ଶ୍ରୀ ଭୂ ଵରାହ ସ୍ତୋତ୍ରମ୍ | Bhu Varaha Stotram In Odia
Also Read This In:- Bengali, English, Gujarati, Hindi, Kannada, Marathi, Malayalam, Punjabi, Sanskrit, Tamil, Telugu.
ଋଷୟ ଊଚୁ ।
ଜିତଂ ଜିତଂ ତେଽଜିତ ୟଜ୍ଞଭାଵନା
ତ୍ରୟୀଂ ତନୂଂ ସ୍ଵାଂ ପରିଧୁନ୍ଵତେ ନମଃ ।
ୟଦ୍ରୋମଗର୍ତେଷୁ ନିଲିଲ୍ୟୁରଧ୍ଵରାଃ
ତସ୍ମୈ ନମଃ କାରଣସୂକରାୟ ତେ ॥ 1 ॥
ରୂପଂ ତଵୈତନ୍ନନୁ ଦୁଷ୍କୃତାତ୍ମନାଂ
ଦୁର୍ଦର୍ଶନଂ ଦେଵ ୟଦଧ୍ଵରାତ୍ମକମ୍ ।
ଛଂଦାଂସି ୟସ୍ୟ ତ୍ଵଚି ବର୍ହିରୋମ-
ସ୍ସ୍ଵାଜ୍ୟଂ ଦୃଶି ତ୍ଵଂଘ୍ରିଷୁ ଚାତୁର୍ହୋତ୍ରମ୍ ॥ 2 ॥
ସ୍ରୁକ୍ତୁଂଡ ଆସୀତ୍ସ୍ରୁଵ ଈଶ ନାସୟୋ-
ରିଡୋଦରେ ଚମସାଃ କର୍ଣରଂଧ୍ରେ ।
ପ୍ରାଶିତ୍ରମାସ୍ୟେ ଗ୍ରସନେ ଗ୍ରହାସ୍ତୁ ତେ
ୟଚ୍ଚର୍ଵଣଂତେ ଭଗଵନ୍ନଗ୍ନିହୋତ୍ରମ୍ ॥ 3 ॥
ଦୀକ୍ଷାନୁଜନ୍ମୋପସଦଃ ଶିରୋଧରଂ
ତ୍ଵଂ ପ୍ରାୟଣୀୟୋ ଦୟନୀୟ ଦଂଷ୍ଟ୍ରଃ ।
ଜିହ୍ଵା ପ୍ରଵର୍ଗ୍ୟସ୍ତଵ ଶୀର୍ଷକଂ କ୍ରତୋଃ
ସଭ୍ୟାଵସଥ୍ୟଂ ଚିତୟୋଽସଵୋ ହି ତେ ॥ 4 ॥
ସୋମସ୍ତୁ ରେତଃ ସଵନାନ୍ୟଵସ୍ଥିତିଃ
ସଂସ୍ଥାଵିଭେଦାସ୍ତଵ ଦେଵ ଧାତଵଃ ।
ସତ୍ରାଣି ସର୍ଵାଣି ଶରୀରସଂଧି-
ସ୍ତ୍ଵଂ ସର୍ଵୟଜ୍ଞକ୍ରତୁରିଷ୍ଟିବଂଧନଃ ॥ 5 ॥
ନମୋ ନମସ୍ତେଽଖିଲୟଂତ୍ରଦେଵତା
ଦ୍ରଵ୍ୟାୟ ସର୍ଵକ୍ରତଵେ କ୍ରିୟାତ୍ମନେ ।
ଵୈରାଗ୍ୟ ଭକ୍ତ୍ୟାତ୍ମଜୟାଽନୁଭାଵିତ
ଜ୍ଞାନାୟ ଵିଦ୍ୟାଗୁରଵେ ନମୋ ନମଃ ॥ 6 ॥
ଦଂଷ୍ଟ୍ରାଗ୍ରକୋଟ୍ୟା ଭଗଵଂସ୍ତ୍ଵୟା ଧୃତା
ଵିରାଜତେ ଭୂଧର ଭୂସ୍ସଭୂଧରା ।
ୟଥା ଵନାନ୍ନିସ୍ସରତୋ ଦତା ଧୃତା
ମତଂଗଜେଂଦ୍ରସ୍ୟ ସ ପତ୍ରପଦ୍ମିନୀ ॥ 7 ॥
ତ୍ରୟୀମୟଂ ରୂପମିଦଂ ଚ ସୌକରଂ
ଭୂମଂଡଲେ ନାଥ ତଦା ଧୃତେନ ତେ ।
ଚକାସ୍ତି ଶୃଂଗୋଢଘନେନ ଭୂୟସା
କୁଲାଚଲେଂଦ୍ରସ୍ୟ ୟଥୈଵ ଵିଭ୍ରମଃ ॥ 8 ॥
ସଂସ୍ଥାପୟୈନାଂ ଜଗତାଂ ସତସ୍ଥୁଷାଂ
ଲୋକାୟ ପତ୍ନୀମସି ମାତରଂ ପିତା ।
ଵିଧେମ ଚାସ୍ୟୈ ନମସା ସହ ତ୍ଵୟା
ୟସ୍ୟାଂ ସ୍ଵତେଜୋଽଗ୍ନିମିଵାରଣାଵଧାଃ ॥ 9 ॥
କଃ ଶ୍ରଦ୍ଧଧୀତାନ୍ୟତମସ୍ତଵ ପ୍ରଭୋ
ରସାଂ ଗତାୟା ଭୁଵ ଉଦ୍ଵିବର୍ହଣମ୍ ।
ନ ଵିସ୍ମୟୋଽସୌ ତ୍ଵୟି ଵିଶ୍ଵଵିସ୍ମୟେ
ୟୋ ମାୟୟେଦଂ ସସୃଜେଽତି ଵିସ୍ମୟମ୍ ॥ 10 ॥
ଵିଧୁନ୍ଵତା ଵେଦମୟଂ ନିଜଂ ଵପୁ-
ର୍ଜନସ୍ତପଃ ସତ୍ୟନିଵାସିନୋ ଵୟମ୍ ।
ସଟାଶିଖୋଦ୍ଧୂତ ଶିଵାଂବୁବିଂଦୁଭି-
ର୍ଵିମୃଜ୍ୟମାନା ଭୃଶମୀଶ ପାଵିତାଃ ॥ 11 ॥
ସ ଵୈ ବତ ଭ୍ରଷ୍ଟମତିସ୍ତଵୈଷ ତେ
ୟଃ କର୍ମଣାଂ ପାରମପାରକର୍ମଣଃ ।
ୟଦ୍ୟୋଗମାୟା ଗୁଣ ୟୋଗ ମୋହିତଂ
ଵିଶ୍ଵଂ ସମସ୍ତଂ ଭଗଵନ୍ ଵିଧେହି ଶମ୍ ॥ 12 ॥
ଇତି ଶ୍ରୀମଦ୍ଭାଗଵତେ ମହାପୁରାଣେ ତୃତୀୟସ୍କଂଧେ ଶ୍ରୀ ଵରାହ ପ୍ରାଦୁର୍ଭାଵୋନାମ ତ୍ରୟୋଦଶୋଧ୍ୟାୟଃ ।