સૂર્ય સહસ્ર નામ સ્તોત્રમ્ | Surya Sahasranama Stotram In Gujarati

Also Read This In:- Bengali, English, Hindi, Kannada, Marathi, Malayalam, Odia, Punjabi, Sanskrit, Tamil, Telugu.

અસ્ય શ્રી સૂર્ય સહસ્રનામ સ્તોત્રસ્ય વેદવ્યાસ ઋષિઃ અનુષ્ટુપ્છંદઃ સવિતા દેવતા સર્વાભીષ્ટ સિદ્ધ્યર્થે જપે વિનિયોગઃ ।

ધ્યાનમ્ ।
ધ્યેયઃ સદા સવિતૃમંડલમધ્યવર્તી
નારાયણઃ સરસિજાસનસન્નિવિષ્ટઃ ।
કેયૂરવાન્ મકરકુંડલવાન્ કિરીટી
હારી હિરણ્મયવપુર્ધૃતશંખચક્રઃ ॥

સ્તોત્રમ્ ।
ઓં વિશ્વવિદ્વિશ્વજિત્કર્તા વિશ્વાત્મા વિશ્વતોમુખઃ ।
વિશ્વેશ્વરો વિશ્વયોનિર્નિયતાત્મા જિતેંદ્રિયઃ ॥ 1 ॥

કાલાશ્રયઃ કાલકર્તા કાલહા કાલનાશનઃ ।
મહાયોગી મહાસિદ્ધિર્મહાત્મા સુમહાબલઃ ॥ 2 ॥

પ્રભુર્વિભુર્ભૂતનાથો ભૂતાત્મા ભુવનેશ્વરઃ ।
ભૂતભવ્યો ભાવિતાત્મા ભૂતાંતઃકરણં શિવઃ ॥ 3 ॥

શરણ્યઃ કમલાનંદો નંદનો નંદવર્ધનઃ ।
વરેણ્યો વરદો યોગી સુસંયુક્તઃ પ્રકાશકઃ ॥ 4 ॥

પ્રાપ્તયાનઃ પરપ્રાણઃ પૂતાત્મા પ્રિયતઃ પ્રિયઃ । [પ્રયતઃ]
નયઃ સહસ્રપાત્ સાધુર્દિવ્યકુંડલમંડિતઃ ॥ 5 ॥

અવ્યંગધારી ધીરાત્મા સવિતા વાયુવાહનઃ ।
સમાહિતમતિર્દાતા વિધાતા કૃતમંગલઃ ॥ 6 ॥

કપર્દી કલ્પપાદ્રુદ્રઃ સુમના ધર્મવત્સલઃ ।
સમાયુક્તો વિમુક્તાત્મા કૃતાત્મા કૃતિનાં વરઃ ॥ 7 ॥

અવિચિંત્યવપુઃ શ્રેષ્ઠો મહાયોગી મહેશ્વરઃ ।
કાંતઃ કામારિરાદિત્યો નિયતાત્મા નિરાકુલઃ ॥ 8 ॥

કામઃ કારુણિકઃ કર્તા કમલાકરબોધનઃ ।
સપ્તસપ્તિરચિંત્યાત્મા મહાકારુણિકોત્તમઃ ॥ 9 ॥

સંજીવનો જીવનાથો જયો જીવો જગત્પતિઃ ।
અયુક્તો વિશ્વનિલયઃ સંવિભાગી વૃષધ્વજઃ ॥ 10 ॥

વૃષાકપિઃ કલ્પકર્તા કલ્પાંતકરણો રવિઃ ।
એકચક્રરથો મૌની સુરથો રથિનાં વરઃ ॥ 11 ॥

સક્રોધનો રશ્મિમાલી તેજોરાશિર્વિભાવસુઃ ।
દિવ્યકૃદ્દિનકૃદ્દેવો દેવદેવો દિવસ્પતિઃ ॥ 12 ॥

દીનનાથો હરો હોતા દિવ્યબાહુર્દિવાકરઃ ।
યજ્ઞો યજ્ઞપતિઃ પૂષા સ્વર્ણરેતાઃ પરાવરઃ ॥ 13 ॥

