହସ୍ତେନ ଜଲମାଦାୟ ନିଶ୍ଶ୍ଵସ୍ୟ ଵାମତୋ ନିକ୍ଷିତପେତ୍)
ଦ୍ରୁ॒ପ॒ଦା ଦି॑ଵ ମୁଂଚତୁ । ଦ୍ରୁ॒ପ॒ଦା ଦି॒ଵେ ନ୍ମୁ॑ମୁଚା॒ନଃ ।
ସ୍ଵି॒ନ୍ନ ସ୍ସ୍ନା॒ତ୍ଵୀ ମଲା॑ ଦିଵଃ । ପୂ॒ତଂ ପଵିତ୍ରେ॑ଣେ॒ ଵାଜ୍ୟଂ᳚ ଆପ॑ ଶ୍ଶୁଂଦଂତୁ॒ ମୈନ॑ସଃ ॥ (ତୈ. ବ୍ରା. 266)

ଆଚମ୍ୟ (ଓଂ କେଶଵାୟ ସ୍ଵାହା, … ଶ୍ରୀ କୃଷ୍ଣ ପରବ୍ରହ୍ମଣେ ନମୋ ନମଃ)
ପ୍ରାଣାୟାମମ୍ୟ

ଲଘୁସଂକଲ୍ପଃ
ପୂର୍ଵୋକ୍ତ ଏଵଂଗୁଣ ଵିଶେଷଣ ଵିଶିଷ୍ଠାୟାଂ ଶୁଭତିଥୌ ମମୋପାତ୍ତ ଦୁରିତ କ୍ଷୟଦ୍ଵାରା ଶ୍ରୀ ପରମେଶ୍ଵର ମୁଦ୍ଦିସ୍ୟ ଶ୍ରୀ ପରମେଶ୍ଵର ପ୍ରୀତ୍ୟର୍ଥଂ ପ୍ରାତସ୍ସଂଧ୍ୟାଂଗ ୟଥା କାଲୋଚିତ ଅର୍ଘ୍ୟପ୍ରଦାନଂ କରିଷ୍ୟେ ॥

ପ୍ରାତଃ କାଲାର୍ଘ୍ୟ ମଂତ୍ରଂ
ଓଂ ଭୂର୍ଭୁଵ॒ସ୍ସୁଵଃ॑ ॥ ତଥ୍ସ॑ଵି॒ତୁର୍ଵରେ᳚ଣ୍ୟଂ॒ ଭର୍ଗୋ॑ ଦେ॒ଵସ୍ୟ॑ ଧୀମହି । ଧିୟୋ॒ ୟୋ ନଃ॑ ପ୍ରଚୋଦୟା᳚ତ୍ ॥ 3 ॥

ମଧ୍ୟାହ୍ନାର୍ଘ୍ୟ ମଂତ୍ରଂ
ଓଂ ହ॒ଗ୍​ମ୍॒ ସଶ୍ଶୁ॑ଚି॒ଷ ଦ୍ଵସୁ॑ରଂତରିକ୍ଷ॒ସ ଦ୍ଦୋତା॑ ଵେଦି॒ଷଦତି॑ଥି ର୍ଦୁରୋଣ॒ସତ୍ । ନୃ॒ଷ ଦ୍ଵ॑ର॒ସ ଦୃ॑ତ॒ସ ଦ୍ଵ୍ୟୋ॑ମ॒ ସଦ॒ବ୍ଜା ଗୋ॒ଜା ଋ॑ତ॒ଜା ଅ॑ଦ୍ରି॒ଜା ଋ॒ତମ୍-ବୃ॒ହତ୍ ॥ (ତୈ. ଅର. 10. 4)

ସାୟଂ କାଲାର୍ଘ୍ୟ ମଂତ୍ରଂ
ଓଂ ଭୂର୍ଭୁଵ॒ସ୍ସୁଵଃ॑ ॥ ତଥ୍ସ॑ଵି॒ତୁର୍ଵରେ᳚ଣ୍ୟଂ॒ ଭର୍ଗୋ॑ ଦେ॒ଵସ୍ୟ॑ ଧୀମହି । ଧିୟୋ॒ ୟୋ ନଃ॑ ପ୍ରଚୋଦୟା᳚ତ୍ ॥ ଓଂ ଭୂଃ । ଓଂ ଭୁଵଃ । ଓଗ୍​ମ୍ ସୁଵଃ । ଓଂ ମହଃ । ଓଂ ଜନଃ । ଓଂ ତପଃ । ଓଗ୍​ମ୍ ସ॒ତ୍ୟମ୍ । ଓଂ ତଥ୍ସ॑ଵି॒ତୁର୍ଵରେ᳚ଣ୍ୟଂ॒ ଭର୍ଗୋ॑ ଦେ॒ଵସ୍ୟ॑ ଧୀମହି । ଧିୟୋ॒ ୟୋ ନଃ॑ ପ୍ରଚୋଦୟା᳚ତ୍ ॥ ଓମାପୋ॒ ଜ୍ୟୋତୀ॒ ରସୋ॒ଽମୃତଂ॒ ବ୍ରହ୍ମ॒ ଭୂ-ର୍ଭୁଵ॒-ସ୍ସୁଵ॒ରୋମ୍ ॥

(ଇତ୍ୟଂଜଲିତ୍ରୟଂ-ଵିଁସୃଜେତ୍)

