ଶ୍ରୀ ଵେଂକଟେଶ ମଂଗଳାଶାସନମ୍ | Venkatesha Mangalasasanam In Odia
Also Read This In:- Bengali, English, Gujarati, Hindi, Kannada, Marathi, Malayalam, Punjabi, Sanskrit, Tamil, Telugu.
ଶ୍ରିୟଃ କାଂତାୟ କଲ୍ୟାଣନିଧୟେ ନିଧୟେଽର୍ଥିନାମ୍ ।
ଶ୍ରୀଵେଂକଟ ନିଵାସାୟ ଶ୍ରୀନିଵାସାୟ ମଂଗଳମ୍ ॥ 1 ॥
ଲକ୍ଷ୍ମୀ ସଵିଭ୍ରମାଲୋକ ସୁଭ୍ରୂ ଵିଭ୍ରମ ଚକ୍ଷୁଷେ ।
ଚକ୍ଷୁଷେ ସର୍ଵଲୋକାନାଂ ଵେଂକଟେଶାୟ ମଂଗଳମ୍ ॥ 2 ॥
ଶ୍ରୀଵେଂକଟାଦ୍ରି ଶୃଂଗାଗ୍ର ମଂଗଳାଭରଣାଂଘ୍ରୟେ ।
ମଂଗଳାନାଂ ନିଵାସାୟ ଶ୍ରୀନିଵାସାୟ ମଂଗଳମ୍ ॥ 3 ॥
ସର୍ଵାଵୟଵ ସୌଂଦର୍ୟ ସଂପଦା ସର୍ଵଚେତସାମ୍ ।
ସଦା ସମ୍ମୋହନାୟାସ୍ତୁ ଵେଂକଟେଶାୟ ମଂଗଳମ୍ ॥ 4 ॥
ନିତ୍ୟାୟ ନିରଵଦ୍ୟାୟ ସତ୍ୟାନଂଦ ଚିଦାତ୍ମନେ ।
ସର୍ଵାଂତରାତ୍ମନେ ଶୀମଦ୍-ଵେଂକଟେଶାୟ ମଂଗଳମ୍ ॥ 5 ॥
ସ୍ଵତ ସ୍ସର୍ଵଵିଦେ ସର୍ଵ ଶକ୍ତୟେ ସର୍ଵଶେଷିଣେ ।
ସୁଲଭାୟ ସୁଶୀଲାୟ ଵେଂକଟେଶାୟ ମଂଗଳମ୍ ॥ 6 ॥
ପରସ୍ମୈ ବ୍ରହ୍ମଣେ ପୂର୍ଣକାମାୟ ପରମାତ୍ମନେ ।
ପ୍ରୟୁଂଜେ ପରତତ୍ତ୍ଵାୟ ଵେଂକଟେଶାୟ ମଂଗଳମ୍ ॥ 7 ॥
ଆକାଲତତ୍ତ୍ଵ ମଶ୍ରାଂତ ମାତ୍ମନା ମନୁପଶ୍ୟତାମ୍ ।
ଅତୃପ୍ତ୍ୟମୃତ ରୂପାୟ ଵେଂକଟେଶାୟ ମଂଗଳମ୍ ॥ 8 ॥
ପ୍ରାୟଃ ସ୍ଵଚରଣୌ ପୁଂସାଂ ଶରଣ୍ୟତ୍ଵେନ ପାଣିନା ।
କୃପୟାଽଽଦିଶତେ ଶ୍ରୀମଦ୍-ଵେଂକଟେଶାୟ ମଂଗଳମ୍ ॥ 9 ॥
ଦୟାଽମୃତ ତରଂଗିଣ୍ୟା ସ୍ତରଂଗୈରିଵ ଶୀତଲୈଃ ।
ଅପାଂଗୈ ସ୍ସିଂଚତେ ଵିଶ୍ଵଂ ଵେଂକଟେଶାୟ ମଂଗଳମ୍ ॥ 10 ॥
ସ୍ରଗ୍-ଭୂଷାଂବର ହେତୀନାଂ ସୁଷମାଽଽଵହମୂର୍ତୟେ ।
ସର୍ଵାର୍ତି ଶମନାୟାସ୍ତୁ ଵେଂକଟେଶାୟ ମଂଗଳମ୍ ॥ 11 ॥
ଶ୍ରୀଵୈକୁଂଠ ଵିରକ୍ତାୟ ସ୍ଵାମି ପୁଷ୍କରିଣୀତଟେ ।
ରମୟା ରମମାଣାୟ ଵେଂକଟେଶାୟ ମଂଗଳମ୍ ॥ 12 ॥
ଶ୍ରୀମତ୍-ସୁଂଦରଜା ମାତୃମୁନି ମାନସଵାସିନେ ।
ସର୍ଵଲୋକ ନିଵାସାୟ ଶ୍ରୀନିଵାସାୟ ମଂଗଳମ୍ ॥ 13 ॥
ମଂଗଳା ଶାସନପରୈର୍-ମଦାଚାର୍ୟ ପୁରୋଗମୈଃ ।
ସର୍ଵୈଶ୍ଚ ପୂର୍ଵୈରାଚାର୍ୟୈଃ ସତ୍କୃତାୟାସ୍ତୁ ମଂଗଳମ୍ ॥ 14 ॥
ଶ୍ରୀ ପଦ୍ମାଵତୀ ସମେତ ଶ୍ରୀ ଶ୍ରୀନିଵାସ ପରବ୍ରହ୍ମଣେ ନମଃ