ଶ୍ରୀ ସାଂବ ସଦାଶିଵ ଅକ୍ଷରମାଲା ସ୍ତୋତ୍ରମ୍ | Samba Sada Shiv Aksharamala Stotram In Odia

Also Read This In:- Bengali, English, Gujarati, Hindi, Kannada, Malayalam, Marathi, Punjabi, Sanskrit, Tamil, Telugu.

ମାତୃକ ଵର୍ଣମାଲିକା ସ୍ତୋତ୍ରମ୍

ସାଂବସଦାଶିଵ ସାଂବସଦାଶିଵ ସାଂବସଦାଶିଵ ସାଂବଶିଵ ॥

ଅଦ୍ଭୁତଵିଗ୍ରହ ଅମରାଧୀଶ୍ଵର ଅଗଣିତଗୁଣଗଣ ଅମୃତଶିଵ ॥

ଆନଂଦାମୃତ ଆଶ୍ରିତରକ୍ଷକ ଆତ୍ମାନଂଦ ମହେଶ ଶିଵ ॥

ଇଂଦୁକଳାଧର ଇଂଦ୍ରାଦିପ୍ରିୟ ସୁଂଦରରୂପ ସୁରେଶ ଶିଵ ॥

ଈଶ ସୁରେଶ ମହେଶ ଜନପ୍ରିୟ କେଶଵସେଵିତପାଦ ଶିଵ ॥

ଉରଗାଦିପ୍ରିୟଭୂଷଣ ଶଂକର ନରକଵିନାଶ ନଟେଶ ଶିଵ ॥

ଊର୍ଜିତଦାନଵନାଶ ପରାତ୍ପର ଆର୍ଜିତପାପଵିନାଶ ଶିଵ ॥

ଋଗ୍ଵେଦଶ୍ରୁତିମୌଳିଵିଭୂଷଣ ରଵିଚଂଦ୍ରାଗ୍ନି ତ୍ରିନେତ୍ର ଶିଵ ॥

ୠପମନାଦି ପ୍ରପଂଚଵିଲକ୍ଷଣ ତାପନିଵାରଣ ତତ୍ତ୍ଵ ଶିଵ ॥

ଲିଂଗସ୍ଵରୂପ ସର୍ଵବୁଧପ୍ରିୟ ମଂଗଳମୂର୍ତି ମହେଶ ଶିଵ ॥

ଲୂତାଧୀଶ୍ଵର ରୂପପ୍ରିୟଶିଵ ଵେଦାଂତପ୍ରିୟଵେଦ୍ୟ ଶିଵ ॥

ଏକାନେକସ୍ଵରୂପ ଵିଶ୍ଵେଶ୍ଵର ୟୋଗିହୃଦିପ୍ରିୟଵାସ ଶିଵ ॥

ଐଶ୍ଵର୍ୟାଶ୍ରୟ ଚିନ୍ମୟ ଚିଦ୍ଘନ ଅଚ୍ୟୁତାନଂତ ମହେଶ ଶିଵ ॥

ଓଂକାରପ୍ରିୟ ଉରଗଵିଭୂଷଣ ହ୍ରୀଂକାରାଦି ମହେଶ ଶିଵ ॥

ଔରସଲାଲିତ ଅଂତକନାଶନ ଗୌରିସମେତ ଗିରୀଶ ଶିଵ ॥

ଅଂବରଵାସ ଚିଦଂବରନାୟକ ତୁଂବୁରୁନାରଦସେଵ୍ୟ ଶିଵ ॥

ଆହାରପ୍ରିୟ ଆଦିଗିରୀଶ୍ଵର ଭୋଗାଦିପ୍ରିୟ ପୂର୍ଣ ଶିଵ ॥

କମଲାକ୍ଷାର୍ଚିତ କୈଲାସପ୍ରିୟ କରୁଣାସାଗର କାଂତି ଶିଵ ॥

