ସୁବ୍ରହ୍ମଣ୍ୟ ଭୁଜଂଗ ସ୍ତୋତ୍ରମ୍ | Subrahmanya Bhujanga Stotram In Odia

Also Read This In:- Bengali, English, Gujarati, Hindi, Kannada, Malayalam, Marathi, Punjabi, Sanskrit, Tamil, Telugu.

ସଦା ବାଲରୂପାଽପି ଵିଘ୍ନାଦ୍ରିହଂତ୍ରୀ
ମହାଦଂତିଵକ୍ତ୍ରାଽପି ପଂଚାସ୍ୟମାନ୍ୟା ।
ଵିଧୀଂଦ୍ରାଦିମୃଗ୍ୟା ଗଣେଶାଭିଧା ମେ
ଵିଧତ୍ତାଂ ଶ୍ରିୟଂ କାଽପି କଳ୍ୟାଣମୂର୍ତିଃ ॥ 1 ॥

ନ ଜାନାମି ଶବ୍ଦଂ ନ ଜାନାମି ଚାର୍ଥଂ
ନ ଜାନାମି ପଦ୍ୟଂ ନ ଜାନାମି ଗଦ୍ୟମ୍ ।
ଚିଦେକା ଷଡାସ୍ୟା ହୃଦି ଦ୍ୟୋତତେ ମେ
ମୁଖାନ୍ନିଃସରଂତେ ଗିରଶ୍ଚାପି ଚିତ୍ରମ୍ ॥ 2 ॥

ମୟୂରାଧିରୂଢଂ ମହାଵାକ୍ୟଗୂଢଂ
ମନୋହାରିଦେହଂ ମହଚ୍ଚିତ୍ତଗେହମ୍ ।
ମହୀଦେଵଦେଵଂ ମହାଵେଦଭାଵଂ
ମହାଦେଵବାଲଂ ଭଜେ ଲୋକପାଲମ୍ ॥ 3 ॥

ୟଦା ସଂନିଧାନଂ ଗତା ମାନଵା ମେ
ଭଵାଂଭୋଧିପାରଂ ଗତାସ୍ତେ ତଦୈଵ ।
ଇତି ଵ୍ୟଂଜୟନ୍ସିଂଧୁତୀରେ ୟ ଆସ୍ତେ
ତମୀଡେ ପଵିତ୍ରଂ ପରାଶକ୍ତିପୁତ୍ରମ୍ ॥ 4 ॥

ୟଥାବ୍ଧେସ୍ତରଂଗା ଲୟଂ ୟାଂତି ତୁଂଗା-
ସ୍ତଥୈଵାପଦଃ ସଂନିଧୌ ସେଵତାଂ ମେ ।
ଇତୀଵୋର୍ମିପଂକ୍ତୀର୍ନୃଣାଂ ଦର୍ଶୟଂତଂ
ସଦା ଭାଵୟେ ହୃତ୍ସରୋଜେ ଗୁହଂ ତମ୍ ॥ 5 ॥

ଗିରୌ ମନ୍ନିଵାସେ ନରା ୟେଽଧିରୂଢା-
ସ୍ତଦା ପର୍ଵତେ ରାଜତେ ତେଽଧିରୂଢାଃ ।
ଇତୀଵ ବ୍ରୁଵନ୍ଗଂଧଶୈଲାଧିରୂଢଃ
ସ ଦେଵୋ ମୁଦେ ମେ ସଦା ଷଣ୍ମୁଖୋଽସ୍ତୁ ॥ 6 ॥

ମହାଂଭୋଧିତୀରେ ମହାପାପଚୋରେ
ମୁନୀଂଦ୍ରାନୁକୂଲେ ସୁଗଂଧାଖ୍ୟଶୈଲେ ।
ଗୁହାୟାଂ ଵସଂତଂ ସ୍ଵଭାସା ଲସଂତଂ
ଜନାର୍ତିଂ ହରଂତଂ ଶ୍ରୟାମୋ ଗୁହଂ ତମ୍ ॥ 7 ॥

ଲସତ୍ସ୍ଵର୍ଣଗେହେ ନୃଣାଂ କାମଦୋହେ
ସୁମସ୍ତୋମସଂଛନ୍ନମାଣିକ୍ୟମଂଚେ ।
ସମୁଦ୍ୟତ୍ସହସ୍ରାର୍କତୁଲ୍ୟପ୍ରକାଶଂ
ସଦା ଭାଵୟେ କାର୍ତିକେୟଂ ସୁରେଶମ୍ ॥ 8 ॥