କାଲାତିକ୍ରମଣ ପ୍ରାୟଶ୍ଚିତ୍ତଂ
ଆଚମ୍ୟ…
ପୂର୍ଵୋକ୍ତ ଏଵଂଗୁଣ ଵିଶେଷଣ ଵିଶିଷ୍ଠାୟାଂ ଶୁଭତିଥୌ ମମୋପାତ୍ତ ଦୁରିତ କ୍ଷୟଦ୍ଵାରା ଶ୍ରୀ ପରମେଶ୍ଵର ମୁଦ୍ଦିସ୍ୟ ଶ୍ରୀ ପରମେଶ୍ଵର ପ୍ରୀତ୍ୟର୍ଥଂ କାଲାତିକ୍ରମ ଦୋଷପରିହାରାର୍ଥଂ ଚତୁର୍ଥା ଅର୍ଘ୍ୟପ୍ରଦାନଂ କରିଷ୍ୟେ ॥

ଓଂ ଭୂର୍ଭୁଵ॒ସ୍ସୁଵଃ॑ ॥ ତଥ୍ସ॑ଵି॒ତୁର୍ଵରେ᳚ଣ୍ୟଂ॒ ଭର୍ଗୋ॑ ଦେ॒ଵସ୍ୟ॑ ଧୀମହି । ଧିୟୋ॒ ୟୋ ନଃ॑ ପ୍ରଚୋଦୟା᳚ତ୍ ॥ ଓଂ ଭୂଃ । ଓଂ ଭୁଵଃ । ଓଗ୍​ମ୍ ସୁଵଃ । ଓଂ ମହଃ । ଓଂ ଜନଃ । ଓଂ ତପଃ । ଓଗ୍​ମ୍ ସ॒ତ୍ୟମ୍ । ଓଂ ତଥ୍ସ॑ଵି॒ତୁର୍ଵରେ᳚ଣ୍ୟଂ॒ ଭର୍ଗୋ॑ ଦେ॒ଵସ୍ୟ॑ ଧୀମହି । ଧିୟୋ॒ ୟୋ ନଃ॑ ପ୍ରଚୋଦୟା᳚ତ୍ ॥ ଓମାପୋ॒ ଜ୍ୟୋତୀ॒ ରସୋ॒ଽମୃତଂ॒ ବ୍ରହ୍ମ॒ ଭୂ-ର୍ଭୁଵ॒-ସ୍ସୁଵ॒ରୋମ୍ ॥
(ଇତି ଜଲଂ-ଵିଁସୃଜେତ୍)

ସଜଲ ପ୍ରଦକ୍ଷିଣଂ
ଓଂ ଉ॒ଦ୍ୟଂତ॑ମସ୍ତଂ॒-ୟଂଁତ॑-ମାଦି॒ତ୍ୟ-ମ॑ଭିଥ୍ୟା॒ୟ-ନ୍କୁ॒ର୍ଵନ୍ବ୍ରା᳚ହ୍ମ॒ଣୋ ଵି॒ଦ୍ଵାନ୍-ଥ୍ସ॒କଲଂ॑ଭ॒ଦ୍ରମ॑ଶ୍ନୁତେ॒ ଅସାଵା॑ଦି॒ତ୍ୟୋ ବ୍ର॒ହ୍ମେତି॒ ॥ ବ୍ରହ୍ମୈ॒ଵ ସନ୍-ବ୍ରହ୍ମା॒ପ୍ୟେତି॒ ୟ ଏ॒ଵଂ-ଵେଁଦ ॥ ଅସାଵାଦିତ୍ୟୋ ବ୍ରହ୍ମ ॥ (ତୈ. ଅର. 2. 2)

(ଏଵଂ ଅର୍ଘ୍ୟତ୍ରୟଂ ଦଦ୍ୟାତ୍ କାଲାତିକ୍ରମଣେ ପୂର୍ଵଵତ୍)
(ପଶ୍ଚାତ୍ ହସ୍ତେନ ଜଲମାଦାୟ ପ୍ରଦକ୍ଷିଣଂ କୁର୍ୟାତ୍)
(ଦ୍ଵିରାଚମ୍ୟ ପ୍ରାଣାୟାମ ତ୍ରୟଂ କୃତ୍ଵା)

ଆଚମ୍ୟ (ଓଂ କେଶଵାୟ ସ୍ଵାହା, … ଶ୍ରୀ କୃଷ୍ଣ ପରବ୍ରହ୍ମଣେ ନମୋ ନମଃ)

ସଂଧ୍ୟାଂଗ ତର୍ପଣଂ
ପ୍ରାତଃକାଲ ତର୍ପଣଂ
ସଂଧ୍ୟାଂ ତର୍ପୟାମି, ଗାୟତ୍ରୀଂ ତର୍ପୟାମି, ବ୍ରାହ୍ମୀଂ ତର୍ପୟାମି, ନିମୃଜୀଂ ତର୍ପୟାମି ॥

ମଧ୍ୟାହ୍ନ ତର୍ପଣଂ
ସଂଧ୍ୟାଂ ତର୍ପୟାମି, ସାଵିତ୍ରୀଂ ତର୍ପୟାମି, ରୌଦ୍ରୀଂ ତର୍ପୟାମି, ନିମୃଜୀଂ ତର୍ପୟାମି ॥

ସାୟଂକାଲ ତର୍ପଣଂ
ସଂଧ୍ୟାଂ ତର୍ପୟାମି, ସରସ୍ଵତୀଂ ତର୍ପୟାମି, ଵୈଷ୍ଣଵୀଂ ତର୍ପୟାମି, ନିମୃଜୀଂ ତର୍ପୟାମି ॥

(ପୁନରାଚମନଂ କୁର୍ୟାତ୍)

ଗାୟତ୍ରୀ ଅଵାହନ
ଓମିତ୍ୟେକାକ୍ଷ॑ରଂ ବ୍ର॒ହ୍ମ । ଅଗ୍ନିର୍ଦେଵତା ବ୍ରହ୍ମ॑ ଇତ୍ୟା॒ର୍​ଷମ୍ । ଗାୟତ୍ରଂ ଛଂଦଂ ପରମାତ୍ମଂ॑ ସରୂ॒ପମ୍ । ସାୟୁଜ୍ୟଂ-ଵିଁ॑ନିୟୋ॒ଗ॒ମ୍ ॥ (ତୈ. ଅର. 10. 33)

