ശ്രീ സൂക്തമ് | Sri Suktam In Malayalam

Also Read This In:- Bengali, English, Gujarati, Hindi, Kannada, Marathi, Odia, Punjabi, Sanskrit, Tamil, Telugu.

ഓമ് ॥ ഹിര॑ണ്യവര്ണാം॒ ഹരി॑ണീം സു॒വര്ണ॑രജ॒തസ്ര॑ജാമ് ।
ചം॒ദ്രാം ഹി॒രണ്മ॑യീം-ലഁ॒ക്ഷ്മീം ജാത॑വേദോ മ॒ ആവ॑ഹ ॥

താം മ॒ ആവ॑ഹ॒ ജാത॑വേദോ ല॒ക്ഷ്മീമന॑പഗാ॒മിനീ᳚മ് ।
യസ്യാം॒ ഹിര॑ണ്യം-വിഁം॒ദേയം॒ ഗാമശ്വം॒ പുരു॑ഷാന॒ഹമ് ॥

അ॒ശ്വ॒പൂ॒ര്വാം ര॑ഥമ॒ധ്യാം ഹ॒സ്തിനാ॑ദ-പ്ര॒ബോധി॑നീമ് ।
ശ്രിയം॑ ദേ॒വീമുപ॑ഹ്വയേ॒ ശ്രീര്മാ॑ ദേ॒വീര്ജു॑ഷതാമ് ॥

കാം॒സോ᳚സ്മി॒ താം ഹിര॑ണ്യപ്രാ॒കാരാ॑മാ॒ര്ദ്രാം ജ്വലം॑തീം തൃ॒പ്താം ത॒ര്പയം॑തീമ് ।
പ॒ദ്മേ॒ സ്ഥി॒താം പ॒ദ്മവ॑ര്ണാം॒ താമി॒ഹോപ॑ഹ്വയേ॒ ശ്രിയമ് ॥

ചം॒ദ്രാം പ്ര॑ഭാ॒സാം-യഁ॒ശസാ॒ ജ്വലം॑തീം॒ ശ്രിയം॑-ലോഁ॒കേ ദേ॒വജു॑ഷ്ടാമുദാ॒രാമ് ।
താം പ॒ദ്മിനീ॑മീം॒ ശര॑ണമ॒ഹം പ്രപ॑ദ്യേഽല॒ക്ഷ്മീര്മേ॑ നശ്യതാം॒ ത്വാം-വൃഁ ॑ണേ ॥

ആ॒ദി॒ത്യവ॑ര്ണേ॒ തപ॒സോഽധി॑ജാ॒തോ വന॒സ്പതി॒സ്തവ॑ വൃ॒ക്ഷോഽഥ॑ ബി॒ല്വഃ ।
തസ്യ॒ ഫലാ॑നി॒ തപ॒സാനു॑ദംതു മാ॒യാംത॑രാ॒യാശ്ച॑ ബാ॒ഹ്യാ അ॑ല॒ക്ഷ്മീഃ ॥

ഉപൈ॑തു॒ മാം ദേ॑വസ॒ഖഃ കീ॒ര്തിശ്ച॒ മണി॑നാ സ॒ഹ ।
പ്രാ॒ദു॒ര്ഭൂ॒തോഽസ്മി॑ രാഷ്ട്രേ॒ഽസ്മിന് കീ॒ര്തി॒മൃ॑ദ്ധിം ദ॒ദാതു॑ മേ ॥

ക്ഷു॒ത്പി॒പാ॒സാമ॑ലാം ജ്യേ॒ഷ്ഠാമ॒ല॒ക്ഷീം നാ॑ശയാ॒മ്യഹമ് ।
അഭൂ॑തി॒മസ॑മൃദ്ധിം॒ ച സ॒ര്വാം॒ നിര്ണു॑ദ മേ॒ ഗൃഹാത് ॥

ഗം॒ധ॒ദ്വാ॒രാം ദു॑രാധ॒ര്​ഷാം॒ നി॒ത്യപു॑ഷ്ടാം കരീ॒ഷിണീ᳚മ് ।
ഈ॒ശ്വരീഗ്​മ്॑ സര്വ॑ഭൂതാ॒നാം॒ താമി॒ഹോപ॑ഹ്വയേ॒ ശ്രിയമ് ॥

ശ്രീ᳚ര്മേ ഭ॒ജതു । അല॒ക്ഷീ᳚ര്മേ ന॒ശ്യതു ।

മന॑സഃ॒ കാമ॒മാകൂ॑തിം-വാഁ॒ചഃ സ॒ത്യമ॑ശീമഹി ।
പ॒ശൂ॒നാഗ്​മ് രൂ॒പമന്യ॑സ്യ॒ മയി॒ ശ്രീഃ ശ്ര॑യതാം॒-യഁശഃ॑ ॥