પરાપરજ્ઞસ્તરણિરંશુમાલી મનોહરઃ ।
પ્રાજ્ઞઃ પ્રાજ્ઞપતિઃ સૂર્યઃ સવિતા વિષ્ણુરંશુમાન્ ॥ 14 ॥

સદાગતિર્ગંધવહો વિહિતો વિધિરાશુગઃ ।
પતંગઃ પતગઃ સ્થાણુર્વિહંગો વિહગો વરઃ ॥ 15 ॥

હર્યશ્વો હરિતાશ્વશ્ચ હરિદશ્વો જગત્પ્રિયઃ ।
ત્ર્યંબકઃ સર્વદમનો ભાવિતાત્મા ભિષગ્વરઃ ॥ 16 ॥

આલોકકૃલ્લોકનાથો લોકાલોકનમસ્કૃતઃ ।
કાલઃ કલ્પાંતકો વહ્નિસ્તપનઃ સંપ્રતાપનઃ ॥ 17 ॥

વિલોચનો વિરૂપાક્ષઃ સહસ્રાક્ષઃ પુરંદરઃ ।
સહસ્રરશ્મિર્મિહિરો વિવિધાંબરભૂષણઃ ॥ 18 ॥

ખગઃ પ્રતર્દનો ધન્યો હયગો વાગ્વિશારદઃ ।
શ્રીમાનશિશિરો વાગ્મી શ્રીપતિઃ શ્રીનિકેતનઃ ॥ 19 ॥

શ્રીકંઠઃ શ્રીધરઃ શ્રીમાન્ શ્રીનિવાસો વસુપ્રદઃ ।
કામચારી મહામાયો મહોગ્રોઽવિદિતામયઃ ॥ 20 ॥

તીર્થક્રિયાવાન્ સુનયો વિભક્તો ભક્તવત્સલઃ ।
કીર્તિઃ કીર્તિકરો નિત્યઃ કુંડલી કવચી રથી ॥ 21 ॥

હિરણ્યરેતાઃ સપ્તાશ્વઃ પ્રયતાત્મા પરંતપઃ ।
બુદ્ધિમાનમરશ્રેષ્ઠો રોચિષ્ણુઃ પાકશાસનઃ ॥ 22 ॥

સમુદ્રો ધનદો ધાતા માંધાતા કશ્મલાપહઃ ।
તમોઘ્નો ધ્વાંતહા વહ્નિર્હોતાઽંતઃકરણો ગુહઃ ॥ 23 ॥

પશુમાન્ પ્રયતાનંદો ભૂતેશઃ શ્રીમતાં વરઃ ।
નિત્યોઽદિતો નિત્યરથઃ સુરેશઃ સુરપૂજિતઃ ॥ 24 ॥

અજિતો વિજિતો જેતા જંગમસ્થાવરાત્મકઃ ।
જીવાનંદો નિત્યગામી વિજેતા વિજયપ્રદઃ ॥ 25 ॥

પર્જન્યોઽગ્નિઃ સ્થિતિઃ સ્થેયઃ સ્થવિરોઽથ નિરંજનઃ ।
પ્રદ્યોતનો રથારૂઢઃ સર્વલોકપ્રકાશકઃ ॥ 26 ॥

ધ્રુવો મેષી મહાવીર્યો હંસઃ સંસારતારકઃ ।
સૃષ્ટિકર્તા ક્રિયાહેતુર્માર્તંડો મરુતાં પતિઃ ॥ 27 ॥

મરુત્વાન્ દહનસ્ત્વષ્ટા ભગો ભર્ગોઽર્યમા કપિઃ ।
વરુણેશો જગન્નાથઃ કૃતકૃત્યઃ સુલોચનઃ ॥ 28 ॥

વિવસ્વાન્ ભાનુમાન્ કાર્યઃ કારણસ્તેજસાં નિધિઃ ।
અસંગગામી તિગ્માંશુર્ધર્માંશુર્દીપ્તદીધિતિઃ ॥ 29 ॥

