Nandakumar Ashtakam In English

Also Read This In:- Bengali, Gujarati, Hindi, Kannada, Malayalam, Marathi, Odia, Punjabi, Sanskrit, Tamil, Telugu.

sundaragōpālaṃ uravanamālaṃ nayanaviśālaṃ duḥkhaharaṃ
bṛndāvanachandramānandakandaṃ paramānandaṃ dharaṇidharam ।
vallabhaghanaśyāmaṃ pūrṇakāmaṃ atyabhirāmaṃ prītikaraṃ
bhaja nandakumāraṃ sarvasukhasāraṃ tattvavichāraṃ brahmaparam ॥ 1 ॥

sundaravārijavadanaṃ nirjitamadanaṃ ānandasadanaṃ mukuṭadharaṃ
guñjākṛtihāraṃ vipinavihāraṃ paramōdāraṃ chīraharam ।
vallabhapaṭapītaṃ kṛta upavītaṃ karanavanītaṃ vibudhavaraṃ
bhaja nandakumāraṃ sarvasukhasāraṃ tattvavichāraṃ brahmaparam ॥ 2 ॥

śōbhitasukhamūlaṃ yamunākūlaṃ nipaṭa atūlaṃ sukhadataraṃ
mukhamaṇḍitarēṇuṃ chāritadhēnuṃ vāditavēṇuṃ madhurasuram ।
vallabhamativimalaṃ śubhapadakamalaṃ nakharuchi amalaṃ timiraharaṃ
bhaja nandakumāraṃ sarvasukhasāraṃ tattvavichāraṃ brahmaparam ॥ 3 ॥

śiramukuṭasudēśaṃ kuñchitakēśaṃ naṭavaravēṣaṃ kāmavaraṃ
māyākṛtamanujaṃ haladhara anujaṃ pratihatadanujaṃ bhāraharam ।
vallabhavrajapālaṃ subhagasuchālaṃ hitamanukālaṃ bhāvavaraṃ
bhaja nandakumāraṃ sarvasukhasāraṃ tattvavichāraṃ brahmaparam ॥ 4 ॥

indīvarabhāsaṃ prakaṭasarāsaṃ kusumavikāsaṃ vaṃśadharaṃ
hṛtmanmathamānaṃ rūpanidhānaṃ kṛtakalagānaṃ chittaharam ।
vallabhamṛduhāsaṃ kuñjanivāsaṃ vividhavilāsaṃ kēḻikaraṃ
bhaja nandakumāraṃ sarvasukhasāraṃ tattvavichāraṃ brahmaparam ॥ 5 ॥

atiparamapravīṇaṃ pālitadīnaṃ bhaktādhīnaṃ karmakaraṃ
mōhanamatidhīraṃ phaṇibalavīraṃ hataparavīraṃ taraḻataram ।
vallabhavrajaramaṇaṃ vārijavadanaṃ haladharaśamanaṃ śailadharaṃ
bhaja nandakumāraṃ sarvasukhasāraṃ tattvavichāraṃ brahmaparam ॥ 6 ॥

jaladharadyutiaṅgaṃ lalitatribhaṅgaṃ bahukṛtiraṅgaṃ rasikavaraṃ
gōkulaparivāraṃ madanākāraṃ kuñjavihāraṃ gūḍhataram ।
vallabhavrajachandraṃ subhagasuChandaṃ kṛta ānandaṃ bhrāntiharaṃ
bhaja nandakumāraṃ sarvasukhasāraṃ tattvavichāraṃ brahmaparam ॥ 7 ॥

vanditayugacharaṇaṃ pāvanakaraṇaṃ jagaduddharaṇaṃ vimaladharaṃ
kāḻiyaśiragamanaṃ kṛtaphaṇinamanaṃ ghātitayamanaṃ mṛdulataram ।
vallabhaduḥkhaharaṇaṃ nirmalacharaṇaṃ aśaraṇaśaraṇaṃ muktikaraṃ
bhaja nandakumāraṃ sarvasukhasāraṃ tattvavichāraṃ brahmaparam ॥ 8 ॥

iti śrīmadvallabhāchāryavirachitaṃ śrīnandakumārāṣṭakam ॥