ନଟରାଜ ସ୍ତୋତ୍ରଂ | Nataraja Stotram In Odia

Also Read This In:- Bengali, English, Gujarati, Hindi, Kannada, Malayalam, Marathi, Punjabi, Sanskrit, Tamil, Telugu.

ଅଥ ଚରଣଶୃଂଗରହିତ ଶ୍ରୀ ନଟରାଜ ସ୍ତୋତ୍ରଂ

ସଦଂଚିତ-ମୁଦଂଚିତ ନିକୁଂଚିତ ପଦଂ ଝଲଝଲଂ-ଚଲିତ ମଂଜୁ କଟକମ୍ ।
ପତଂଜଲି ଦୃଗଂଜନ-ମନଂଜନ-ମଚଂଚଲପଦଂ ଜନନ ଭଂଜନ କରମ୍ ।
କଦଂବରୁଚିମଂବରଵସଂ ପରମମଂବୁଦ କଦଂବ କଵିଡଂବକ ଗଲମ୍
ଚିଦଂବୁଧି ମଣିଂ ବୁଧ ହୃଦଂବୁଜ ରଵିଂ ପର ଚିଦଂବର ନଟଂ ହୃଦି ଭଜ ॥ 1 ॥

ହରଂ ତ୍ରିପୁର ଭଂଜନ-ମନଂତକୃତକଂକଣ-ମଖଂଡଦୟ-ମଂତରହିତଂ
ଵିରିଂଚିସୁରସଂହତିପୁରଂଧର ଵିଚିଂତିତପଦଂ ତରୁଣଚଂଦ୍ରମକୁଟମ୍ ।
ପରଂ ପଦ ଵିଖଂଡିତୟମଂ ଭସିତ ମଂଡିତତନୁଂ ମଦନଵଂଚନ ପରଂ
ଚିରଂତନମମୁଂ ପ୍ରଣଵସଂଚିତନିଧିଂ ପର ଚିଦଂବର ନଟଂ ହୃଦି ଭଜ ॥ 2 ॥

ଅଵଂତମଖିଲଂ ଜଗଦଭଂଗ ଗୁଣତୁଂଗମମତଂ ଧୃତଵିଧୁଂ ସୁରସରିତ୍-
ତରଂଗ ନିକୁରୁଂବ ଧୃତି ଲଂପଟ ଜଟଂ ଶମନଦଂଭସୁହରଂ ଭଵହରମ୍ ।
ଶିଵଂ ଦଶଦିଗଂତର ଵିଜୃଂଭିତକରଂ କରଲସନ୍ମୃଗଶିଶୁଂ ପଶୁପତିଂ
ହରଂ ଶଶିଧନଂଜୟପତଂଗନୟନଂ ପର ଚିଦଂବର ନଟଂ ହୃଦି ଭଜ ॥ 3 ॥

ଅନଂତନଵରତ୍ନଵିଲସତ୍କଟକକିଂକିଣିଝଲଂ ଝଲଝଲଂ ଝଲରଵଂ
ମୁକୁଂଦଵିଧି ହସ୍ତଗତମଦ୍ଦଲ ଲୟଧ୍ଵନିଧିମିଦ୍ଧିମିତ ନର୍ତନ ପଦମ୍ ।
ଶକୁଂତରଥ ବର୍ହିରଥ ନଂଦିମୁଖ ଭୃଂଗିରିଟିସଂଘନିକଟଂ ଭୟହରମ୍
ସନଂଦ ସନକ ପ୍ରମୁଖ ଵଂଦିତ ପଦଂ ପର ଚିଦଂବର ନଟଂ ହୃଦି ଭଜ ॥ 4 ॥

ଅନଂତମହସଂ ତ୍ରିଦଶଵଂଦ୍ୟ ଚରଣଂ ମୁନି ହୃଦଂତର ଵସଂତମମଲମ୍
କବଂଧ ଵିୟଦିଂଦ୍ଵଵନି ଗଂଧଵହ ଵହ୍ନିମଖ ବଂଧୁରଵିମଂଜୁ ଵପୁଷମ୍ ।
ଅନଂତଵିଭଵଂ ତ୍ରିଜଗଦଂତର ମଣିଂ ତ୍ରିନୟନଂ ତ୍ରିପୁର ଖଂଡନ ପରମ୍
ସନଂଦ ମୁନି ଵଂଦିତ ପଦଂ ସକରୁଣଂ ପର ଚିଦଂବର ନଟଂ ହୃଦି ଭଜ ॥ 5 ॥

