ಶ್ರೀ ತುಲಜಾ ಭವಾನೀ ಸ್ತೋತ್ರಂ | Tulja Bhavani Stotram In Kannada 

Also Read This In:- English, Hindi, Marathi, Tamil, Telugu.

ನಮೋಽಸ್ತು ತೇ ಮಹಾದೇವಿ ಶಿವೇ ಕಲ್ಯಾಣಿ ಶಾಂಭವಿ |
ಪ್ರಸೀದ ವೇದವಿನುತೇ ಜಗದಂಬ ನಮೋಸ್ತುತೇ || ೧ ||

ಜಗತಾಮಾದಿಭೂತಾ ತ್ವಂ ಜಗತ್ತ್ವಂ ಜಗದಾಶ್ರಯಾ |
ಏಕಾಽಪ್ಯನೇಕರೂಪಾಸಿ ಜಗದಂಬ ನಮೋಸ್ತುತೇ || ೨ ||

ಸೃಷ್ಟಿಸ್ಥಿತಿವಿನಾಶಾನಾಂ ಹೇತುಭೂತೇ ಮುನಿಸ್ತುತೇ |
ಪ್ರಸೀದ ದೇವವಿನುತೇ ಜಗದಂಬ ನಮೋಸ್ತುತೇ || ೩ ||

ಸರ್ವೇಶ್ವರಿ ನಮಸ್ತುಭ್ಯಂ ಸರ್ವಸೌಭಾಗ್ಯದಾಯಿನಿ |
ಸರ್ವಶಕ್ತಿಯುತೇಽನಂತೇ ಜಗದಂಬ ನಮೋಸ್ತುತೇ || ೪ ||

ವಿವಿಧಾರಿಷ್ಟಶಮನಿ ತ್ರಿವಿಧೋತ್ಪಾತನಾಶಿನಿ |
ಪ್ರಸೀದ ದೇವಿ ಲಲಿತೇ ಜಗದಂಬ ನಮೋಸ್ತುತೇ || ೫ ||

ಪ್ರಸೀದ ಕರುಣಾಸಿಂಧೋ ತ್ವತ್ತಃ ಕಾರುಣಿಕಾ ಪರಾ |
ಯತೋ ನಾಸ್ತಿ ಮಹಾದೇವಿ ಜಗದಂಬ ನಮೋಸ್ತುತೇ || ೬ ||

ಶತ್ರೂನ್ ಜಹಿ ಜಯಂ ದೇಹಿ ಸರ್ವಾನ್ಕಾಮಾಂಶ್ಚ ದೇಹಿ ಮೇ |
ಭಯಂ ನಾಶಯ ರೋಗಾಂಶ್ಚ ಜಗದಂಬ ನಮೋಸ್ತುತೇ || ೭ ||

ಜಗದಂಬ ನಮೋಽಸ್ತು ತೇ ಹಿತೇ
ಜಯ ಶಂಭೋರ್ದಯಿತೇ ಮಹಾಮತೇ |
ಕುಲದೇವಿ ನಮೋಽಸ್ತು ತೇ ಸದಾ
ಹೃದಿ ಮೇ ತಿಷ್ಠ ಯತೋಽಸಿ ಸರ್ವದಾ || ೮ ||

ತುಲಜಾಪುರವಾಸಿನ್ಯಾ ದೇವ್ಯಾಃ ಸ್ತೋತ್ರಮಿದಂ ಪರಮ್ |
ಯಃ ಪಠೇತ್ಪ್ರಯತೋ ಭಕ್ತ್ಯಾ ಸರ್ವಾನ್ಕಾಮಾನ್ಸ ಆಪ್ನುಯಾತ್ || ೯ ||

ಇತಿ ಶ್ರೀಮತ್ಪರಮಹಂಸ ಪರಿವ್ರಾಜಕಾಚಾರ್ಯ ಶ್ರೀವಾಸುದೇವಾನಂದಸರಸ್ವತೀ ವಿರಚಿತಂ ಶ್ರೀ ತುಲಜಾಪುರವಾಸಿನ್ಯಾ ದೇವ್ಯಾಃ ಸ್ತೋತ್ರಂ ಸಂಪೂರ್ಣಮ್ ||