ରଣଦ୍ଧଂସକେ ମଂଜୁଲେଽତ୍ୟଂତଶୋଣେ
ମନୋହାରିଲାଵଣ୍ୟପୀୟୂଷପୂର୍ଣେ ।
ମନଃଷଟ୍ପଦୋ ମେ ଭଵକ୍ଲେଶତପ୍ତଃ
ସଦା ମୋଦତାଂ ସ୍କଂଦ ତେ ପାଦପଦ୍ମେ ॥ 9 ॥

ସୁଵର୍ଣାଭଦିଵ୍ୟାଂବରୈର୍ଭାସମାନାଂ
କ୍ଵଣତ୍କିଂକିଣୀମେଖଲାଶୋଭମାନାମ୍ ।
ଲସଦ୍ଧେମପଟ୍ଟେନ ଵିଦ୍ୟୋତମାନାଂ
କଟିଂ ଭାଵୟେ ସ୍କଂଦ ତେ ଦୀପ୍ୟମାନାମ୍ ॥ 10 ॥

ପୁଲିଂଦେଶକନ୍ୟାଘନାଭୋଗତୁଂଗ-
ସ୍ତନାଲିଂଗନାସକ୍ତକାଶ୍ମୀରରାଗମ୍ ।
ନମସ୍ୟାମ୍ୟହଂ ତାରକାରେ ତଵୋରଃ
ସ୍ଵଭକ୍ତାଵନେ ସର୍ଵଦା ସାନୁରାଗମ୍ ॥ 11 ॥

ଵିଧୌ କ୍ଲୃପ୍ତଦଂଡାନ୍ସ୍ଵଲୀଲାଧୃତାଂଡା-
ନ୍ନିରସ୍ତେଭଶୁଂଡାଂଦ୍ଵିଷତ୍କାଲଦଂଡାନ୍ ।
ହତେଂଦ୍ରାରିଷଂଡାନ୍ଜଗତ୍ରାଣଶୌଂଡା-
ନ୍ସଦା ତେ ପ୍ରଚଂଡାନ୍ଶ୍ରୟେ ବାହୁଦଂଡାନ୍ ॥ 12 ॥

ସଦା ଶାରଦାଃ ଷଣ୍ମୃଗାଂକା ୟଦି ସ୍ୟୁଃ
ସମୁଦ୍ୟଂତ ଏଵ ସ୍ଥିତାଶ୍ଚେତ୍ସମଂତାତ୍ ।
ସଦା ପୂର୍ଣବିଂବାଃ କଳଂକୈଶ୍ଚ ହୀନା-
ସ୍ତଦା ତ୍ଵନ୍ମୁଖାନାଂ ବ୍ରୁଵେ ସ୍କଂଦ ସାମ୍ୟମ୍ ॥ 13 ॥

ସ୍ଫୁରନ୍ମଂଦହାସୈଃ ସହଂସାନି ଚଂଚ-
ତ୍କଟାକ୍ଷାଵଲୀଭୃଂଗସଂଘୋଜ୍ଜ୍ଵଲାନି ।
ସୁଧାସ୍ୟଂଦିବିଂବାଧରାଣୀଶସୂନୋ
ତଵାଲୋକୟେ ଷଣ୍ମୁଖାଂଭୋରୁହାଣି ॥ 14 ॥

ଵିଶାଲେଷୁ କର୍ଣାଂତଦୀର୍ଘେଷ୍ଵଜସ୍ରଂ
ଦୟାସ୍ୟଂଦିଷୁ ଦ୍ଵାଦଶସ୍ଵୀକ୍ଷଣେଷୁ ।
ମୟୀଷତ୍କଟାକ୍ଷଃ ସକୃତ୍ପାତିତଶ୍ଚେ-
ଦ୍ଭଵେତ୍ତେ ଦୟାଶୀଲ କା ନାମ ହାନିଃ ॥ 15 ॥

ସୁତାଂଗୋଦ୍ଭଵୋ ମେଽସି ଜୀଵେତି ଷଡ୍ଧା
ଜପନ୍ମଂତ୍ରମୀଶୋ ମୁଦା ଜିଘ୍ରତେ ୟାନ୍ ।
ଜଗଦ୍ଭାରଭୃଦ୍ଭ୍ୟୋ ଜଗନ୍ନାଥ ତେଭ୍ୟଃ
କିରୀଟୋଜ୍ଜ୍ଵଲେଭ୍ୟୋ ନମୋ ମସ୍ତକେଭ୍ୟଃ ॥ 16 ॥