ଅଚିଂତ୍ୟମଲିଵୃଂଦ ରୁଚି ବଂଧୁରଗଲଂ କୁରିତ କୁଂଦ ନିକୁରୁଂବ ଧଵଲମ୍
ମୁକୁଂଦ ସୁର ଵୃଂଦ ବଲ ହଂତୃ କୃତ ଵଂଦନ ଲସଂତମହିକୁଂଡଲ ଧରମ୍ ।
ଅକଂପମନୁକଂପିତ ରତିଂ ସୁଜନ ମଂଗଲନିଧିଂ ଗଜହରଂ ପଶୁପତିମ୍
ଧନଂଜୟ ନୁତଂ ପ୍ରଣତ ରଂଜନପରଂ ପର ଚିଦଂବର ନଟଂ ହୃଦି ଭଜ ॥ 6 ॥

ପରଂ ସୁରଵରଂ ପୁରହରଂ ପଶୁପତିଂ ଜନିତ ଦଂତିମୁଖ ଷଣ୍ମୁଖମମୁଂ
ମୃଡଂ କନକ ପିଂଗଲ ଜଟଂ ସନକ ପଂକଜ ରଵିଂ ସୁମନସଂ ହିମରୁଚିମ୍ ।
ଅସଂଘମନସଂ ଜଲଧି ଜନ୍ମଗରଲଂ କଵଲୟଂତ ମତୁଲଂ ଗୁଣନିଧିମ୍
ସନଂଦ ଵରଦଂ ଶମିତମିଂଦୁ ଵଦନଂ ପର ଚିଦଂବର ନଟଂ ହୃଦି ଭଜ ॥ 7 ॥

ଅଜଂ କ୍ଷିତିରଥଂ ଭୁଜଗପୁଂଗଵଗୁଣଂ କନକ ଶୃଂଗି ଧନୁଷଂ କରଲସତ୍
କୁରଂଗ ପୃଥୁ ଟଂକ ପରଶୁଂ ରୁଚିର କୁଂକୁମ ରୁଚିଂ ଡମରୁକଂ ଚ ଦଧତମ୍ ।
ମୁକୁଂଦ ଵିଶିଖଂ ନମଦଵଂଧ୍ୟ ଫଲଦଂ ନିଗମ ଵୃଂଦ ତୁରଗଂ ନିରୁପମଂ
ସ ଚଂଡିକମମୁଂ ଝଟିତି ସଂହୃତପୁରଂ ପର ଚିଦଂବର ନଟଂ ହୃଦି ଭଜ ॥ 8 ॥

ଅନଂଗପରିପଂଥିନମଜଂ କ୍ଷିତି ଧୁରଂଧରମଲଂ କରୁଣୟଂତମଖିଲଂ
ଜ୍ଵଲଂତମନଲଂ ଦଧତମଂତକରିପୁଂ ସତତମିଂଦ୍ର ସୁରଵଂଦିତପଦମ୍ ।
ଉଦଂଚଦରଵିଂଦକୁଲ ବଂଧୁଶତ ବିଂବରୁଚି ସଂହତି ସୁଗଂଧି ଵପୁଷଂ
ପତଂଜଲି ନୁତଂ ପ୍ରଣଵ ପଂଜର ଶୁକଂ ପର ଚିଦଂବର ନଟଂ ହୃଦି ଭଜ ॥ 9 ॥

ଇତି ସ୍ତଵମମୁଂ ଭୁଜଗପୁଂଗଵ କୃତଂ ପ୍ରତିଦିନଂ ପଠତି ୟଃ କୃତମୁଖଃ
ସଦଃ ପ୍ରଭୁପଦ ଦ୍ଵିତୟଦର୍ଶନପଦଂ ସୁଲଲିତଂ ଚରଣ ଶୃଂଗ ରହିତମ୍ ।
ସରଃ ପ୍ରଭଵ ସଂଭଵ ହରିତ୍ପତି ହରିପ୍ରମୁଖ ଦିଵ୍ୟନୁତ ଶଂକରପଦଂ
ସ ଗଚ୍ଛତି ପରଂ ନ ତୁ ଜନୁର୍ଜଲନିଧିଂ ପରମଦୁଃଖଜନକଂ ଦୁରିତଦମ୍ ॥ 10 ॥

ଇତି ଶ୍ରୀ ପତଂଜଲିମୁନି ପ୍ରଣୀତଂ ଚରଣଶୃଂଗରହିତ ନଟରାଜ ସ୍ତୋତ୍ରଂ ସଂପୂର୍ଣମ୍ ॥