સહસ્રદીધિતિર્બ્રધ્નઃ સહસ્રાંશુર્દિવાકરઃ ।
ગભસ્તિમાન્ દીધિતિમાન્ સ્રગ્વી મણિકુલદ્યુતિઃ ॥ 30 ॥

ભાસ્કરઃ સુરકાર્યજ્ઞઃ સર્વજ્ઞસ્તીક્ષ્ણદીધિતિઃ ।
સુરજ્યેષ્ઠઃ સુરપતિર્બહુજ્ઞો વચસાં પતિઃ ॥ 31 ॥

તેજોનિધિર્બૃહત્તેજા બૃહત્કીર્તિર્બૃહસ્પતિઃ ।
અહિમાનૂર્જિતો ધીમાનામુક્તઃ કીર્તિવર્ધનઃ ॥ 32 ॥

મહાવૈદ્યો ગણપતિર્ધનેશો ગણનાયકઃ ।
તીવ્રપ્રતાપનસ્તાપી તાપનો વિશ્વતાપનઃ ॥ 33 ॥

કાર્તસ્વરો હૃષીકેશઃ પદ્માનંદોઽતિનંદિતઃ ।
પદ્મનાભોઽમૃતાહારઃ સ્થિતિમાન્ કેતુમાન્ નભઃ ॥ 34 ॥

અનાદ્યંતોઽચ્યુતો વિશ્વો વિશ્વામિત્રો ઘૃણિર્વિરાટ્ ।
આમુક્તકવચો વાગ્મી કંચુકી વિશ્વભાવનઃ ॥ 35 ॥

અનિમિત્તગતિઃ શ્રેષ્ઠઃ શરણ્યઃ સર્વતોમુખઃ ।
વિગાહી વેણુરસહઃ સમાયુક્તઃ સમાક્રતુઃ ॥ 36 ॥

ધર્મકેતુર્ધર્મરતિઃ સંહર્તા સંયમો યમઃ ।
પ્રણતાર્તિહરો વાયુઃ સિદ્ધકાર્યો જનેશ્વરઃ ॥ 37 ॥

નભો વિગાહનઃ સત્યઃ સવિતાત્મા મનોહરઃ ।
હારી હરિર્હરો વાયુરૃતુઃ કાલાનલદ્યુતિઃ ॥ 38 ॥

સુખસેવ્યો મહાતેજા જગતામેકકારણમ્ ।
મહેંદ્રો વિષ્ટુતઃ સ્તોત્રં સ્તુતિહેતુઃ પ્રભાકરઃ ॥ 39 ॥

સહસ્રકર આયુષ્માન્ અરોષઃ સુખદઃ સુખી ।
વ્યાધિહા સુખદઃ સૌખ્યં કલ્યાણઃ કલતાં વરઃ ॥ 40 ॥

આરોગ્યકારણં સિદ્ધિરૃદ્ધિર્વૃદ્ધિર્બૃહસ્પતિઃ ।
હિરણ્યરેતા આરોગ્યં વિદ્વાન્ બ્રધ્નો બુધો મહાન્ ॥ 41 ॥

પ્રાણવાન્ ધૃતિમાન્ ઘર્મો ઘર્મકર્તા રુચિપ્રદઃ ।
સર્વપ્રિયઃ સર્વસહઃ સર્વશત્રુવિનાશનઃ ॥ 42 ॥

પ્રાંશુર્વિદ્યોતનો દ્યોતઃ સહસ્રકિરણઃ કૃતી ।
કેયૂરી ભૂષણોદ્ભાસી ભાસિતો ભાસનોઽનલઃ ॥ 43 ॥

શરણ્યાર્તિહરો હોતા ખદ્યોતઃ ખગસત્તમઃ ।
સર્વદ્યોતો ભવદ્યોતઃ સર્વદ્યુતિકરો મતઃ ॥ 44 ॥