ସ୍ଫୁରଦ୍ରତ୍ନକେୟୂରହାରାଭିରାମ-
ଶ୍ଚଲତ୍କୁଂଡଲଶ୍ରୀଲସଦ୍ଗଂଡଭାଗଃ ।
କଟୌ ପୀତଵାସାଃ କରେ ଚାରୁଶକ୍ତିଃ
ପୁରସ୍ତାନ୍ମମାସ୍ତାଂ ପୁରାରେସ୍ତନୂଜଃ ॥ 17 ॥

ଇହାୟାହି ଵତ୍ସେତି ହସ୍ତାନ୍ପ୍ରସାର୍ୟା-
ହ୍ଵୟତ୍ୟାଦରାଚ୍ଛଂକରେ ମାତୁରଂକାତ୍ ।
ସମୁତ୍ପତ୍ୟ ତାତଂ ଶ୍ରୟଂତଂ କୁମାରଂ
ହରାଶ୍ଲିଷ୍ଟଗାତ୍ରଂ ଭଜେ ବାଲମୂର୍ତିମ୍ ॥ 18 ॥

କୁମାରେଶସୂନୋ ଗୁହ ସ୍କଂଦ ସେନା-
ପତେ ଶକ୍ତିପାଣେ ମୟୂରାଧିରୂଢ ।
ପୁଲିଂଦାତ୍ମଜାକାଂତ ଭକ୍ତାର୍ତିହାରିନ୍
ପ୍ରଭୋ ତାରକାରେ ସଦା ରକ୍ଷ ମାଂ ତ୍ଵମ୍ ॥ 19 ॥

ପ୍ରଶାଂତେଂଦ୍ରିୟେ ନଷ୍ଟସଂଜ୍ଞେ ଵିଚେଷ୍ଟେ
କଫୋଦ୍ଗାରିଵକ୍ତ୍ରେ ଭୟୋତ୍କଂପିଗାତ୍ରେ ।
ପ୍ରୟାଣୋନ୍ମୁଖେ ମୟ୍ୟନାଥେ ତଦାନୀଂ
ଦ୍ରୁତଂ ମେ ଦୟାଲୋ ଭଵାଗ୍ରେ ଗୁହ ତ୍ଵମ୍ ॥ 20 ॥

କୃତାଂତସ୍ୟ ଦୂତେଷୁ ଚଂଡେଷୁ କୋପା-
ଦ୍ଦହଚ୍ଛିଂଦ୍ଧି ଭିଂଦ୍ଧୀତି ମାଂ ତର୍ଜୟତ୍ସୁ ।
ମୟୂରଂ ସମାରୁହ୍ୟ ମା ଭୈରିତି ତ୍ଵଂ
ପୁରଃ ଶକ୍ତିପାଣିର୍ମମାୟାହି ଶୀଘ୍ରମ୍ ॥ 21 ॥

ପ୍ରଣମ୍ୟାସକୃତ୍ପାଦୟୋସ୍ତେ ପତିତ୍ଵା
ପ୍ରସାଦ୍ୟ ପ୍ରଭୋ ପ୍ରାର୍ଥୟେଽନେକଵାରମ୍ ।
ନ ଵକ୍ତୁଂ କ୍ଷମୋଽହଂ ତଦାନୀଂ କୃପାବ୍ଧେ
ନ କାର୍ୟାଂତକାଲେ ମନାଗପ୍ୟୁପେକ୍ଷା ॥ 22 ॥

ସହସ୍ରାଂଡଭୋକ୍ତା ତ୍ଵୟା ଶୂରନାମା
ହତସ୍ତାରକଃ ସିଂହଵକ୍ତ୍ରଶ୍ଚ ଦୈତ୍ୟଃ ।
ମମାଂତର୍ହୃଦିସ୍ଥଂ ମନଃକ୍ଲେଶମେକଂ
ନ ହଂସି ପ୍ରଭୋ କିଂ କରୋମି କ୍ଵ ୟାମି ॥ 23 ॥

ଅହଂ ସର୍ଵଦା ଦୁଃଖଭାରାଵସନ୍ନୋ
ଭଵାଂଦୀନବଂଧୁସ୍ତ୍ଵଦନ୍ୟଂ ନ ୟାଚେ ।
ଭଵଦ୍ଭକ୍ତିରୋଧଂ ସଦା କ୍ଲୃପ୍ତବାଧଂ
ମମାଧିଂ ଦ୍ରୁତଂ ନାଶୟୋମାସୁତ ତ୍ଵମ୍ ॥ 24 ॥

ଅପସ୍ମାରକୁଷ୍ଟକ୍ଷୟାର୍ଶଃ ପ୍ରମେହ-
ଜ୍ଵରୋନ୍ମାଦଗୁଲ୍ମାଦିରୋଗା ମହାଂତଃ ।
ପିଶାଚାଶ୍ଚ ସର୍ଵେ ଭଵତ୍ପତ୍ରଭୂତିଂ
ଵିଲୋକ୍ୟ କ୍ଷଣାତ୍ତାରକାରେ ଦ୍ରଵଂତେ ॥ 25 ॥