ଆୟା॑ତୁ॒ ଵର॑ଦା ଦେ॒ଵୀ॒ ଅ॒କ୍ଷରଂ॑ ବ୍ରହ୍ମ॒ସଂମି॒ତମ୍ । ଗା॒ୟ॒ତ୍ରୀଂ᳚ ଛଂଦ॑ସାଂ ମା॒ତେଦଂ ବ୍ର॑ହ୍ମ ଜୁ॒ଷସ୍ଵ॑ ମେ । ୟଦହ୍ନା᳚-ତ୍କୁରୁ॑ତେ ପା॒ପଂ॒ ତଦହ୍ନା᳚-ତ୍ପ୍ରତି॒ମୁଚ୍ୟ॑ତେ । ୟଦ୍ରାତ୍ରିୟା᳚-ତ୍କୁରୁ॑ତେ ପା॒ପଂ॒ ତଦ୍ରାତ୍ରିୟା᳚-ତ୍ପ୍ରତି॒ମୁଚ୍ୟ॑ତେ । ସର୍ଵ॑ ଵ॒ର୍ଣେ ମ॑ହାଦେ॒ଵି॒ ସଂ॒ଧ୍ୟାଵି॑ଦ୍ୟେ ସ॒ରସ୍ଵ॑ତି ॥

ଓଜୋ॑ଽସି॒ ସହୋ॑ଽସି॒ ବଲ॑ମସି॒ ଭ୍ରାଜୋ॑ଽସି ଦେ॒ଵାନାଂ॒ ଧାମ॒ନାମା॑ସି॒ ଵିଶ୍ଵ॑ମସି ଵି॒ଶ୍ଵାୟୁ॒-ସ୍ସର୍ଵ॑ମସି ସ॒ର୍ଵାୟୁ-ରଭିଭୂରୋମ୍ । ଗାୟତ୍ରୀ-ମାଵା॑ହୟା॒ମି॒ ସାଵିତ୍ରୀ-ମାଵା॑ହୟା॒ମି॒ ସରସ୍ଵତୀ-ମାଵା॑ହୟା॒ମି॒ ଛଂଦର୍​ଷୀ-ନାଵା॑ହୟା॒ମି॒ ଶ୍ରିୟ-ମାଵାହ॑ୟା॒ମି॒ ଗାୟତ୍ରିୟା ଗାୟତ୍ରୀ ଚ୍ଛଂଦୋ ଵିଶ୍ଵାମିତ୍ରଋଷି ସ୍ସଵିତା ଦେଵତାଽଗ୍ନିର୍ମୁଖଂ ବ୍ରହ୍ମା ଶିରୋ ଵିଷ୍ଣୁର୍​ହୃଦୟଗ୍​ମ୍ ରୁଦ୍ର-ଶ୍ଶିଖା ପୃଥିଵୀ ୟୋନିଃ ପ୍ରାଣାପାନ ଵ୍ୟାନୋଦାନ ସମାନା ସପ୍ରାଣା ଶ୍ଵେତଵର୍ଣା ସାଂଖ୍ୟାୟନ ସଗୋତ୍ରା ଗାୟତ୍ରୀ ଚତୁର୍ଵିଗ୍​ମ୍ ଶତ୍ୟକ୍ଷରା ତ୍ରିପଦା॑ ଷଟ୍କୁ॒କ୍ଷିଃ॒ ପଂଚ-ଶୀର୍​ଷୋପନୟନେ ଵି॑ନିୟୋ॒ଗଃ॒ । ଓଂ ଭୂଃ । ଓଂ ଭୁଵଃ । ଓଗ୍​ମ୍ ସୁଵଃ । ଓଂ ମହଃ । ଓଂ ଜନଃ । ଓଂ ତପଃ । ଓଗ୍​ମ୍ ସ॒ତ୍ୟମ୍ । ଓଂ ତଥ୍ସ॑ଵି॒ତୁର୍ଵରେ᳚ଣ୍ୟଂ॒ ଭର୍ଗୋ॑ ଦେ॒ଵସ୍ୟ॑ ଧୀମହି । ଧିୟୋ॒ ୟୋ ନଃ॑ ପ୍ରଚୋଦୟା᳚ତ୍ ॥ ଓମାପୋ॒ ଜ୍ୟୋତୀ॒ ରସୋ॒ଽମୃତଂ॒ ବ୍ରହ୍ମ॒ ଭୂ-ର୍ଭୁଵ॒-ସ୍ସୁଵ॒ରୋମ୍ ॥ (ମହାନାରାୟଣ ଉପନିଷତ୍)

ଆଚମ୍ୟ (ଓଂ କେଶଵାୟ ସ୍ଵାହା, … ଶ୍ରୀ କୃଷ୍ଣ ପରବ୍ରହ୍ମଣେ ନମୋ ନମଃ)

ଜପସଂକଲ୍ପଃ
ପୂର୍ଵୋକ୍ତ ଏଵଂଗୁଣ ଵିଶେଷଣ ଵିଶିଷ୍ଠାୟାଂ ଶୁଭତିଥୌ ମମୋପାତ୍ତ ଦୁରିତ କ୍ଷୟଦ୍ଵାରା ଶ୍ରୀ ପରମେଶ୍ଵର ମୁଦ୍ଦିସ୍ୟ ଶ୍ରୀ ପରମେଶ୍ଵର ପ୍ରୀତ୍ୟର୍ଥଂ ସଂଧ୍ୟାଂଗ ୟଥାଶକ୍ତି ଗାୟତ୍ରୀ ମହାମଂତ୍ର ଜପଂ କରିଷ୍ୟେ ॥