કલ્યાણઃ કલ્યાણકરઃ કલ્યઃ કલ્યકરઃ કવિઃ ।
કલ્યાણકૃત્ કલ્યવપુઃ સર્વકલ્યાણભાજનમ્ ॥ 45 ॥

શાંતિપ્રિયઃ પ્રસન્નાત્મા પ્રશાંતઃ પ્રશમપ્રિયઃ ।
ઉદારકર્મા સુનયઃ સુવર્ચા વર્ચસોજ્જ્વલઃ ॥ 46 ॥

વર્ચસ્વી વર્ચસામીશસ્ત્રૈલોક્યેશો વશાનુગઃ ।
તેજસ્વી સુયશા વર્ષ્મી વર્ણાધ્યક્ષો બલિપ્રિયઃ ॥ 47 ॥

યશસ્વી તેજોનિલયસ્તેજસ્વી પ્રકૃતિસ્થિતઃ ।
આકાશગઃ શીઘ્રગતિરાશુગો ગતિમાન્ ખગઃ ॥ 48 ॥

ગોપતિર્ગ્રહદેવેશો ગોમાનેકઃ પ્રભંજનઃ ।
જનિતા પ્રજનો જીવો દીપઃ સર્વપ્રકાશકઃ ॥ 49 ॥

સર્વસાક્ષી યોગનિત્યો નભસ્વાનસુરાંતકઃ ।
રક્ષોઘ્નો વિઘ્નશમનઃ કિરીટી સુમનઃપ્રિયઃ ॥ 50 ॥

મરીચિમાલી સુમતિઃ કૃતાભિખ્યવિશેષકઃ ।
શિષ્ટાચારઃ શુભાચારઃ સ્વચારાચારતત્પરઃ ॥ 51 ॥

મંદારો માઠરો વેણુઃ ક્ષુધાપઃ ક્ષ્માપતિર્ગુરુઃ ।
સુવિશિષ્ટો વિશિષ્ટાત્મા વિધેયો જ્ઞાનશોભનઃ ॥ 52 ॥

મહાશ્વેતઃ પ્રિયો જ્ઞેયઃ સામગો મોક્ષદાયકઃ ।
સર્વવેદપ્રગીતાત્મા સર્વવેદલયો મહાન્ ॥ 53 ॥

વેદમૂર્તિશ્ચતુર્વેદો વેદભૃદ્વેદપારગઃ ।
ક્રિયાવાનસિતો જિષ્ણુર્વરીયાંશુર્વરપ્રદઃ ॥ 54 ॥

વ્રતચારી વ્રતધરો લોકબંધુરલંકૃતઃ ।
અલંકારાક્ષરો વેદ્યો વિદ્યાવાન્ વિદિતાશયઃ ॥ 55 ॥

આકારો ભૂષણો ભૂષ્યો ભૂષ્ણુર્ભુવનપૂજિતઃ ।
ચક્રપાણિર્ધ્વજધરઃ સુરેશો લોકવત્સલઃ ॥ 56 ॥

વાગ્મિપતિર્મહાબાહુઃ પ્રકૃતિર્વિકૃતિર્ગુણઃ ।
અંધકારાપહઃ શ્રેષ્ઠો યુગાવર્તો યુગાદિકૃત્ ॥ 57 ॥

અપ્રમેયઃ સદાયોગી નિરહંકાર ઈશ્વરઃ ।
શુભપ્રદઃ શુભઃ શાસ્તા શુભકર્મા શુભપ્રદઃ ॥ 58 ॥

સત્યવાન્ શ્રુતિમાનુચ્ચૈર્નકારો વૃદ્ધિદોઽનલઃ ।
બલભૃદ્બલદો બંધુર્મતિમાન્ બલિનાં વરઃ ॥ 59 ॥

અનંગો નાગરાજેંદ્રઃ પદ્મયોનિર્ગણેશ્વરઃ ।
સંવત્સર ઋતુર્નેતા કાલચક્રપ્રવર્તકઃ ॥ 60 ॥

