ଅଚ୍ୟୁତାଷ୍ଟକମ୍ | Achyutashtakam In Odia
Also Read This In:- Bengali, English, Gujarati, Hindi, Kannada, Marathi, Malayalam, Punjabi, Sanskrit, Tamil, Telugu.
ଅଚ୍ୟୁତଂ କେଶଵଂ ରାମନାରାୟଣଂ
କୃଷ୍ଣଦାମୋଦରଂ ଵାସୁଦେଵଂ ହରିମ୍ ।
ଶ୍ରୀଧରଂ ମାଧଵଂ ଗୋପିକା ଵଲ୍ଲଭଂ
ଜାନକୀନାୟକଂ ରାମଚଂଦ୍ରଂ ଭଜେ ॥ 1 ॥
ଅଚ୍ୟୁତଂ କେଶଵଂ ସତ୍ୟଭାମାଧଵଂ
ମାଧଵଂ ଶ୍ରୀଧରଂ ରାଧିକା ରାଧିତମ୍ ।
ଇଂଦିରାମଂଦିରଂ ଚେତସା ସୁଂଦରଂ
ଦେଵକୀନଂଦନଂ ନଂଦଜଂ ସଂଦଧେ ॥ 2 ॥
ଵିଷ୍ଣଵେ ଜିଷ୍ଣଵେ ଶଂକନେ ଚକ୍ରିଣେ
ରୁକ୍ମିଣୀ ରାଗିଣେ ଜାନକୀ ଜାନୟେ ।
ଵଲ୍ଲଵୀ ଵଲ୍ଲଭାୟାର୍ଚିତା ୟାତ୍ମନେ
କଂସ ଵିଧ୍ଵଂସିନେ ଵଂଶିନେ ତେ ନମଃ ॥ 3 ॥
କୃଷ୍ଣ ଗୋଵିଂଦ ହେ ରାମ ନାରାୟଣ
ଶ୍ରୀପତେ ଵାସୁଦେଵାଜିତ ଶ୍ରୀନିଧେ ।
ଅଚ୍ୟୁତାନଂତ ହେ ମାଧଵାଧୋକ୍ଷଜ
ଦ୍ଵାରକାନାୟକ ଦ୍ରୌପଦୀରକ୍ଷକ ॥ 4 ॥
ରାକ୍ଷସ କ୍ଷୋଭିତଃ ସୀତୟା ଶୋଭିତୋ
ଦଂଡକାରଣ୍ୟଭୂ ପୁଣ୍ୟତାକାରଣଃ ।
ଲକ୍ଷ୍ମଣୋନାନ୍ଵିତୋ ଵାନରୈଃ ସେଵିତୋ
ଅଗସ୍ତ୍ୟ ସଂପୂଜିତୋ ରାଘଵଃ ପାତୁ ମାମ୍ ॥ 5 ॥
ଧେନୁକାରିଷ୍ଟକୋଽନିଷ୍ଟକୃଦ୍ଦ୍ଵେଷିଣାଂ
କେଶିହା କଂସହୃଦ୍ଵଣ୍ଶିକାଵାଦକଃ ।
ପୂତନାକୋପକଃ ସୂରଜାଖେଲନୋ
ବାଲଗୋପାଲକଃ ପାତୁ ମାଂ ସର୍ଵଦା ॥ 6 ॥
ଵିଦ୍ୟୁଦୁଦ୍ୟୋତଵତ୍ପ୍ରସ୍ଫୁରଦ୍ଵାସସଂ
ପ୍ରାଵୃଡଂଭୋଦଵତ୍ପ୍ରୋଲ୍ଲସଦ୍ଵିଗ୍ରହମ୍ ।
ଵନ୍ୟୟା ମାଲୟା ଶୋଭିତୋରଃସ୍ଥଲଂ
ଲୋହିତାଂଘ୍ରିଦ୍ଵୟଂ ଵାରିଜାକ୍ଷଂ ଭଜେ ॥ 7॥
କୁଂଚିତୈଃ କୁଂତଲୈ ଭ୍ରାଜମାନାନନଂ
ରତ୍ନମୌଳିଂ ଲସତ୍-କୁଂଡଲଂ ଗଂଡୟୋଃ ।
ହାରକେୟୂରକଂ କଂକଣ ପ୍ରୋଜ୍ଜ୍ଵଲଂ
କିଂକିଣୀ ମଂଜୁଲଂ ଶ୍ୟାମଲଂ ତଂ ଭଜେ ॥ 8 ॥
ଅଚ୍ୟୁତସ୍ୟାଷ୍ଟକଂ ୟଃ ପଠେଦିଷ୍ଟଦଂ
ପ୍ରେମତଃ ପ୍ରତ୍ୟହଂ ପୂରୁଷଃ ସସ୍ପୃହମ୍ ।
ଵୃତ୍ତତଃ ସୁଂଦରଂ କର୍ତୃ ଵିଶ୍ଵଂଭରଃ
ତସ୍ୟ ଵଶ୍ୟୋ ହରି ର୍ଜାୟତେ ସତ୍ଵରମ୍ ॥
॥ ଇତି ଶ୍ରୀଶଂକରାଚାର୍ୟଵିରଚିତମଚ୍ୟୁତାଷ୍ଟକଂ ସଂପୂର୍ଣମ୍ ॥