କରନ୍ୟାସଃ
ଓଂ ତଥ୍ସ॑ଵି॒ତୁଃ ବ୍ରହ୍ମାତ୍ମନେ ଅଂଗୁଷ୍ଟାଭ୍ୟାଂ ନମଃ ।
ଵରେ᳚ଣ୍ୟଂ॒ ଵିଷ୍ଣଵାତ୍ମନେ ତର୍ଜନୀଭ୍ୟାଂ ନମଃ ।
ଭର୍ଗୋ॑ ଦେ॒ଵସ୍ୟ॑ ରୁଦ୍ରାତ୍ମନେ ମଧ୍ୟମାଭ୍ୟାଂ ନମଃ ।
ଧୀମହି ସତ୍ୟାତ୍ମନେ ଅନାମିକାଭ୍ୟାଂ ନମଃ ।
ଧିୟୋ॒ ୟୋ ନଃ॑ ଜ୍ଞାନାତ୍ମନେ କନିଷ୍ଟିକାଭ୍ୟାଂ ନମଃ ।
ପ୍ରଚୋଦୟା᳚ତ୍ ସର୍ଵାତ୍ମନେ କରତଲ କରପୃଷ୍ଟାଭ୍ୟାଂ ନମଃ ।

ଅଂଗନ୍ୟାସଃ
ଓଂ ତଥ୍ସ॑ଵି॒ତୁଃ ବ୍ରହ୍ମାତ୍ମନେ ହୃଦୟାୟ ନମଃ ।
ଵରେ᳚ଣ୍ୟଂ॒ ଵିଷ୍ଣଵାତ୍ମନେ ଶିରସେ ସ୍ଵାହା ।
ଭର୍ଗୋ॑ ଦେ॒ଵସ୍ୟ॑ ରୁଦ୍ରାତ୍ମନେ ଶିଖାୟୈ ଵଷଟ୍ ।
ଧୀମହି ସତ୍ୟାତ୍ମନେ କଵଚାୟ ହୁମ୍ ।
ଧିୟୋ॒ ୟୋ ନଃ॑ ଜ୍ଞାନାତ୍ମନେ ନେତ୍ରତ୍ରୟାୟ ଵୌଷଟ୍ ।
ପ୍ରଚୋଦୟା᳚ତ୍ ସର୍ଵାତ୍ମନେ ଅସ୍ତ୍ରାୟଫଟ୍ ।
ଓଂ ଭୂର୍ଭୁଵ॒ସ୍ସୁଵ॒ରୋମିତି ଦିଗ୍ଭଂଧଃ ।

ଧ୍ୟାନମ୍
ମୁକ୍ତାଵିଦ୍ରୁମ ହେମନୀଲ ଧଵଳଚ୍ଚାୟୈ-ର୍ମୁଖୈ-ସ୍ତ୍ରୀକ୍ଷଣୈଃ ।
ୟୁକ୍ତାମିଂଦୁନି ବଦ୍ଧ-ରତ୍ନ-ମକୁଟାଂ ତତ୍ଵାର୍ଥ ଵର୍ଣାତ୍ମିକାମ୍ ।
ଗାୟତ୍ରୀଂ-ଵଁରଦାଭୟାଂକୁଶ କଶାଶ୍ଶୁଭ୍ରଂକପାଲଂଗଦାମ୍ ।
ଶଂଖଂଚକ୍ର ମଧାରଵିଂଦ ୟୁଗଳଂ ହସ୍ତୈର୍ଵହଂତୀଂ ଭଜେ ॥

ଚତୁର୍ଵିଂଶତି ମୁଦ୍ରା ପ୍ରଦର୍​ଶନଂ
ସୁମୁଖଂ ସଂପୁଟିଂଚୈଵ ଵିତତଂ-ଵିଁସ୍ତୃତଂ ତଥା ।
ଦ୍ଵିମୁଖଂ ତ୍ରିମୁଖଂଚୈଵ ଚତୁଃ ପଂଚ ମୁଖଂ ତଥା ।
ଷଣ୍ମୁଖୋଽଥୋ ମୁଖଂ ଚୈଵ ଵ୍ୟାପକାଂଜଲିକଂ ତଥା ।
ଶକଟଂ-ୟଁମପାଶଂ ଚ ଗ୍ରଥିତଂ ସମ୍ମୁଖୋନ୍ମୁଖମ୍ ।
ପ୍ରଲଂବଂ ମୁଷ୍ଟିକଂ ଚୈଵ ମତ୍ସ୍ୟଃ କୂର୍ମୋ ଵରାହକମ୍ ।
ସିଂହାକ୍ରାଂତଂ ମହାକ୍ରାଂତଂ ମୁଦ୍ଗରଂ ପଲ୍ଲଵଂ ତଥା ।

ଚତୁର୍ଵିଂଶତି ମୁଦ୍ରା ଵୈ ଗାୟତ୍ର୍ୟାଂ ସୁପ୍ରତିଷ୍ଠିତାଃ ।
ଇତିମୁଦ୍ରା ନ ଜାନାତି ଗାୟତ୍ରୀ ନିଷ୍ଫଲା ଭଵେତ୍ ॥

ୟୋ ଦେଵ ସ୍ସଵିତାଽସ୍ମାକଂ ଧିୟୋ ଧର୍ମାଦିଗୋଚରାଃ ।
ପ୍ରେରୟେତ୍ତସ୍ୟ ୟଦ୍ଭର୍ଗସ୍ତ ଦ୍ଵରେଣ୍ୟ ମୁପାସ୍ମହେ ॥

ଗାୟତ୍ରୀ ମଂତ୍ରଂ
ଓଂ ଭୂର୍ଭୁଵ॒ସ୍ସୁଵଃ॑ ॥ ତଥ୍ସ॑ଵି॒ତୁର୍ଵରେ᳚ଣ୍ୟଂ॒ ଭର୍ଗୋ॑ ଦେ॒ଵସ୍ୟ॑ ଧୀମହି ।
ଧିୟୋ॒ ୟୋ ନଃ॑ ପ୍ରଚୋଦୟା᳚ତ୍ ॥