પદ્મેક્ષણઃ પદ્મયોનિઃ પ્રભાવાનમરઃ પ્રભુઃ ।
સુમૂર્તિઃ સુમતિઃ સોમો ગોવિંદો જગદાદિજઃ ॥ 61 ॥

પીતવાસાઃ કૃષ્ણવાસા દિગ્વાસાસ્ત્વિંદ્રિયાતિગઃ ।
અતીંદ્રિયોઽનેકરૂપઃ સ્કંદઃ પરપુરંજયઃ ॥ 62 ॥

શક્તિમાન્ જલધૃગ્ભાસ્વાન્ મોક્ષહેતુરયોનિજઃ ।
સર્વદર્શી જિતાદર્શો દુઃસ્વપ્નાશુભનાશનઃ ॥ 63 ॥

માંગલ્યકર્તા તરણિર્વેગવાન્ કશ્મલાપહઃ ।
સ્પષ્ટાક્ષરો મહામંત્રો વિશાખો યજનપ્રિયઃ ॥ 64 ॥

વિશ્વકર્મા મહાશક્તિર્દ્યુતિરીશો વિહંગમઃ ।
વિચક્ષણો દક્ષ ઇંદ્રઃ પ્રત્યૂષઃ પ્રિયદર્શનઃ ॥ 65 ॥

અખિન્નો વેદનિલયો વેદવિદ્વિદિતાશયઃ ।
પ્રભાકરો જિતરિપુઃ સુજનોઽરુણસારથિઃ ॥ 66 ॥

કુનાશી સુરતઃ સ્કંદો મહિતોઽભિમતો ગુરુઃ ।
ગ્રહરાજો ગ્રહપતિર્ગ્રહનક્ષત્રમંડલઃ ॥ 67 ॥

ભાસ્કરઃ સતતાનંદો નંદનો નરવાહનઃ ।
મંગલોઽથ મંગલવાન્ માંગલ્યો મંગલાવહઃ ॥ 68 ॥

મંગલ્યચારુચરિતઃ શીર્ણઃ સર્વવ્રતો વ્રતી ।
ચતુર્મુખઃ પદ્મમાલી પૂતાત્મા પ્રણતાર્તિહા ॥ 69 ॥

અકિંચનઃ સતામીશો નિર્ગુણો ગુણવાંછુચિઃ ।
સંપૂર્ણઃ પુંડરીકાક્ષો વિધેયો યોગતત્પરઃ ॥ 70 ॥

સહસ્રાંશુઃ ક્રતુમતિઃ સર્વજ્ઞઃ સુમતિઃ સુવાક્ ।
સુવાહનો માલ્યદામા કૃતાહારો હરિપ્રિયઃ ॥ 71 ॥

બ્રહ્મા પ્રચેતાઃ પ્રથિતઃ પ્રયતાત્મા સ્થિરાત્મકઃ ।
શતવિંદુઃ શતમુખો ગરીયાનનલપ્રભઃ ॥ 72 ॥

ધીરો મહત્તરો વિપ્રઃ પુરાણપુરુષોત્તમઃ ।
વિદ્યારાજાધિરાજો હિ વિદ્યાવાન્ ભૂતિદઃ સ્થિતઃ ॥ 73 ॥

અનિર્દેશ્યવપુઃ શ્રીમાન્ વિપાપ્મા બહુમંગલઃ ।
સ્વઃસ્થિતઃ સુરથઃ સ્વર્ણો મોક્ષદો બલિકેતનઃ ॥ 74 ॥

નિર્દ્વંદ્વો દ્વંદ્વહા સ્વર્ગઃ સર્વગઃ સંપ્રકાશકઃ ।
દયાલુઃ સૂક્ષ્મધીઃ ક્ષાંતિઃ ક્ષેમાક્ષેમસ્થિતિપ્રિયઃ ॥ 75 ॥

ભૂધરો ભૂપતિર્વક્તા પવિત્રાત્મા ત્રિલોચનઃ ।
મહાવરાહઃ પ્રિયકૃદ્દાતા ભોક્તાઽભયપ્રદઃ ॥ 76 ॥

