શિવાપરાધ ક્ષમાપણ સ્તોત્રમ્ | Shiv Aparadha Kshamapana Stotram In Gujarat

Also Read This In:- Bengali, English, Hindi, Kannada, Malayalam, Marathi, Odia, Punjabi, Sanskrit, Tamil, Telugu.

આદૌ કર્મપ્રસંગાત્કલયતિ કલુષં માતૃકુક્ષૌ સ્થિતં માં
વિણ્મૂત્રામેધ્યમધ્યે ક્વથયતિ નિતરાં જાઠરો જાતવેદાઃ ।
યદ્યદ્વૈ તત્ર દુઃખં વ્યથયતિ નિતરાં શક્યતે કેન વક્તું
ક્ષંતવ્યો મેઽપરાધઃ શિવ શિવ શિવ ભો શ્રીમહાદેવ શંભો ॥ 1॥

બાલ્યે દુઃખાતિરેકો મલલુલિતવપુઃ સ્તન્યપાને પિપાસા
નો શક્તશ્ચેંદ્રિયેભ્યો ભવગુણજનિતાઃ જંતવો માં તુદંતિ ।
નાનારોગાદિદુઃખાદ્રુદનપરવશઃ શંકરં ન સ્મરામિ
ક્ષંતવ્યો મેઽપરાધઃ શિવ શિવ શિવ ભો શ્રીમહાદેવ શંભો ॥ 2॥

પ્રૌઢોઽહં યૌવનસ્થો વિષયવિષધરૈઃ પંચભિર્મર્મસંધૌ
દષ્ટો નષ્ટો વિવેકઃ સુતધનયુવતિસ્વાદુસૌખ્યે નિષણ્ણઃ ।
શૈવીચિંતાવિહીનં મમ હૃદયમહો માનગર્વાધિરૂઢં
ક્ષંતવ્યો મેઽપરાધઃ શિવ શિવ શિવ ભો શ્રીમહાદેવ શંભો ॥ 3॥

વાર્ધક્યે ચેંદ્રિયાણાં વિગતગતિમતિશ્ચાધિદૈવાદિતાપૈઃ
પાપૈ રોગૈર્વિયોગૈસ્ત્વનવસિતવપુઃ પ્રૌઢહીનં ચ દીનમ્ ।
મિથ્યામોહાભિલાષૈર્ભ્રમતિ મમ મનો ધૂર્જટેર્ધ્યાનશૂન્યં
ક્ષંતવ્યો મેઽપરાધઃ શિવ શિવ શિવ ભો શ્રીમહાદેવ શંભો ॥ 4॥

સ્નાત્વા પ્રત્યૂષકાલે સ્નપનવિધિવિધૌ નાહૃતં ગાંગતોયં
પૂજાર્થં વા કદાચિદ્બહુતરગહનાત્ખંડબિલ્વીદલાનિ ।
નાનીતા પદ્મમાલા સરસિ વિકસિતા ગંધધૂપૈઃ ત્વદર્થં
ક્ષંતવ્યો મેઽપરાધઃ શિવ શિવ શિવ ભો શ્રીમહાદેવ શંભો ॥ 5॥

દુગ્ધૈર્મધ્વાજ્યયુક્તૈર્દધિસિતસહિતૈઃ સ્નાપિતં નૈવ લિંગં
નો લિપ્તં ચંદનાદ્યૈઃ કનકવિરચિતૈઃ પૂજિતં ન પ્રસૂનૈઃ ।
ધૂપૈઃ કર્પૂરદીપૈર્વિવિધરસયુતૈર્નૈવ ભક્ષ્યોપહારૈઃ
ક્ષંતવ્યો મેઽપરાધઃ શિવ શિવ શિવ ભો શ્રીમહાદેવ શંભો ॥ 6॥

નો શક્યં સ્માર્તકર્મ પ્રતિપદગહનપ્રત્યવાયાકુલાખ્યં
શ્રૌતે વાર્તા કથં મે દ્વિજકુલવિહિતે બ્રહ્મમાર્ગાનુસારે । વર્ બ્રહ્મમાર્ગે સુસારે
જ્ઞાતો ધર્મો વિચારૈઃ શ્રવણમનનયોઃ કિં નિદિધ્યાસિતવ્યં
ક્ષંતવ્યો મેઽપરાધઃ શિવ શિવ શિવ ભો શ્રીમહાદેવ શંભો ॥ 7॥

ધ્યાત્વા ચિત્તે શિવાખ્યં પ્રચુરતરધનં નૈવ દત્તં દ્વિજેભ્યો
હવ્યં તે લક્ષસંખ્યૈર્હુતવહવદને નાર્પિતં બીજમંત્રૈઃ ।
નો તપ્તં ગાંગાતીરે વ્રતજપનિયમૈઃ રુદ્રજાપ્યૈર્ન વેદૈઃ
ક્ષંતવ્યો મેઽપરાધઃ શિવ શિવ શિવ ભો શ્રીમહાદેવ શંભો ॥ 8॥

