ಭೂ ಸೂಕ್ತಂ | Bhu Suktam In Kannada

Also Read This In:- Bengali, English, Gujarati, Hindi, Malayalam, Marathi, Odia, Punjabi, Sanskrit, Tamil, Telugu.

ತೈತ್ತಿರೀಯ ಸಂಹಿತಾ – 1.5.3
ತೈತ್ತಿರೀಯ ಬ್ರಾಹ್ಮಣಂ – 3.1.2

ಓಮ್ ॥ ಓಂ ಭೂಮಿ॑ರ್ಭೂ॒ಮ್ನಾ ದ್ಯೌರ್ವ॑ರಿ॒ಣಾಽಂತರಿ॑ಕ್ಷಂ ಮಹಿ॒ತ್ವಾ ।
ಉ॒ಪಸ್ಥೇ॑ ತೇ ದೇವ್ಯದಿತೇ॒ಽಗ್ನಿಮ॑ನ್ನಾ॒ದ-ಮ॒ನ್ನಾದ್ಯಾ॒ಯಾದ॑ಧೇ ॥

ಆಽಯಂಗೌಃ ಪೃಶ್ಞಿ॑ರಕ್ರಮೀ॒-ದಸ॑ನನ್ಮಾ॒ತರಂ॒ ಪುನಃ॑ ।
ಪಿ॒ತರಂ॑ ಚ ಪ್ರ॒ಯಂಥ್​ಸುವಃ॑ ॥

ತ್ರಿ॒ಗ್ಂ॒ಶದ್ಧಾಮ॒ ವಿರಾ॑ಜತಿ॒ ವಾಕ್ಪ॑ತಂ॒ಗಾಯ॑ ಶಿಶ್ರಿಯೇ ।
ಪ್ರತ್ಯ॑ಸ್ಯ ವಹ॒ದ್ಯುಭಿಃ॑ ॥

ಅ॒ಸ್ಯ ಪ್ರಾ॒ಣಾದ॑ಪಾನ॒ತ್ಯಂ॑ತಶ್ಚ॑ರತಿ ರೋಚ॒ನಾ ।
ವ್ಯ॑ಖ್ಯನ್-ಮಹಿ॒ಷಃ ಸುವಃ॑ ॥

ಯತ್ತ್ವಾ᳚ ಕ್ರು॒ದ್ಧಃ ಪ॑ರೋ॒ವಪ॑ಮ॒ನ್ಯುನಾ॒ ಯದವ॑ರ್ತ್ಯಾ ।
ಸು॒ಕಲ್ಪ॑ಮಗ್ನೇ॒ ತತ್ತವ॒ ಪುನ॒ಸ್ತ್ವೋದ್ದೀ॑ಪಯಾಮಸಿ ॥

ಯತ್ತೇ॑ ಮ॒ನ್ಯುಪ॑ರೋಪ್ತಸ್ಯ ಪೃಥಿ॒ವೀ-ಮನು॑ದಧ್ವ॒ಸೇ ।
ಆ॒ದಿ॒ತ್ಯಾ ವಿಶ್ವೇ॒ ತದ್ದೇ॒ವಾ ವಸ॑ವಶ್ಚ ಸ॒ಮಾಭ॑ರನ್ನ್ ॥

ಮೇ॒ದಿನೀ॑ ದೇ॒ವೀ ವ॒ಸುಂಧ॑ರಾ ಸ್ಯಾ॒ದ್ವಸು॑ಧಾ ದೇ॒ವೀ ವಾ॒ಸವೀ᳚ ।
ಬ್ರ॒ಹ್ಮ॒ವ॒ರ್ಚ॒ಸಃ ಪಿ॑ತೃ॒ಣಾಂ ಶ್ರೋತ್ರಂ॒ ಚಕ್ಷು॒ರ್ಮನಃ॑ ॥

ದೇ॒ವೀ ಹಿ॑ರಣ್ಯಗ॒ರ್ಭಿಣೀ॑ ದೇ॒ವೀ ಪ್ರ॑ಸೋ॒ದರೀ᳚ ।
ಸದ॑ನೇ ಸ॒ತ್ಯಾಯ॑ನೇ ಸೀದ ।

ಸ॒ಮು॒ದ್ರವ॑ತೀ ಸಾವಿ॒ತ್ರೀ ಆಹ॒ನೋ ದೇ॒ವೀ ಮ॒ಹ್ಯಂ॑ಗೀ᳚ ।
ಮ॒ಹೋ ಧರ॑ಣೀ ಮ॒ಹೋಽತ್ಯ॑ತಿಷ್ಠತ್ ॥

ಶೃಂ॒ಗೇ ಶೃಂ॑ಗೇ ಯ॒ಜ್ಞೇ ಯ॑ಜ್ಞೇ ವಿಭೀ॒ಷಣೀ᳚ ಇಂದ್ರ॑ಪತ್ನೀ ವ್ಯಾ॒ಪಿನೀ॒ ಸರ॑ಸಿಜ ಇ॒ಹ ।
ವಾ॒ಯು॒ಮತೀ॑ ಜ॒ಲಶಯ॑ನೀ ಸ್ವ॒ಯಂ ಧಾ॒ರಾಜಾ॑ ಸ॒ತ್ಯಂತೋ॒ ಪರಿ॑ಮೇದಿನೀ
ಸೋ॒ಪರಿ॑ಧತ್ತಂಗಾಯ ॥