ચક્રવર્તી ધૃતિકરઃ સંપૂર્ણોઽથ મહેશ્વરઃ ।
ચતુર્વેદધરોઽચિંત્યો વિનિંદ્યો વિવિધાશનઃ ॥ 77 ॥

વિચિત્રરથ એકાકી સપ્તસપ્તિઃ પરાત્પરઃ ।
સર્વોદધિસ્થિતિકરઃ સ્થિતિસ્થેયઃ સ્થિતિપ્રિયઃ ॥ 78 ॥

નિષ્કલઃ પુષ્કલો વિભુર્વસુમાન્ વાસવપ્રિયઃ ।
પશુમાન્ વાસવસ્વામી વસુધામા વસુપ્રદઃ ॥ 79 ॥

બલવાન્ જ્ઞાનવાંસ્તત્ત્વમોંકારસ્ત્રિષુસંસ્થિતઃ ।
સંકલ્પયોનિર્દિનકૃદ્ભગવાન્ કારણાપહઃ ॥ 80 ॥

નીલકંઠો ધનાધ્યક્ષશ્ચતુર્વેદપ્રિયંવદઃ ।
વષટ્કારોદ્ગાતા હોતા સ્વાહાકારો હુતાહુતિઃ ॥ 81 ॥

જનાર્દનો જનાનંદો નરો નારાયણોઽંબુદઃ ।
સંદેહનાશનો વાયુર્ધન્વી સુરનમસ્કૃતઃ ॥ 82 ॥

વિગ્રહી વિમલો વિંદુર્વિશોકો વિમલદ્યુતિઃ ।
દ્યુતિમાન્ દ્યોતનો વિદ્યુદ્વિદ્યાવાન્ વિદિતો બલી ॥ 83 ॥

ઘર્મદો હિમદો હાસઃ કૃષ્ણવર્ત્મા સુતાજિતઃ ।
સાવિત્રીભાવિતો રાજા વિશ્વામિત્રો ઘૃણિર્વિરાટ્ ॥ 84 ॥

સપ્તાર્ચિઃ સપ્તતુરગઃ સપ્તલોકનમસ્કૃતઃ ।
સંપૂર્ણોઽથ જગન્નાથઃ સુમનાઃ શોભનપ્રિયઃ ॥ 85 ॥

સર્વાત્મા સર્વકૃત્ સૃષ્ટિઃ સપ્તિમાન્ સપ્તમીપ્રિયઃ ।
સુમેધા મેધિકો મેધ્યો મેધાવી મધુસૂદનઃ ॥ 86 ॥

અંગિરઃપતિઃ કાલજ્ઞો ધૂમકેતુઃ સુકેતનઃ ।
સુખી સુખપ્રદઃ સૌખ્યઃ કાંતિઃ કાંતિપ્રિયો મુનિઃ ॥ 87 ॥

સંતાપનઃ સંતપન આતપસ્તપસાં પતિઃ ।
ઉમાપતિઃ સહસ્રાંશુઃ પ્રિયકારી પ્રિયંકરઃ ॥ 88 ॥

પ્રીતિર્વિમન્યુરંભોત્થઃ ખંજનો જગતાં પતિઃ ।
જગત્પિતા પ્રીતમનાઃ સર્વઃ ખર્વો ગુહોઽચલઃ ॥ 89 ॥

સર્વગો જગદાનંદો જગન્નેતા સુરારિહા ।
શ્રેયઃ શ્રેયસ્કરો જ્યાયાન્ મહાનુત્તમ ઉદ્ભવઃ ॥ 90 ॥

ઉત્તમો મેરુમેયોઽથ ધરણો ધરણીધરઃ ।
ધરાધ્યક્ષો ધર્મરાજો ધર્માધર્મપ્રવર્તકઃ ॥ 91 ॥

રથાધ્યક્ષો રથગતિસ્તરુણસ્તનિતોઽનલઃ ।
ઉત્તરોઽનુત્તરસ્તાપી અવાક્પતિરપાં પતિઃ ॥ 92 ॥

પુણ્યસંકીર્તનઃ પુણ્યો હેતુર્લોકત્રયાશ્રયઃ ।
સ્વર્ભાનુર્વિગતાનંદો વિશિષ્ટોત્કૃષ્ટકર્મકૃત્ ॥ 93 ॥