ଦୃଶି ସ୍କଂଦମୂର୍ତିଃ ଶ୍ରୁତୌ ସ୍କଂଦକୀର୍ତି-
ର୍ମୁଖେ ମେ ପଵିତ୍ରଂ ସଦା ତଚ୍ଚରିତ୍ରମ୍ ।
କରେ ତସ୍ୟ କୃତ୍ୟଂ ଵପୁସ୍ତସ୍ୟ ଭୃତ୍ୟଂ
ଗୁହେ ସଂତୁ ଲୀନା ମମାଶେଷଭାଵାଃ ॥ 26 ॥

ମୁନୀନାମୁତାହୋ ନୃଣାଂ ଭକ୍ତିଭାଜା-
ମଭୀଷ୍ଟପ୍ରଦାଃ ସଂତି ସର୍ଵତ୍ର ଦେଵାଃ ।
ନୃଣାମଂତ୍ୟଜାନାମପି ସ୍ଵାର୍ଥଦାନେ
ଗୁହାଦ୍ଦେଵମନ୍ୟଂ ନ ଜାନେ ନ ଜାନେ ॥ 27 ॥

କଲତ୍ରଂ ସୁତା ବଂଧୁଵର୍ଗଃ ପଶୁର୍ଵା
ନରୋ ଵାଥ ନାରୀ ଗୃହେ ୟେ ମଦୀୟାଃ ।
ୟଜଂତୋ ନମଂତଃ ସ୍ତୁଵଂତୋ ଭଵଂତଂ
ସ୍ମରଂତଶ୍ଚ ତେ ସଂତୁ ସର୍ଵେ କୁମାର ॥ 28 ॥

ମୃଗାଃ ପକ୍ଷିଣୋ ଦଂଶକା ୟେ ଚ ଦୁଷ୍ଟା-
ସ୍ତଥା ଵ୍ୟାଧୟୋ ବାଧକା ୟେ ମଦଂଗେ ।
ଭଵଚ୍ଛକ୍ତିତୀକ୍ଷ୍ଣାଗ୍ରଭିନ୍ନାଃ ସୁଦୂରେ
ଵିନଶ୍ୟଂତୁ ତେ ଚୂର୍ଣିତକ୍ରୌଂଚଶୈଲ ॥ 29 ॥

ଜନିତ୍ରୀ ପିତା ଚ ସ୍ଵପୁତ୍ରାପରାଧଂ
ସହେତେ ନ କିଂ ଦେଵସେନାଧିନାଥ ।
ଅହଂ ଚାତିବାଲୋ ଭଵାନ୍ ଲୋକତାତଃ
କ୍ଷମସ୍ଵାପରାଧଂ ସମସ୍ତଂ ମହେଶ ॥ 30 ॥

ନମଃ କେକିନେ ଶକ୍ତୟେ ଚାପି ତୁଭ୍ୟଂ
ନମଶ୍ଛାଗ ତୁଭ୍ୟଂ ନମଃ କୁକ୍କୁଟାୟ ।
ନମଃ ସିଂଧଵେ ସିଂଧୁଦେଶାୟ ତୁଭ୍ୟଂ
ପୁନଃ ସ୍କଂଦମୂର୍ତେ ନମସ୍ତେ ନମୋଽସ୍ତୁ ॥ 31 ॥

ଜୟାନଂଦଭୂମଂ ଜୟାପାରଧାମଂ
ଜୟାମୋଘକୀର୍ତେ ଜୟାନଂଦମୂର୍ତେ ।
ଜୟାନଂଦସିଂଧୋ ଜୟାଶେଷବଂଧୋ
ଜୟ ତ୍ଵଂ ସଦା ମୁକ୍ତିଦାନେଶସୂନୋ ॥ 32 ॥

ଭୁଜଂଗାଖ୍ୟଵୃତ୍ତେନ କ୍ଲୃପ୍ତଂ ସ୍ତଵଂ ୟଃ
ପଠେଦ୍ଭକ୍ତିୟୁକ୍ତୋ ଗୁହଂ ସଂପ୍ରଣମ୍ୟ ।
ସ ପୁତ୍ରାନ୍କଲତ୍ରଂ ଧନଂ ଦୀର୍ଘମାୟୁ-
ର୍ଲଭେତ୍ସ୍କଂଦସାୟୁଜ୍ୟମଂତେ ନରଃ ସଃ ॥ 33 ॥