ଅଷ୍ଟମୁଦ୍ରା ପ୍ରଦର୍​ଶନଂ
ସୁରଭିର୍ଜ୍ଞାନ ଚକ୍ରେ ଚ ୟୋନିଃ କୂର୍ମୋଽଥ ପଂକଜମ୍ ।
ଲିଂଗଂ ନିର୍ୟାଣ ମୁଦ୍ରା ଚେତ୍ୟଷ୍ଟ ମୁଦ୍ରାଃ ପ୍ରକୀର୍ତିତାଃ ॥
ଓଂ ତତ୍ସଦ୍ବ୍ରହ୍ମାର୍ପଣମସ୍ତୁ ।

ଆଚମ୍ୟ (ଓଂ କେଶଵାୟ ସ୍ଵାହା, … ଶ୍ରୀ କୃଷ୍ଣ ପରବ୍ରହ୍ମଣେ ନମୋ ନମଃ)

ଦ୍ଵିଃ ପରିମୁଜ୍ୟ ।
ସକୃଦୁପ ସ୍ପୃଶ୍ୟ ।
ୟତ୍ସଵ୍ୟଂ ପାଣିମ୍ ।
ପାଦମ୍ ।
ପ୍ରୋକ୍ଷତି ଶିରଃ ।
ଚକ୍ଷୁଷୀ ।
ନାସିକେ ।
ଶ୍ରୋତ୍ରେ ।
ହୃଦୟମାଲଭ୍ୟ ।

ପ୍ରାତଃକାଲ ସୂର୍ୟୋପସ୍ଥାନଂ
ଓଂ ମି॒ତ୍ରସ୍ୟ॑ ଚ॒ର୍​ଷଣୀ॒ ଧୃତ॒ ଶ୍ରଵୋ॑ ଦେ॒ଵସ୍ୟ॑ ସାନ॒ ସିମ୍ । ସ॒ତ୍ୟଂ ଚି॒ତ୍ରଶ୍ର॑ ଵସ୍ତମମ୍ । ମି॒ତ୍ରୋ ଜନାନ୍॑ ୟାତୟତି ପ୍ରଜା॒ନନ୍-ମି॒ତ୍ରୋ ଦା॑ଧାର ପୃଥି॒ଵୀ ମୁ॒ତଦ୍ୟାମ୍ । ମି॒ତ୍ରଃ କୃ॒ଷ୍ଟୀ ରନି॑ମିଷା॒ଽଭି ଚ॑ଷ୍ଟେ ସ॒ତ୍ୟାୟ॑ ହ॒ଵ୍ୟଂ ଘୃ॒ତଵ॑ଦ୍ଵିଧେମ । ପ୍ରସମି॑ତ୍ତ୍ର॒ ମର୍ତ୍ୟୋ॑ ଅସ୍ତୁ॒ ପ୍ରୟ॑ସ୍ଵା॒ ନ୍ୟସ୍ତ॑ ଆଦିତ୍ୟ॒ ଶିକ୍ଷ॑ତି ଵ୍ର॒ତେନ॑ । ନ ହ॑ନ୍ୟତେ॒ ନ ଜୀ॑ୟତେ॒ ତ୍ଵୋତୋ॒ନୈନ॒ ମଗ୍​ମ୍ହୋ॑ ଅଶ୍ନୋ॒ ତ୍ୟଂତି॑ତୋ॒ ନ ଦୂ॒ରାତ୍ ॥ (ତୈ. ସଂ. 3.4.11)

ମଧ୍ୟାହ୍ନ ସୂର୍ୟୋପସ୍ଥାନଂ
ଓଂ ଆ ସ॒ତ୍ୟେନ॒ ରଜ॑ସା॒ ଵର୍ତ॑ମାନୋ ନିଵେ॒ଶ॑ୟ ନ୍ନ॒ମୃତଂ॒ ମର୍ତ୍ୟଂ॑ଚ । ହି॒ରଣ୍ୟୟେ॑ନ ସଵି॒ତା ରଥେ॒ନାଽଦେ॒ଵୋ ୟା॑ତି॒ ଭୁଵ॑ନା ନି॒ପଶ୍ୟନ୍॑ ॥

ଉଦ୍ଵ॒ୟ ଂତମ॑ସ॒ ସ୍ପରି॒ ପଶ୍ୟଂ॑ତୋ॒ ଜ୍ୟୋତି॒ ରୁତ୍ତ॑ରମ୍ । ଦେ॒ଵଂଦେ॑ଵ॒ତ୍ରା ସୂର୍ୟ॒ ମଗ॑ନ୍ମ ଜ୍ୟୋତି॑ ରୁତ୍ତ॒ମଂ ॥

ଉଦୁ॒ତ୍ୟଂ ଜା॒ତଵେ॑ଦସଂ ଦେ॒ଵଂ-ଵଁ॑ହଂତି କେ॒ତଵଃ॑ । ଦୃ॒ଶେ ଵିଶ୍ଵା॑ ୟ॒ ସୂର୍ୟ᳚ମ୍ ॥ ଚି॒ତ୍ରଂ ଦେ॒ଵାନା॒ ମୁଦ॑ଗା॒ ଦନୀ॑କଂ॒ ଚକ୍ଷୁ॑-ର୍ମି॒ତ୍ରସ୍ୟ॒ ଵରୁ॑ଣ ସ୍ୟା॒ଗ୍ନେଃ । ଅପ୍ରା॒ ଦ୍ୟାଵା॑ ପୃଥି॒ଵୀ ଅଂତ॒ରି॑କ୍ଷ॒ଗ୍​ମ୍ ସୂର୍ୟ॑ ଆ॒ତ୍ମା ଜଗ॑ତ ସ୍ତ॒ସ୍ଥୁଷ॑ଶ୍ଚ ॥