વ્યાધિપ્રણાશનઃ ક્ષેમઃ શૂરઃ સર્વજિતાં વરઃ ।
એકરથો રથાધીશઃ પિતા શનૈશ્ચરસ્ય હિ ॥ 94 ॥

વૈવસ્વતગુરુર્મૃત્યુર્ધર્મનિત્યો મહાવ્રતઃ ।
પ્રલંબહારસંચારી પ્રદ્યોતો દ્યોતિતાનલઃ ॥ 95 ॥

સંતાપહૃત્ પરો મંત્રો મંત્રમૂર્તિર્મહાબલઃ ।
શ્રેષ્ઠાત્મા સુપ્રિયઃ શંભુર્મરુતામીશ્વરેશ્વરઃ ॥ 96 ॥

સંસારગતિવિચ્ચેત્તા સંસારાર્ણવતારકઃ ।
સપ્તજિહ્વઃ સહસ્રાર્ચી રત્નગર્ભોઽપરાજિતઃ ॥ 97 ॥

ધર્મકેતુરમેયાત્મા ધર્માધર્મવરપ્રદઃ ।
લોકસાક્ષી લોકગુરુર્લોકેશશ્ચંડવાહનઃ ॥ 98 ॥

ધર્મયૂપો યૂપવૃક્ષો ધનુષ્પાણિર્ધનુર્ધરઃ ।
પિનાકધૃઙ્મહોત્સાહો મહામાયો મહાશનઃ ॥ 99 ॥

વીરઃ શક્તિમતાં શ્રેષ્ઠઃ સર્વશસ્ત્રભૃતાં વરઃ ।
જ્ઞાનગમ્યો દુરારાધ્યો લોહિતાંગો વિવર્ધનઃ ॥ 100 ॥

ખગોઽંધો ધર્મદો નિત્યો ધર્મકૃચ્ચિત્રવિક્રમઃ ।
ભગવાનાત્મવાન્ મંત્રસ્ત્ર્યક્ષરો નીલલોહિતઃ ॥ 101 ॥

એકોઽનેકસ્ત્રયી કાલઃ સવિતા સમિતિંજયઃ ।
શારંગધન્વાઽનલો ભીમઃ સર્વપ્રહરણાયુધઃ ॥ 102 ॥

સુકર્મા પરમેષ્ઠી ચ નાકપાલી દિવિસ્થિતઃ ।
વદાન્યો વાસુકિર્વૈદ્ય આત્રેયોઽથ પરાક્રમઃ ॥ 103 ॥

દ્વાપરઃ પરમોદારઃ પરમો બ્રહ્મચર્યવાન્ ।
ઉદીચ્યવેષો મુકુટી પદ્મહસ્તો હિમાંશુભૃત્ ॥ 104 ॥

સિતઃ પ્રસન્નવદનઃ પદ્મોદરનિભાનનઃ ।
સાયં દિવા દિવ્યવપુરનિર્દેશ્યો મહાલયઃ ॥ 105 ॥

મહારથો મહાનીશઃ શેષઃ સત્ત્વરજસ્તમઃ ।
ધૃતાતપત્રપ્રતિમો વિમર્ષી નિર્ણયઃ સ્થિતઃ ॥ 106 ॥

અહિંસકઃ શુદ્ધમતિરદ્વિતીયો વિવર્ધનઃ ।
સર્વદો ધનદો મોક્ષો વિહારી બહુદાયકઃ ॥ 107 ॥

ચારુરાત્રિહરો નાથો ભગવાન્ સર્વગોઽવ્યયઃ ।
મનોહરવપુઃ શુભ્રઃ શોભનઃ સુપ્રભાવનઃ ॥ 108 ॥