નગ્નો નિઃસંગશુદ્ધસ્ત્રિગુણવિરહિતો ધ્વસ્તમોહાંધકારો
નાસાગ્રે ન્યસ્તદૃષ્ટિર્વિદિતભવગુણો નૈવ દૃષ્ટઃ કદાચિત્ ।
ઉન્મન્યાઽવસ્થયા ત્વાં વિગતકલિમલં શંકરં ન સ્મરામિ
ક્ષંતવ્યો મેઽપરાધઃ શિવ શિવ શિવ ભો શ્રીમહાદેવ શંભો ॥ 9॥

સ્થિત્વા સ્થાને સરોજે પ્રણવમયમરુત્કુંભકે (કુંડલે) સૂક્ષ્મમાર્ગે
શાંતે સ્વાંતે પ્રલીને પ્રકટિતવિભવે જ્યોતિરૂપેઽપરાખ્યે ।
લિંગજ્ઞે બ્રહ્મવાક્યે સકલતનુગતં શંકરં ન સ્મરામિ
ક્ષંતવ્યો મેઽપરાધઃ શિવ શિવ શિવ ભો શ્રીમહાદેવ શંભો ॥ 10॥

હૃદ્યં વેદાંતવેદ્યં હૃદયસરસિજે દીપ્તમુદ્યત્પ્રકાશં
સત્યં શાંતસ્વરૂપં સકલમુનિમનઃપદ્મષંડૈકવેદ્યમ્ ।
જાગ્રત્સ્વપ્ને સુષુપ્તૌ ત્રિગુણવિરહિતં શંકરં ન સ્મરામિ
ક્ષંતવ્યો મેઽપરાધઃ શિવ શિવ શિવ ભો શ્રીમહાદેવ શંભો ॥ 11॥

ચંદ્રોદ્ભાસિતશેખરે સ્મરહરે ગંગાધરે શંકરે
સર્પૈર્ભૂષિતકંઠકર્ણવિવરે નેત્રોત્થવૈશ્વાનરે । યુગલે
દંતિત્વક્કૃતસુંદરાંબરધરે ત્રૈલોક્યસારે હરે
મોક્ષાર્થં કુરુ ચિત્તવૃત્તિમચલામન્યૈસ્તુ કિં કર્મભિઃ ॥ 12॥

કિં વાઽનેન ધનેન વાજિકરિભિઃ પ્રાપ્તેન રાજ્યેન કિં
કિં વા પુત્રકલત્રમિત્રપશુભિર્દેહેન ગેહેન કિમ્ ।
જ્ઞાત્વૈતત્ક્ષણભંગુરં સપદિ રે ત્યાજ્યં મનો દૂરતઃ
સ્વાત્માર્થં ગુરુવાક્યતો ભજ મન શ્રીપાર્વતીવલ્લભમ્ ॥ 13॥

પૌરોહિત્યં રજનિચરિતં ગ્રામણીત્વં નિયોગો
માઠાપત્યં હ્યનૃતવચનં સાક્ષિવાદઃ પરાન્નમ્ ।
બ્રહ્મદ્વેષઃ ખલજનરતિઃ પ્રાણિનાં નિર્દયત્વં
મા ભૂદેવં મમ પશુપતે જન્મજન્માંતરેષુ ॥ 14॥

આયુર્નશ્યતિ પશ્યતાં પ્રતિદિનં યાતિ ક્ષયં યૌવનં
પ્રત્યાયાંતિ ગતાઃ પુનર્ન દિવસાઃ કાલો જગદ્ભક્ષકઃ ।
લક્ષ્મીસ્તોયતરંગભંગચપલા વિદ્યુચ્ચલં જીવિતં
તસ્માત્ત્વાં શરણાગતં શરણદ ત્વં રક્ષ રક્ષાધુના ॥ 15॥ તસ્માન્માં

વંદે દેવમુમાપતિં સુરગુરું વંદે જગત્કારણં
વંદે પન્નગભૂષણં મૃગધરં વંદે પશૂનાં પતિમ્ ।
વંદે સૂર્યશશાંકવહ્નિનયનં વંદે મુકુંદપ્રિયં
વંદે ભક્તજનાશ્રયં ચ વરદં વંદે શિવં શંકરમ્ ॥16॥

ગાત્રં ભસ્મસિતં સિતં ચ હસિતં હસ્તે કપાલં સિતં વર્ સ્મિતં ચ
ખટ્વાંગં ચ સિતં સિતશ્ચ વૃષભઃ કર્ણે સિતે કુંડલે ।
ગંગા ફેનસિતા જટા પશુપતેશ્ચંદ્રઃ સિતો મૂર્ધનિ
સોઽયં સર્વસિતો દદાતુ વિભવં પાપક્ષયં સર્વદા ॥ 17॥

કરચરણકૃતં વાક્કાયજં કર્મજં વા
શ્રવણનયનજં વા માનસં વાઽપરાધમ્ ।
વિહિતમવિહિતં વા સર્વમેતત્ક્ષ્મસ્વ
શિવ શિવ કરુણાબ્ધે શ્રીમહાદેવ શંભો ॥ 18॥