ନିର୍ଵାଣ ଷଟ୍କମ୍ | Nirvana Shatakam In Odia
Also Read This In:- Bengali, English, Gujarati, Hindi, Kannada, Malayalam, Marathi, Punjabi, Sanskrit, Tamil, Telugu.
ଶିଵୋଽହଂ ଶିଵୋଽହଂ, ଶିଵୋଽହଂ ଶିଵୋଽହଂ, ଶିଵୋଽହଂ ଶିଵୋଽହଂ
ମନୋ ବୁଧ୍ୟହଂକାର ଚିତ୍ତାନି ନାହଂ
ନ ଚ ଶ୍ରୋତ୍ର ଜିହ୍ଵେ ନ ଚ ଘ୍ରାଣନେତ୍ରେ ।
ନ ଚ ଵ୍ୟୋମ ଭୂମିର୍-ନ ତେଜୋ ନ ଵାୟୁଃ
ଚିଦାନଂଦ ରୂପଃ ଶିଵୋଽହଂ ଶିଵୋଽହମ୍ ॥ 1 ॥
ନ ଚ ପ୍ରାଣ ସଂଜ୍ଞୋ ନ ଵୈପଂଚଵାୟୁଃ
ନ ଵା ସପ୍ତଧାତୁର୍-ନ ଵା ପଂଚକୋଶାଃ ।
ନଵାକ୍ପାଣି ପାଦୌ ନ ଚୋପସ୍ଥ ପାୟୂ
ଚିଦାନଂଦ ରୂପଃ ଶିଵୋଽହଂ ଶିଵୋଽହମ୍ ॥ 2 ॥
ନ ମେ ଦ୍ଵେଷରାଗୌ ନ ମେ ଲୋଭମୋହୋ
ମଦୋ ନୈଵ ମେ ନୈଵ ମାତ୍ସର୍ୟଭାଵଃ ।
ନ ଧର୍ମୋ ନ ଚାର୍ଧୋ ନ କାମୋ ନ ମୋକ୍ଷଃ
ଚିଦାନଂଦ ରୂପଃ ଶିଵୋଽହଂ ଶିଵୋଽହମ୍ ॥ 3 ॥
ନ ପୁଣ୍ୟଂ ନ ପାପଂ ନ ସୌଖ୍ୟଂ ନ ଦୁଃଖଂ
ନ ମଂତ୍ରୋ ନ ତୀର୍ଥଂ ନ ଵେଦା ନ ୟଜ୍ଞଃ ।
ଅହଂ ଭୋଜନଂ ନୈଵ ଭୋଜ୍ୟଂ ନ ଭୋକ୍ତା
ଚିଦାନଂଦ ରୂପଃ ଶିଵୋଽହଂ ଶିଵୋଽହମ୍ ॥ 4 ॥
ନ ମୃତ୍ୟୁଶଂକା ନ ମେ ଜାତି ଭେଦଃ
ପିତା ନୈଵ ମେ ନୈଵ ମାତା ନ ଜନ୍ମଃ ।
ନ ବଂଧୁର୍-ନ ମିତ୍ରଂ ଗୁରୁର୍ନୈଵ ଶିଷ୍ୟଃ
ଚିଦାନଂଦ ରୂପଃ ଶିଵୋଽହଂ ଶିଵୋଽହମ୍ ॥ 5 ॥
ଅହଂ ନିର୍ଵିକଲ୍ପୋ ନିରାକାର ରୂପୋ
ଵିଭୂତ୍ଵାଚ୍ଚ ସର୍ଵତ୍ର ସର୍ଵେଂଦ୍ରିୟାଣାମ୍ ।
ନ ଵା ବଂଧନଂ ନୈଵର୍-ମୁକ୍ତି ନ ବଂଧଃ ।
ଚିଦାନଂଦ ରୂପଃ ଶିଵୋଽହଂ ଶିଵୋଽହମ୍ ॥ 6 ॥
ଶିଵୋଽହଂ ଶିଵୋଽହଂ, ଶିଵୋଽହଂ ଶିଵୋଽହଂ, ଶିଵୋଽହଂ ଶିଵୋଽହଂ