ವಿ॒ಷ್ಣು॒ಪ॒ತ್ನೀಂ ಮ॑ಹೀಂ ದೇ॒ವೀಂ᳚ ಮಾ॒ಧ॒ವೀಂ ಮಾ॑ಧವ॒ಪ್ರಿಯಾಮ್ ।
ಲಕ್ಷ್ಮೀಂ᳚ ಪ್ರಿಯಸ॑ಖೀಂ ದೇ॒ವೀಂ॒ ನ॒ಮಾ॒ಮ್ಯಚ್ಯು॑ತವ॒ಲ್ಲಭಾಮ್ ॥

ಓಂ ಧ॒ನು॒ರ್ಧ॒ರಾಯೈ॑ ವಿ॒ದ್ಮಹೇ॑ ಸರ್ವಸಿ॒ದ್ಧ್ಯೈ ಚ॑ ಧೀಮಹಿ ।
ತನ್ನೋ॑ ಧರಾ ಪ್ರಚೋ॒ದಯಾ᳚ತ್ ।

ಶೃ॒ಣ್ವಂತಿ॑ ಶ್ರೋ॒ಣಾಮಮೃತ॑ಸ್ಯ ಗೋ॒ಪಾಂ ಪುಣ್ಯಾ॑ಮಸ್ಯಾ॒ ಉಪ॑ಶೃಣೋಮಿ॒ ವಾಚ᳚ಮ್ ।
ಮ॒ಹೀಂದೇ॒ವೀಂ-ವಿಁಷ್ಣು॑ಪತ್ನೀ ಮಜೂ॒ರ್ಯಾಂ ಪ್ರತೀ॒ಚೀ॑ಮೇನಾಗ್ಂ ಹ॒ವಿಷಾ॑ ಯಜಾಮಃ ॥

ತ್ರೇ॒ಧಾ ವಿಷ್ಣು॑ ರುರುಗಾ॒ಯೋ ವಿಚ॑ಕ್ರಮೇ ಮ॒ಹೀಂ ದಿವಂ॑ ಪೃಥಿ॒ವೀ-ಮಂ॒ತರಿ॑ಕ್ಷಮ್ ।
ತಚ್ಛ್ರೋ॒ಣೈತ್ರಿಶವ॑ ಇ॒ಚ್ಛಮಾ॑ನಾ ಪುಣ್ಯ॒ಗ್ಗ್॒ ಶ್ಲೋಕಂ॒-ಯಁಜ॑ಮಾನಾಯ ಕೃಣ್ವ॒ತೀ ॥

ಸ್ಯೋ॒ನಾಪೃ॑ಥಿವಿ॒ಭವಾ॑ನೃಕ್ಷ॒ರಾನಿ॒ವೇಶ॑ನೀ ಯಚ್ಛಾ॑ನ॒ಶ್ಶರ್ಮ॑ ಸ॒ಪ್ರಥಾಃ᳚ ॥

ಅದಿ॑ತಿರ್ದೇ॒ವಾ ಗಂ॑ಧ॒ರ್ವಾ ಮ॑ನು॒ಷ್ಯಾಃ᳚ ಪಿ॒ತರೋ ಸು॑ರಾಸ್ತೇಷಾಗ್ಂ ಸ॒ರ್ವ ಭೂ॒ತಾ॒ನಾಂ᳚ ಮಾ॒ತಾ ಮೇ॒ದಿನೀ॑ ಮಹತಾ ಮ॒ಹೀ ।
ಸಾವಿ॒ತ್ರೀ ಗಾ॑ಯ॒ತ್ರೀ ಜಗ॑ತ್ಯು॒ರ್ವೀ ಪೃ॒ಥ್ವೀ ಬ॑ಹುಲಾ॒ ವಿಶ್ವಾ॑ ಭೂ॒ತಾಕ॒ತಮಾಕಾಯಾಸಾ ಸ॒ತ್ಯೇತ್ಯ॒ಮೃತೇ॑ತಿ ವಸಿ॒ಷ್ಠಃ ॥

ಇಕ್ಷುಶಾಲಿಯವಸಸ್ಯಫಲಾಢ್ಯೇ ಪಾರಿಜಾತ ತರುಶೋಭಿತಮೂಲೇ ।
ಸ್ವರ್ಣ ರತ್ನ ಮಣಿ ಮಂಟಪ ಮಧ್ಯೇ ಚಿಂತಯೇತ್ ಸಕಲ ಲೋಕಧರಿತ್ರೀಮ್ ॥

ಶ್ಯಾಮಾಂ-ವಿಁಚಿತ್ರಾಂ ನವರತ್ನ ಭೂಷಿತಾಂ ಚತುರ್ಭುಜಾಂ ತುಂಗಪಯೋಧರಾನ್ವಿತಾಮ್ ।
ಇಂದೀವರಾಕ್ಷೀಂ ನವಶಾಲಿ ಮಂಜರೀಂ ಶುಕಂ ದಧಾನಾಂ ಶರಣಂ ಭಜಾಮಹೇ ॥

ಸಕ್ತು॑ಮಿವ॒ ತಿತ॑ಉನಾ ಪುನಂತೋ॒ ಯತ್ರ॒ ಧೀರಾ॒ ಮನ॑ಸಾ॒ ವಾಚ॒ ಮಕ್ರ॑ತ ।
ಅತ್ರಾ॒ ಸಖಾ᳚ಸ್ಸ॒ಖ್ಯಾನಿ॑ ಜಾನತೇ ಭ॒ದ್ರೈಷಾಂ᳚-ಲಁ॒ಕ್ಷ್ಮೀರ್ನಿ॑ಹಿ॒ತಾಧಿ॑ವಾ॒ಚಿ ॥

ಓಂ ಶಾಂತಿಃ॒ ಶಾಂತಿಃ॒ ಶಾಂತಿಃ॑ ॥