સુપ્રભાવઃ સુપ્રતાપઃ સુનેત્રો દિગ્વિદિક્પતિઃ ।
રાજ્ઞીપ્રિયઃ શબ્દકરો ગ્રહેશસ્તિમિરાપહઃ ॥ 109 ॥

સૈંહિકેયરિપુર્દેવો વરદો વરનાયકઃ ।
ચતુર્ભુજો મહાયોગી યોગીશ્વરપતિસ્તથા ॥ 110 ॥

અનાદિરૂપોઽદિતિજો રત્નકાંતિઃ પ્રભામયઃ ।
જગત્પ્રદીપો વિસ્તીર્ણો મહાવિસ્તીર્ણમંડલઃ ॥ 111 ॥

એકચક્રરથઃ સ્વર્ણરથઃ સ્વર્ણશરીરધૃક્ ।
નિરાલંબો ગગનગો ધર્મકર્મપ્રભાવકૃત્ ॥ 112 ॥

ધર્માત્મા કર્મણાં સાક્ષી પ્રત્યક્ષઃ પરમેશ્વરઃ ।
મેરુસેવી સુમેધાવી મેરુરક્ષાકરો મહાન્ ॥ 113 ॥

આધારભૂતો રતિમાંસ્તથા ચ ધનધાન્યકૃત્ ।
પાપસંતાપહર્તા ચ મનોવાંછિતદાયકઃ ॥ 114 ॥

રોગહર્તા રાજ્યદાયી રમણીયગુણોઽનૃણી ।
કાલત્રયાનંતરૂપો મુનિવૃંદનમસ્કૃતઃ ॥ 115 ॥

સંધ્યારાગકરઃ સિદ્ધઃ સંધ્યાવંદનવંદિતઃ ।
સામ્રાજ્યદાનનિરતઃ સમારાધનતોષવાન્ ॥ 116 ॥

ભક્તદુઃખક્ષયકરો ભવસાગરતારકઃ ।
ભયાપહર્તા ભગવાનપ્રમેયપરાક્રમઃ ।
મનુસ્વામી મનુપતિર્માન્યો મન્વંતરાધિપઃ ॥ 117 ॥

ફલશ્રુતિઃ ।
એતત્તે સર્વમાખ્યાતં યન્માં ત્વં પરિપૃચ્છસિ ।
નામ્નાં સહસ્રં સવિતુઃ પરાશર્યો યદાહ મે ॥ 1 ॥

ધન્યં યશસ્યમાયુષ્યં દુઃખદુઃસ્વપ્નનાશનમ્ ।
બંધમોક્ષકરં ચૈવ ભાનોર્નામાનુકીર્તનાત્ ॥ 2 ॥

યસ્ત્વિદં શૃણુયાન્નિત્યં પઠેદ્વા પ્રયતો નરઃ ।
અક્ષયં સુખમન્નાદ્યં ભવેત્તસ્યોપસાધિતમ્ ॥ 3 ॥

નૃપાગ્નિતસ્કરભયં વ્યાધિતો ન ભયં ભવેત્ ।
વિજયી ચ ભવેન્નિત્યમાશ્રયં પરમાપ્નુયાત્ ॥ 4 ॥

કીર્તિમાન્ સુભગો વિદ્વાન્ સ સુખી પ્રિયદર્શનઃ ।
જીવેદ્વર્ષશતાયુશ્ચ સર્વવ્યાધિવિવર્જિતઃ ॥ 5 ॥

નામ્નાં સહસ્રમિદમંશુમતઃ પઠેદ્યઃ
પ્રાતઃ શુચિર્નિયમવાન્ સુસમૃદ્ધિયુક્તઃ ।
દૂરેણ તં પરિહરંતિ સદૈવ રોગાઃ
ભૂતાઃ સુપર્ણમિવ સર્વમહોરગેંદ્રાઃ ॥ 6 ॥

ઇતિ શ્રી ભવિષ્યપુરાણે સપ્તમકલ્પે શ્રીભગવત્સૂર્યસ્ય સહસ્રનામસ્તોત્રં સંપૂર્ણમ્ ॥