ക॒ര്ദമേ॑ന പ്ര॑ജാഭൂ॒താ॒ മ॒യി॒ സംഭ॑വ ക॒ര്ദമ ।
ശ്രിയം॑-വാഁ॒സയ॑ മേ കു॒ലേ॒ മാ॒തരം॑ പദ്മ॒മാലി॑നീമ് ॥

ആപഃ॑ സൃ॒ജംതു॑ സ്നി॒ഗ്ധാ॒നി॒ ചി॒ക്ലീ॒ത വ॑സ മേ॒ ഗൃഹേ ।
നി ച॑ ദേ॒വീം മാ॒തരം॒ ശ്രിയം॑-വാഁ॒സയ॑ മേ കു॒ലേ ॥

ആ॒ര്ദ്രാം പു॒ഷ്കരി॑ണീം പു॒ഷ്ടിം॒ പിം॒ഗ॒ലാം പ॑ദ്മമാ॒ലിനീമ് ।
ചം॒ദ്രാം ഹി॒രണ്മ॑യീം-ലഁ॒ക്ഷ്മീം ജാത॑വേദോ മ॒ ആവ॑ഹ ॥

ആ॒ര്ദ്രാം-യഁഃ॒ കരി॑ണീം-യഁ॒ഷ്ടിം॒ സു॒വ॒ര്ണാം ഹേ॑മമാ॒ലിനീമ് ।
സൂ॒ര്യാം ഹി॒രണ്മ॑യീം-ലഁ॒ക്ഷ്മീം॒ ജാത॑വേദോ മ॒ ആവ॑ഹ ॥

താം മ॒ ആവ॑ഹ॒ ജാത॑വേദോ ല॒ക്ഷീമന॑പഗാ॒മിനീ᳚മ് ।
യസ്യാം॒ ഹിര॑ണ്യം॒ പ്രഭൂ॑തം॒ ഗാവോ॑ ദാ॒സ്യോഽശ്വാ᳚ന്, വിം॒ദേയം॒ പുരു॑ഷാന॒ഹമ് ॥

യശ്ശുചിഃ॑ പ്രയതോ ഭൂ॒ത്വാ॒ ജു॒ഹുയാ॑-ദാജ്യ॒-മന്വ॑ഹമ് ।
ശ്രിയഃ॑ പം॒ചദ॑ശര്ചം ച ശ്രീ॒കാമ॑സ്സത॒തം॒ ജ॑പേത് ॥

ആനംദഃ കര്ദ॑മശ്ചൈ॒വ ചിക്ലീ॒ത ഇ॑തി വി॒ശ്രുതാഃ ।
ഋഷ॑യ॒സ്തേ ത്ര॑യഃ പുത്രാഃ സ്വ॒യം॒ ശ്രീരേ॑വ ദേ॒വതാ ॥

പദ്മാനനേ പ॑ദ്മ ഊ॒രൂ॒ പ॒ദ്മാക്ഷീ പ॑ദ്മസം॒ഭവേ ।
ത്വം മാം᳚ ഭ॒ജസ്വ॑ പദ്മാ॒ക്ഷീ യേ॒ന സൌഖ്യം॑-ലഁഭാ॒മ്യഹമ് ॥

അ॒ശ്വദാ॑യീ ച ഗോദാ॒യീ॒ ധ॒നദാ॑യീ മ॒ഹാധ॑നേ ।
ധനം॑ മേ॒ ജുഷ॑താം ദേ॒വീം സ॒ര്വകാ॑മാര്ഥ॒ സിദ്ധ॑യേ ॥

പുത്രപൌത്ര ധനം ധാന്യം ഹസ്ത്യശ്വാജാവിഗോ രഥമ് ।
പ്രജാനാം ഭവസി മാതാ ആയുഷ്മംതം കരോതു മാമ് ॥

ചംദ്രാഭാം-ലഁക്ഷ്മീമീശാനാം സൂര്യാഭാം᳚ ശ്രിയമീശ്വരീമ് ।
ചംദ്ര സൂര്യാഗ്നി സര്വാഭാം ശ്രീ മഹാലക്ഷ്മീ-മുപാസ്മഹേ ॥

ധന-മഗ്നി-ര്ധനം-വാഁയു-ര്ധനം സൂര്യോ॑ ധനം-വഁസുഃ ।
ധനമിംദ്രോ ബൃഹസ്പതി-ര്വരു॑ണം ധനമ॑ശ്നുതേ ॥

