শ্রীকাশীবিশ্বনাথস্তোত্রম্ | kashi vishwanath Stotram In Bengali

Also Read This In:- English, Gujarati, Hindi, Kannada, Malayalam, Marathi, Odia, Punjabi, Sanskrit, Tamil, Telugu.

কংঠে যস্য লসত্করালগরলং গংগাজলং মস্তকে
বামাংগে গিরিরাজরাজতনযা জাযা ভবানী সতী ।
নংদিস্কংদগণাধিরাজসহিতা শ্রীবিশ্বনাথপ্রভুঃ
কাশীমংদিরসংস্থিতোঽখিলগুরুর্দেযাত্সদা মংগলম্ ॥ 1॥

যো দেবৈরসুরৈর্মুনীংদ্রতনযৈর্গংধর্বযক্ষোরগৈ-
র্নাগৈর্ভূতলবাসিভির্দ্বিজবরৈঃ সংসেবিতঃ সিদ্ধযে ।
যা গংগোত্তরবাহিনী পরিসরে তীর্থেরসংখ্যৈর্বৃতা
সা কাশী ত্রিপুরারিরাজনগরী দেযাত্সদা মংগলম্ ॥ 2॥

তীর্থানাং প্রবরা মনোরথকরী সংসারপারাপরা-
নংদা নংদিগণেশ্বরৈরুপহিতা দেবৈরশেষৈঃ স্তুতা ।
যা শংভোর্মণিকুংডলৈককণিকা বিষ্ণোস্তপোদীর্ঘিকা
সেযং শ্রীমণিকর্ণিকা ভগবতী দেযাত্সদা মংগলম্ ॥ 3॥

এষা ধর্মপতাকিনী তটরুহাসেবাবসন্নাকিনী
পশ্যন্পাতকিনী ভগীরথতপঃসাফল্যদেবাকিনী ।
প্রেমারূঢপতাকিনী গিরিসুতা সা কেকরাস্বাকিনী
কাশ্যামুত্তরবাহিনী সুরনদী দেযাত্সদা মংগলম্ ॥ 4॥

বিঘ্নাবাসনিবাসকারণমহাগংডস্থলালংবিতঃ
সিংদূরারুণপুংজচংদ্রকিরণপ্রচ্ছাদিনাগচ্ছবিঃ ।
শ্রীবিশ্বেশ্বরবল্লভো গিরিজযা সানংদকানংদিতঃ
স্মেরাস্যস্তব ঢুংঢিরাজমুদিতো দেযাত্সদা মংগলম্ ॥। 5॥ ।
কেদারঃ কলশেশ্বরঃ পশুপতির্ধর্মেশ্বরো মধ্যমো
জ্যেষ্ঠেশো পশুপশ্চ কংদুকশিবো বিঘ্নেশ্বরো জংবুকঃ ।
চংদ্রেশো হ্যমৃতেশ্বরো ভৃগুশিবঃ শ্রীবৃদ্ধকালেশ্বরো
মধ্যেশো মণিকর্ণিকেশ্বরশিবো দেযাত্সদা মংগলম্ ॥ 6॥

গোকর্ণস্ত্বথ ভারভূতনুদনুঃ শ্রীচিত্রগুপ্তেশ্বরো
যক্ষেশস্তিলপর্ণসংগমশিবো শৈলেশ্বরঃ কশ্যপঃ ।
নাগেশোঽগ্নিশিবো নিধীশ্বরশিবোঽগস্তীশ্বরস্তারক-
জ্ঞানেশোঽপি পিতামহেশ্বরশিবো দেযাত্সদা মংগলম্ ॥ 7॥

ব্রহ্মাংডং সকলং মনোষিতরসৈ রত্নৈঃ পযোভির্হরং
খেলৈঃ পূরযতে কুটুংবনিলযান্ শংভোর্বিলাসপ্রদা ।
নানাদিব্যলতাবিভূষিতবপুঃ কাশীপুরাধীশ্বরী
শ্রীবিশ্বেশ্বরসুংদরী ভগবতী দেযাত্সদা মংগলম্ ॥ 8॥

যা দেবী মহিষাসুরপ্রমথনী যা চংডমুংডাপহা
যা শুংভাসুররক্তবীজদমনী শক্রাদিভিঃ সংস্তুতা ।
যা শূলাসিধনুঃশরাভযকরা দুর্গাদিসংদক্ষিণা-
মাশ্রিত্যাশ্রিতবিঘ্নশংসমযতু দেযাত্সদা মংগলম্ ॥ 9॥

আদ্যা শ্রীর্বিকটা ততস্তু বিরজা শ্রীমংগলা পার্বতী
বিখ্যাতা কমলা বিশালনযনা জ্যেষ্ঠা বিশিষ্টাননা ।
কামাক্ষী চ হরিপ্রিযা ভগবতী শ্রীঘংটঘংটাদিকা
মৌর্যা ষষ্টিসহস্রমাতৃসহিতা দেযাত্সদা মংগলম্ ॥ 10॥

আদৌ পংচনদং প্রযাগমপরং কেদারকুংডং কুরু-
ক্ষেত্রং মানসকং সরোঽমৃতজলং শাবস্য তীর্থং পরম্ ।
মত্স্যোদর্যথ দংডখাংডসলিলং মংদাকিনী জংবুকং
ঘংটাকর্ণসমুদ্রকূপসহিতো দেযাত্সদা মংগলম্ ॥ 11॥

রেবাকুংডজলং সরস্বতিজলং দুর্বাসকুংডং ততো
লক্ষ্মীতীর্থলবাংকুশস্য সলিলং কংদর্পকুংডং তথা ।
দুর্গাকুংডমসীজলং হনুমতঃ কুংডপ্রতাপোর্জিতঃ
প্রজ্ঞানপ্রমুখানি বঃ প্রতিদিনং দেযাত্সদা মংগলম্ ॥ 12॥