ତଚ୍ଚକ୍ଷୁ॑-ର୍ଦେ॒ଵହି॑ତଂ ପୁ॒ରସ୍ତା᳚ଚ୍ଚୁ॒କ୍ର ମୁ॒ଚ୍ଚର॑ତ୍ । ପଶ୍ୟେ॑ମ ଶ॒ରଦ॑ଶ୍ଶ॒ତଂ ଜୀଵେ॑ମ ଶ॒ରଦ॑ଶ୍ଶ॒ତଂ ନଂଦା॑ମ ଶ॒ରଦ॑ଶ୍ଶ॒ତଂ ମୋଦା॑ମ ଶ॒ରଦ॑ଶ୍ଶ॒ତଂ ଭଵା॑ମ ଶ॒ରଦ॑ଶ୍ଶ॒ତଗ୍​ମ୍ ଶୃ॒ଣଵା॑ମ ଶ॒ରଦ॑ଶ୍ଶ॒ତଂ ପବ୍ର॑ଵାମ ଶ॒ରଦ॑ଶ୍ଶ॒ତମଜୀ॑ତାସ୍ୟାମ ଶ॒ରଦ॑ଶ୍ଶ॒ତଂ ଜୋକ୍ଚ॒ ସୂର୍ୟଂ॑ ଦୃ॒ଷେ ॥ ୟ ଉଦ॑ଗାନ୍ମହ॒ତୋଽର୍ଣଵା᳚ ଦ୍ଵି॒ଭ୍ରାଜ॑ମାନ ସ୍ସରି॒ରସ୍ୟ॒ ମଧ୍ୟା॒ଥ୍ସମା॑ ଵୃଷ॒ଭୋ ଲୋ॑ହିତା॒କ୍ଷସୂର୍ୟୋ॑ ଵିପ॒ଶ୍ଚିନ୍ମନ॑ସା ପୁନାତୁ ॥

ସାୟଂକାଲ ସୂର୍ୟୋପସ୍ଥାନଂ
ଓଂ ଇ॒ମମ୍ମେ॑ ଵରୁଣ ଶୃଧୀ॒ ହଵ॑ ମ॒ଦ୍ୟା ଚ॑ ମୃଡୟ । ତ୍ଵା ମ॑ଵ॒ସ୍ୟୁ ରାଚ॑କେ ॥ ତତ୍ଵା॑ ୟାମି॒ ବ୍ରହ୍ମ॑ଣା॒ ଵଂଦ॑ମାନ॒ ସ୍ତ ଦାଶା᳚ସ୍ତେ॒ ୟଜ॑ମାନୋ ହ॒ଵିର୍ଭିଃ॑ । ଅହେ॑ଡମାନୋ ଵରୁଣେ॒ହ ବୋ॒ଧ୍ୟୁରୁ॑ଶ॒ଗ୍​ମ୍॒ ସମା॑ନ॒ ଆୟୁଃ॒ ପ୍ରମୋ॑ଷୀଃ ॥

ୟଚ୍ଚି॒ଦ୍ଧିତେ॒ ଵିଶୋ॑ୟଥା॒ ପ୍ରଦେ॑ଵ ଵରୁଣଵ୍ର॒ତମ୍ । ମି॒ନୀ॒ମସି॒ଦ୍ୟ ଵି॑ଦ୍ୟଵି । ୟତ୍କିଂଚେ॒ଦଂ-ଵଁ॑ରୁଣ॒ଦୈଵ୍ୟେ॒ ଜନେ॑ଽଭିଦ୍ରୋ॒ହ-ମ୍ମ॑ନୁ॒ଷ୍ୟା᳚ଶ୍ଚରା॑ମସି । ଅଚି॑ତ୍ତୀ॒ ୟତ୍ତଵ॒ ଧର୍ମା॑ୟୁୟୋପି॒-ମମାନ॒-ସ୍ତସ୍ମା॒ ଦେନ॑ସୋ ଦେଵରୀରିଷଃ । କି॒ତ॒ଵାସୋ॒ ୟଦ୍ରି॑ରି॒ପୁର୍ନଦୀ॒ଵି ୟଦ୍ଵା॑ଘା ସ॒ତ୍ୟମୁ॒ତୟନ୍ନ ଵି॒ଦ୍ମ । ସର୍ଵା॒ତାଵିଷ୍ୟ॑ ଶିଧି॒ରେଵ॑ଦେ॒ଵାଽଥା॑ତେସ୍ୟାମ ଵରୁଣ ପ୍ରି॒ୟାସଃ॑ ॥ (ତୈ. ସଂ. 1.1.1)

