ശ്രീ പാംഡുരംഗ അഷ്ടകമ് | Pandurang Ashtakam In Malayalam
Also Read This In:- Bengali, English, Gujarati, Hindi, Kannada, Marathi, Odia, Punjabi, Sanskrit, Tamil, Telugu.
മഹായോഗപീഠേ തടേ ഭീമരഥ്യാ
വരം പുംഡരീകായ ദാതും മുനീംദ്രൈഃ ।
സമാഗത്യ തിഷ്ഠംതമാനംദകംദം
പരബ്രഹ്മലിംഗം ഭജേ പാംഡുരംഗമ് ॥ 1 ॥
തടിദ്വാസസം നീലമേഘാവഭാസം
രമാമംദിരം സുംദരം ചിത്പ്രകാശമ് ।
വരം ത്വിഷ്ടകായാം സമന്യസ്തപാദം
പരബ്രഹ്മലിംഗം ഭജേ പാംഡുരംഗമ് ॥ 2 ॥
പ്രമാണം ഭവാബ്ധേരിദം മാമകാനാം
നിതംബഃ കരാഭ്യാം ധൃതോ യേന തസ്മാത് ।
വിധാതുര്വസത്യൈ ധൃതോ നാഭികോശഃ
പരബ്രഹ്മലിംഗം ഭജേ പാംഡുരംഗമ് ॥ 3 ॥
സ്ഫുരത്കൌസ്തുഭാലംകൃതം കംഠദേശേ
ശ്രിയാ ജുഷ്ടകേയൂരകം ശ്രീനിവാസമ് ।
ശിവം ശാംതമീഡ്യം വരം ലോകപാലം
പരബ്രഹ്മലിംഗം ഭജേ പാംഡുരംഗമ് ॥ 4 ॥
ശരച്ചംദ്രബിംബാനനം ചാരുഹാസം
ലസത്കുംഡലാക്രാംതഗംഡസ്ഥലാംതമ് ।
ജപാരാഗബിംബാധരം കംജനേത്രം
പരബ്രഹ്മലിംഗം ഭജേ പാംഡുരംഗമ് ॥ 5 ॥
കിരീടോജ്ജ്വലത്സര്വദിക്പ്രാംതഭാഗം
സുരൈരര്ചിതം ദിവ്യരത്നൈരനര്ഘൈഃ ।
ത്രിഭംഗാകൃതിം ബര്ഹമാല്യാവതംസം
പരബ്രഹ്മലിംഗം ഭജേ പാംഡുരംഗമ് ॥ 6 ॥
വിഭും വേണുനാദം ചരംതം ദുരംതം
സ്വയം ലീലയാ ഗോപവേഷം ദധാനമ് ।
ഗവാം ബൃംദകാനംദദം ചാരുഹാസം
പരബ്രഹ്മലിംഗം ഭജേ പാംഡുരംഗമ് ॥ 7 ॥
അജം രുക്മിണീപ്രാണസംജീവനം തം
പരം ധാമ കൈവല്യമേകം തുരീയമ് ।
പ്രസന്നം പ്രപന്നാര്തിഹം ദേവദേവം
പരബ്രഹ്മലിംഗം ഭജേ പാംഡുരംഗമ് ॥ 8 ॥
സ്തവം പാംഡുരംഗസ്യ വൈ പുണ്യദം യേ
പഠംത്യേകചിത്തേന ഭക്ത്യാ ച നിത്യമ് ।
ഭവാംഭോനിധിം തേഽപി തീര്ത്വാംതകാലേ
ഹരേരാലയം ശാശ്വതം പ്രാപ്നുവംതി ॥ 9 ॥
ഇതി ശ്രീമത്പരമഹംസ പരിവ്രാജകാചാര്യ ശ്രീമച്ഛംകരഭഗവത്പാദാചാര്യ വിരചിതം ശ്രീ പാംഡുരംഗാഷ്ടകമ് ।