വൈനതേയ സോമം പിബ സോമം॑ പിബതു വൃത്രഹാ ।
സോമം॒ ധനസ്യ സോമിനോ॒ മഹ്യം॑ ദദാതു സോമിനീ॑ ॥

ന ക്രോധോ ന ച മാത്സ॒ര്യം ന ലോഭോ॑ നാശുഭാ മതിഃ ।
ഭവംതി കൃത പുണ്യാനാം ഭ॒ക്താനാം ശ്രീ സൂ᳚ക്തം ജപേത്സദാ ॥

വര്​ഷം᳚തു॒ തേ വി॑ഭാവ॒രി॒ ദി॒വോ അഭ്രസ്യ വിദ്യു॑തഃ ।
രോഹം᳚തു സര്വ॑ബീജാന്യവ ബ്രഹ്മ ദ്വി॒ഷോ᳚ ജ॑ഹി ॥

പദ്മപ്രിയേ പദ്മിനി പദ്മഹസ്തേ പദ്മാലയേ പദ്മ-ദലായതാക്ഷീ ।
വിശ്വപ്രിയേ വിഷ്ണു മനോനുകൂലേ ത്വത്പാദപദ്മം മയി സന്നിധത്സ്വ ॥

യാ സാ പദ്മാസനസ്ഥാ വിപുലകടിതടീ പദ്മപത്രായതാക്ഷീ ।
ഗംഭീരാ വര്തനാഭിഃ സ്തനഭരനമിതാ ശുഭ്ര വസ്തോത്തരീയാ ॥

ലക്ഷ്മീ-ര്ദിവ്യൈ-ര്ഗജേംദ്രൈ-ര്മണിഗണ ഖചിതൈ-സ്സ്നാപിതാ ഹേമകുംഭൈഃ ।
നിത്യം സാ പദ്മഹസ്താ മമ വസതു ഗൃഹേ സര്വ മാംഗല്യയുക്താ ॥

ലക്ഷ്മീം ക്ഷീര സമുദ്ര രാജതനയാം ശ്രീരംഗ ധാമേശ്വരീമ് ।
ദാസീഭൂത സമസ്ത ദേവ വനിതാം-ലോഁകൈക ദീപാംകുരാമ് ।
ശ്രീമന്മംദ കടാക്ഷ ലബ്ധ വിഭവ ബ്രഹ്മേംദ്ര ഗംഗാധരാമ് ।
ത്വാം ത്രൈലോക്യ കുടുംബിനീം സരസിജാം-വംഁദേ മുകുംദപ്രിയാമ് ॥

സിദ്ധലക്ഷ്മീ-ര്മോക്ഷലക്ഷ്മീ-ര്ജയലക്ഷ്മീ-സ്സരസ്വതീ ।
ശ്രീലക്ഷ്മീ-ര്വരലക്ഷ്മീശ്ച പ്രസന്നാ മമ സര്വദാ ॥

വരാംകുശൌ പാശമഭീതി മുദ്രാമ് ।
കരൈര്വഹംതീം കമലാസനസ്ഥാമ് ।
ബാലര്കകോടി പ്രതിഭാം ത്രിനേത്രാമ് ।
ഭജേഽഹമംബാം ജഗദീശ്വരീം താമ് ॥

സര്വമംഗല മാംഗല്യേ ശിവേ സര്വാര്ഥ സാധികേ ।
ശരണ്യേ ത്യ്രംബകേ ദേവീ നാരായണി നമോസ്തുതേ ॥

ഓം മ॒ഹാ॒ദേ॒വ്യൈ ച॑ വി॒ദ്മഹേ॑ വിഷ്ണുപ॒ത്നീ ച॑ ധീമഹി । തന്നോ॑ ലക്ഷ്മീഃ പ്രചോ॒ദയാ᳚ത് ॥

ശ്രീ-ര്വര്ച॑സ്വ॒-മായു॑ഷ്യ॒-മാരോ᳚ഗ്യ॒-മാവീ॑ധാ॒ത് പവ॑മാനം മഹീ॒യതേ᳚ ।
ധാ॒ന്യം ധ॒നം പ॒ശും ബ॒ഹുപു॑ത്രലാ॒ഭം ശ॒തസം᳚​വഁത്സ॒രം ദീ॒ര്ഘമായുഃ॑ ॥

ഓം ശാംതിഃ॒ ശാംതിഃ॒ ശാംതിഃ॑ ॥