ଦିଗ୍ଦେଵତା ନମସ୍କାରଃ
(ଏତୈର୍ନମସ୍କାରଂ କୁର୍ୟାତ୍)
ଓଂ ନମଃ॒ ପ୍ରାଚ୍ୟୈ॑ ଦି॒ଶେ ୟାଶ୍ଚ॑ ଦେ॒ଵତା॑ ଏ॒ତସ୍ୟାଂ॒ ପ୍ରତି॑ଵସଂତ୍ୟେ॒ ତାଭ୍ୟ॑ଶ୍ଚ॒ ନମଃ॑ ।
ଓଂ ନମୋ ଦକ୍ଷି॑ଣାୟୈ ଦି॒ଶେ ୟାଶ୍ଚ॑ ଦେ॒ଵତା॑ ଏ॒ତସ୍ୟାଂ॒ ପ୍ରତି॑ଵସଂତ୍ୟେ॒ ତାଭ୍ୟ॑ଶ୍ଚ॒ ନମଃ॑ ।
ଓଂ ନମଃ॒ ପ୍ରତୀ᳚ଚ୍ୟୈ ଦି॒ଶେ ୟାଶ୍ଚ॑ ଦେ॒ଵତା॑ ଏ॒ତସ୍ୟାଂ॒ ପ୍ରତି॑ଵସଂତ୍ୟେ॒ ତାଭ୍ୟ॑ଶ୍ଚ॒ ନମଃ॑ ।
ଓଂ ନମ॒ ଉଦୀ᳚ଚ୍ୟୈ ଦି॒ଶେ ୟାଶ୍ଚ॑ ଦେ॒ଵତା॑ ଏ॒ତସ୍ୟାଂ॒ ପ୍ରତି॑ଵସଂତ୍ୟେ॒ ତାଭ୍ୟ॑ଶ୍ଚ॒ ନମଃ॑ ।
ଓଂ ନମ॑ ଊ॒ର୍ଧ୍ଵାୟୈ॑ ଦି॒ଶେ ୟାଶ୍ଚ॑ ଦେ॒ଵତା॑ ଏ॒ତସ୍ୟାଂ॒ ପ୍ରତି॑ଵସଂତ୍ୟେ॒ ତାଭ୍ୟ॑ଶ୍ଚ॒ ନମଃ॑ ।
ଓଂ ନମୋଽଧ॑ରାୟୈ ଦି॒ଶେ ୟାଶ୍ଚ॑ ଦେ॒ଵତା॑ ଏ॒ତସ୍ୟାଂ॒ ପ୍ରତି॑ଵସଂତ୍ୟେ॒ ତାଭ୍ୟ॑ଶ୍ଚ॒ ନମଃ॑ ।
ଓଂ ନମୋ॑ଽଵାଂତ॒ରାୟୈ॑ ଦି॒ଶେ ୟାଶ୍ଚ॑ ଦେ॒ଵତା॑ ଏ॒ତସ୍ୟାଂ॒ ପ୍ରତି॑ଵସଂତ୍ୟେ॒ ତାଭ୍ୟ॑ଶ୍ଚ॒ ନମଃ॑ ।

ମୁନି ନମସ୍କାରଃ
ନମୋ ଗଂଗା ୟମୁନୟୋ-ର୍ମଧ୍ୟେ ୟେ॑ ଵସଂ॒ତି॒ ତେ ମେ ପ୍ରସନ୍ନାତ୍ମାନ ଶ୍ଚିରଂଜୀଵିତଂ-ଵଁ॑ର୍ଧୟଂ॒ତି॒ ନମୋ ଗଂଗା ୟମୁନୟୋ-ର୍ମୁନି॑ଭ୍ୟଶ୍ଚ॒ ନମୋ ନମୋ ଗଂଗା ୟମୁନୟୋ-ର୍ମୁନି॑ଭ୍ୟଶ୍ଚ॒ ନ॑ମଃ ॥

ସଂଧ୍ୟାଦେଵତା ନମସ୍କାରଃ
ସଂଧ୍ୟା॑ୟୈ॒ ନମଃ॑ । ସାଵି॑ତ୍ର୍ୟୈ॒ ନମଃ॑ । ଗାୟ॑ତ୍ର୍ୟୈ॒ ନମଃ॑ । ସର॑ସ୍ଵତ୍ୟୈ॒ ନମଃ॑ । ସର୍ଵା॑ଭ୍ୟୋ ଦେ॒ଵତା॑ଭ୍ୟୋ॒ ନମଃ॑ । ଦେ॒ଵେଭ୍ୟୋ॒ ନମଃ॑ । ଋଷି॑ଭ୍ୟୋ॒ ନମଃ॑ । ମୁନି॑ଭ୍ୟୋ॒ ନମଃ॑ । ଗୁରୁ॑ଭ୍ୟୋ॒ ନମଃ॑ । ପିତୃ॑ଭ୍ୟୋ॒ ନମଃ॑ । କାମୋଽକାର୍​ଷୀ᳚ ର୍ନମୋ॒ ନମଃ । ମନ୍ୟୁ ରକାର୍​ଷୀ᳚ ର୍ନମୋ॒ ନମଃ । ପୃଥିଵ୍ୟାପସ୍ତେ॒ଜୋ ଵାୟୁ॑ରାକା॒ଶାତ୍ ନମଃ ॥ (ତୈ. ଅର. 2.18.52)

ଓଂ ନମୋ ଭଗଵତେ ଵାସୁ॑ଦେଵା॒ୟ । ୟା॒ଗ୍​ମ୍ ସଦା॑ ସର୍ଵଭୂତା॒ନି॒ ଚ॒ରାଣି॑ ସ୍ଥାଵ॒ରାଣି॑ ଚ । ସା॒ୟଂ॒ ପ୍ରା॒ତ ର୍ନ॑ମସ୍ୟଂ॒ତି॒ ସା॒ ମା॒ ସଂଧ୍ୟା॑ଽଭିରକ୍ଷତୁ ॥

ଶିଵାୟ ଵିଷ୍ଣୁରୂପାୟ ଶିଵରୂପାୟ ଵିଷ୍ଣଵେ ।
ଶିଵସ୍ୟ ହୃଦୟଂ-ଵିଁଷ୍ଣୁର୍ଵିଷ୍ଣୋଶ୍ଚ ହୃଦୟଂ ଶିଵଃ ॥
ୟଥା ଶିଵମୟୋ ଵିଷ୍ଣୁରେଵଂ-ଵିଁଷ୍ଣୁମୟଃ ଶିଵଃ ।
ୟଥାଽଂତରଂ ନ ପଶ୍ୟାମି ତଥା ମେ ସ୍ଵସ୍ତିରାୟୁଷି ॥
ନମୋ ବ୍ରହ୍ମଣ୍ୟ ଦେଵାୟ ଗୋ ବ୍ରାହ୍ମଣ ହିତାୟ ଚ ।
ଜଗଦ୍ଧିତାୟ କୃଷ୍ଣାୟ ଗୋଵିଂଦାୟ ନମୋ ନମଃ ॥