আদ্যঃ কূপবরস্তু কালদমনঃ শ্রীবৃদ্ধকূপোঽপরো
বিখ্যাতস্তু পরাশরস্তু বিদিতঃ কূপঃ সরো মানসঃ ।
জৈগীষব্যমুনেঃ শশাংকনৃপতেঃ কূপস্তু ধর্মোদ্ভবঃ
খ্যাতঃ সপ্তসমুদ্রকূপসহিতো দেযাত্সদা মংগলম্ ॥ 13॥

লক্ষ্যীনাযকবিংদুমাধবহরির্লক্ষ্মীনৃসিংহস্ততো
গোবিংদস্ত্বথ গোপিকাপ্রিযতমঃ শ্রীনারদঃ কেশবঃ ।
গংগাকেশববামনাখ্যতদনু শ্বেতো হরিঃ কেশবঃ
প্রহ্লাদাদিসমস্তকেশবগণো দেযাত্সদা মংগলম্ ॥ 14॥

লোলার্কো বিমলার্কমাযুখরবিঃ সংবর্তসংজ্ঞো রবি-
র্বিখ্যাতো দ্রুপদুঃখখোল্কমরুণঃ প্রোক্তোত্তরার্কো রবিঃ ।
গংগার্কস্ত্বথ বৃদ্ধবৃদ্ধিবিবুধা কাশীপুরীসংস্থিতাঃ
সূর্যা দ্বাদশসংজ্ঞকাঃ প্রতিদিনং দেযাত্সদা মংগলম্ ॥ 15॥

আদ্যো ঢুংঢিবিনাযকো গণপতিশ্চিংতামণিঃ সিদ্ধিদঃ
সেনাবিঘ্নপতিস্তু বক্ত্রবদনঃ শ্রীপাশপাণিঃ প্রভুঃ ।
আশাপক্ষবিনাযকাপ্রষকরো মোদাদিকঃ ষড্গুণো
লোলার্কাদিবিনাযকাঃ প্রতিদিনং দেযাত্সদা মংগলম্ ॥ 16॥।

হেরংবো নলকূবরো গণপতিঃ শ্রীভীমচংডীগণো
বিখ্যাতো মণিকর্ণিকাগণপতিঃ শ্রীসিদ্ধিদো বিঘ্নপঃ ।
মুংডশ্চংডমুখশ্চ কষ্টহরণঃ শ্রীদংডহস্তো গণঃ
শ্রীদুর্গাখ্যগণাধিপঃ প্রতিদিনং দেযাত্সদা মংগলম্ ॥ 17॥

আদ্যো ভৈরবভীষণস্তদপরঃ শ্রীকালরাজঃ ক্রমা-
চ্ছ্রীসংহারকভৈরবস্ত্বথ রুরুশ্চোন্মত্তকো ভৈরবঃ ।
ক্রোধশ্চংডকপালভৈরববরঃ শ্রীভূতনাথাদযো
হ্যষ্টৌ ভৈরবমূর্তযঃ প্রতিদিনং দেযাত্সদা মংগলম্ ॥ 18॥

আধাতোঽংবিকযা সহ ত্রিনযনঃ সার্ধং গণৈর্নংদিতাং
কাশীমাশু বিশন্ হরঃ প্রথমতো বার্ষধ্বজেঽবস্থিতঃ ।
আযাতা দশ ধেনবঃ সুকপিলা দিব্যৈঃ পযোভির্হরং
খ্যাতং তদ্বৃষভধ্বজেন কপিলং দেযাত্সদা মংগলম্ ॥ 19॥

আনংদাখ্যবনং হি চংপকবনং শ্রীনৈমিষং খাংডবং
পুণ্যং চৈত্ররথং ত্বশাকবিপিনং রংভাবনং পাবনম্ ।
দুর্গারণ্যমথোঽপি কৈরববনং বৃংদাবনং পাবনং
বিখ্যাতানি বনানি বঃ প্রতিদিনং দেযাত্সদা মংগলম্ ॥ 20॥

অলিকুলদলনীলঃ কালদংষ্ট্রাকরালঃ
সজলজলদনীলো ব্যালযজ্ঞোপবীতঃ ।
অভযবরদহস্তো ডামরোদ্দামনাদঃ
সকলদুরিতভক্ষো মংগলং বো দদাতু ॥ 21॥

অর্ধাংগে বিকটা গিরীংদ্রতনযা গৌরী সতী সুংদরী
সর্বাংগে বিলসদ্বিভূতিধবলো কালো বিশালেক্ষণঃ ।
বীরেশঃ সহনংদিভৃংগিসহিতঃ শ্রীবিশ্বনাথঃ প্রভুঃ
কাশীমংদিরসংস্থিতোঽখিলগুরুর্দেযাত্সদা মংগলম্ ॥ 22॥

যঃ প্রাতঃ প্রযতঃ প্রসন্নমনসা প্রেমপ্রমোদাকুলঃ
খ্যাতং তত্র বিশিষ্টপাদভুবনেশেংদ্রাদিভির্যত্স্তুতম্ ।
প্রাতঃ প্রাঙ্মুখমাসনোত্তমগতো ব্রূযাচ্ছৃণোত্যাদরাত্
কাশীবাসমুখান্যবাপ্য সততং প্রীতে শিবে ধূর্জটি ॥ 23॥

ইতি শ্রীমচ্ছংকরাচার্যবিরচিতং কাশীবিশ্বনাথস্তোত্রম্ ॥