শারদা ভুজংগ প্রযাত অষ্টকম্ | Sharada Bhujanga Prayata Ashtakam In Bengali
Also Read This In:- English, Gujarati, Hindi, Kannada, Malayalam, Marathi, Odia, Punjabi, Sanskrit, Tamil, Telugu.
সুবক্ষোজকুংভাং সুধাপূর্ণকুংভাং
প্রসাদাবলংবাং প্রপুণ্যাবলংবাম্ ।
সদাস্যেংদুবিংবাং সদানোষ্ঠবিংবাং
ভজে শারদাংবামজস্রং মদংবাম্ ॥ 1 ॥
কটাক্ষে দযার্দ্রাং করে জ্ঞানমুদ্রাং
কলাভির্বিনিদ্রাং কলাপৈঃ সুভদ্রাম্ ।
পুরস্ত্রীং বিনিদ্রাং পুরস্তুংগভদ্রাং
ভজে শারদাংবামজস্রং মদংবাম্ ॥ 2 ॥
ললামাংকফালাং লসদ্গানলোলাং
স্বভক্তৈকপালাং যশঃশ্রীকপোলাম্ ।
করে ত্বক্ষমালাং কনত্পত্রলোলাং
ভজে শারদাংবামজস্রং মদংবাম্ ॥ 3 ॥
সুসীমংতবেণীং দৃশা নির্জিতৈণীং
রমত্কীরবাণীং নমদ্বজ্রপাণীম্ ।
সুধামংথরাস্যাং মুদা চিংত্যবেণীং
ভজে শারদাংবামজস্রং মদংবাম্ ॥ 4 ॥
সুশাংতাং সুদেহাং দৃগংতে কচাংতাং
লসত্সল্লতাংগীমনংতামচিংত্যাম্ ।
স্মরেত্তাপসৈঃ সর্গপূর্বস্থিতাং তাং
ভজে শারদাংবামজস্রং মদংবাম্ ॥ 5 ॥
কুরংগে তুরংগে মৃগেংদ্রে খগেংদ্রে
মরালে মদেভে মহোক্ষেঽধিরূঢাম্ ।
মহত্যাং নবম্যাং সদা সামরূপাং
ভজে শারদাংবামজস্রং মদংবাম্ ॥ 6 ॥
জ্বলত্কাংতিবহ্নিং জগন্মোহনাংগীং
ভজে মানসাংভোজ সুভ্রাংতভৃংগীম্ ।
নিজস্তোত্রসংগীতনৃত্যপ্রভাংগীং
ভজে শারদাংবামজস্রং মদংবাম্ ॥ 7 ॥
ভবাংভোজনেত্রাজসংপূজ্যমানাং
লসন্মংদহাসপ্রভাবক্ত্রচিহ্নাম্ ।
চলচ্চংচলাচারুতাটংককর্ণাং
ভজে শারদাংবামজস্রং মদংবাম্ ॥ 8 ॥
ইতি শ্রী শারদা ভুজংগ প্রযাতাষ্টকম্ ।