ଗାୟତ୍ରୀ ଉଦ୍ଵାସନ (ପ୍ରସ୍ଥାନଂ)
ଉ॒ତ୍ତମେ॑ ଶିଖ॑ରେ ଜା॒ତେ॒ ଭୂ॒ମ୍ୟାଂ ପ॑ର୍ଵତ॒ମୂର୍ଥ॑ନି । ବ୍ରା॒ହ୍ମଣେ᳚ଭ୍ୟୋଽଭ୍ୟ॑ନୁଜ୍ଞା॒ତା॒ ଗ॒ଚ୍ଚଦେ॑ଵି ୟ॒ଥାସୁ॑ଖମ୍ । ସ୍ତୁତୋ ମୟା ଵରଦା ଵେ॑ଦମା॒ତା॒ ପ୍ରଚୋଦୟଂତୀ ପଵନେ᳚ ଦ୍ଵିଜା॒ତା । ଆୟୁଃ ପୃଥିଵ୍ୟାଂ ଦ୍ରଵିଣଂ ବ୍ର॑ହ୍ମଵ॒ର୍ଚ॒ସଂ॒ ମହ୍ୟଂ ଦତ୍ଵା ପ୍ରଜାତୁଂ ବ୍ର॑ହ୍ମଲୋ॒କମ୍ ॥ (ମହାନାରାୟଣ ଉପନିଷତ୍)

ଭଗଵନ୍ନମସ୍କାରଃ
ନମୋଽସ୍ତ୍ଵନଂତାୟ ସହସ୍ରମୂର୍ତୟେ ସହସ୍ର ପାଦାକ୍ଷି ଶିରୋରୁ ବାହଵେ ।
ସହସ୍ର ନାମ୍ନେ ପୁରୁଷାୟ ଶାଶ୍ଵତେ ସହସ୍ରକୋଟୀ ୟୁଗ ଧାରିଣେ ନମଃ ॥

ଭୂମ୍ୟାକାଶାଭି ଵଂଦନଂ
ଇ॒ଦଂ ଦ୍ୟା॑ଵା ପୃଥି॒ଵୀ ସ॒ତ୍ୟମ॑ସ୍ତୁ॒ । ପିତ॒-ର୍ମାତର୍ୟଦି॒ ହୋପ॑ ବୃ॒ଵେଵା᳚ମ୍ ।
ଭୂ॒ତଂ ଦେ॒ଵାନା॑ ମଵମେ ଅଵୋ॑ଭିଃ । ଵିଦ୍ୟା ମେ॒ଷଂ-ଵୃଁ॒ଜିନଂ॑ ଜୀ॒ରଦା॑ନୁମ୍ ॥

ଆକାଶାତ୍ପତିତଂ ତୋୟଂ-ୟଁଥା ଗଚ୍ଛତି ସାଗରମ୍ ।
ସର୍ଵଦେଵ ନମସ୍କାରଃ କେଶଵଂ ପ୍ରତିଗଚ୍ଛତି ॥
ଶ୍ରୀ କେଶଵଂ ପ୍ରତିଗଚ୍ଛତ୍ୟୋନ୍ନମ ଇତି ।

ସର୍ଵଵେଦେଷୁ ୟତ୍ପୁଣ୍ୟମ୍ । ସର୍ଵତୀର୍ଥେଷୁ ୟତ୍ଫଲମ୍ ।
ତତ୍ଫଲଂ ପୁରୁଷ ଆପ୍ନୋତି ସ୍ତୁତ୍ଵାଦେଵଂ ଜନାର୍ଧନମ୍ ॥
ସ୍ତୁତ୍ଵାଦେଵଂ ଜନାର୍ଧନ ଓଂ ନମ ଇତି ॥
ଵାସନା-ଦ୍ଵାସୁଦେଵସ୍ୟ ଵାସିତଂ ତେ ଜୟତ୍ରୟମ୍ ।
ସର୍ଵଭୂତ ନିଵାସୋଽସି ଶ୍ରୀଵାସୁଦେଵ ନମୋଽସ୍ତୁତେ ॥
ଶ୍ରୀ ଵାସୁଦେଵ ନମୋଽସ୍ତୁତେ ଓଂ ନମ ଇତି ।

ଅଭିଵାଦଃ (ପ୍ରଵର)
ଚତୁସ୍ସାଗର ପର୍ୟଂତଂ ଗୋ ବ୍ରାହ୍ମଣେଭ୍ୟଃ ଶୁଭଂ ଭଵତୁ । … ପ୍ରଵରାନ୍ଵିତ … ଗୋତ୍ରଃ … ସୂତ୍ରଃ … ଶାଖାଧ୍ୟାୟୀ … ଅହଂ ଭୋ ଅଭିଵାଦୟେ ॥

ଈଶ୍ଵରାର୍ପଣଂ
କାୟେନ ଵାଚା ମନସେଂଦ୍ରିୟୈର୍ଵା । ବୁଦ୍ଧ୍ୟାଽଽତ୍ମନା ଵା ପ୍ରକୃତେ ସ୍ସ୍ଵଭାଵାତ୍ ।
କରୋମି ୟଦ୍ୟତ୍ସକଲଂ ପରସ୍ମୈ ଶ୍ରୀମନ୍ନାରାୟଣାୟେତି ସମର୍ପୟାମି ॥
ହରିଃ ଓଂ ତତ୍ସତ୍ । ତତ୍ସର୍ଵଂ ଶ୍ରୀ ପରମେଶ୍ଵରାର୍ପଣମସ୍ତୁ ।