ଖଡ୍ଗଶୂଲମୃଗଢକ୍କାଦ୍ୟାୟୁଧ ଵିକ୍ରମରୂପ ଵିଶ୍ଵେଶ ଶିଵ ॥

ଗଂଗାଗିରିସୁତଵଲ୍ଲଭ ଗୁଣହିତ ଶଂକର ସର୍ଵଜନେଶ ଶିଵ ॥

ଘାତକଭଂଜନ ପାତକନାଶନ ଗୌରିସମେତ ଗିରୀଶ ଶିଵ ॥

ଙଙାଶ୍ରିତଶ୍ରୁତିମୌଳିଵିଭୂଷଣ ଵେଦସ୍ଵରୂପ ଵିଶ୍ଵେଶ ଶିଵ ॥

ଚଂଡଵିନାଶନ ସକଲଜନପ୍ରିୟ ମଂଡଲାଧୀଶ ମହେଶ ଶିଵ ॥

ଛତ୍ରକିରୀଟସୁକୁଂଡଲଶୋଭିତ ପୁତ୍ରପ୍ରିୟ ଭୁଵନେଶ ଶିଵ ॥

ଜନ୍ମଜରାମୃତିନାଶନ କଲ୍ମଷରହିତ ତାପଵିନାଶ ଶିଵ ॥

ଝଂକାରାଶ୍ରୟ ଭୃଂଗିରିଟିପ୍ରିୟ ଓଂକାରେଶ ମହେଶ ଶିଵ ॥

ଜ୍ଞାନାଜ୍ଞାନଵିନାଶକ ନିର୍ମଲ ଦୀନଜନପ୍ରିୟ ଦୀପ୍ତ ଶିଵ ॥

ଟଂକାଦ୍ୟାୟୁଧଧାରଣ ସତ୍ଵର ହ୍ରୀଂକାରୈଦି ସୁରେଶ ଶିଵ ॥

ଠଂକସ୍ଵରୂପା ସହକାରୋତ୍ତମ ଵାଗୀଶ୍ଵର ଵରଦେଶ ଶିଵ ॥

ଡଂବଵିନାଶନ ଡିଂଡିମଭୂଷଣ ଅଂବରଵାସ ଚିଦୀଶ ଶିଵ ॥

ଢଂଢଂଡମରୁକ ଧରଣୀନିଶ୍ଚଲ ଢୁଂଢିଵିନାୟକସେଵ୍ୟ ଶିଵ ॥

ଣଳିନଵିଲୋଚନ ନଟନମନୋହର ଅଲିକୁଲଭୂଷଣ ଅମୃତ ଶିଵ ॥

ତତ୍ତ୍ଵମସୀତ୍ୟାଦି ଵାକ୍ୟସ୍ଵରୂପକ ନିତ୍ୟାନଂଦ ମହେଶ ଶିଵ ॥

ସ୍ଥାଵର ଜଂଗମ ଭୁଵନଵିଲକ୍ଷଣ ଭାଵୁକମୁନିଵରସେଵ୍ୟ ଶିଵ ॥

ଦୁଃଖଵିନାଶନ ଦଲିତମନୋନ୍ମନ ଚଂଦନଲେପିତଚରଣ ଶିଵ ॥

ଧରଣୀଧର ଶୁଭ ଧଵଳଵିଭାସ୍ଵର ଧନଦାଦିପ୍ରିୟଦାନ ଶିଵ ॥

ନାନାମଣିଗଣଭୂଷଣ ନିର୍ଗୁଣ ନଟନଜନସୁପ୍ରିୟନାଟ୍ୟ ଶିଵ ॥

ପନ୍ନଗଭୂଷଣ ପାର୍ଵତିନାୟକ ପରମାନଂଦ ପରେଶ ଶିଵ ॥

ଫାଲଵିଲୋଚନ ଭାନୁକୋଟିପ୍ରଭ ହାଲାହଲଧର ଅମୃତ ଶିଵ ॥

ବଂଧଵିନାଶନ ବୃହଦୀଶାମରସ୍କଂଦାଦିପ୍ରିୟ କନକ ଶିଵ ॥

ଭସ୍ମଵିଲେପନ ଭଵଭୟନାଶନ ଵିସ୍ମୟରୂପ ଵିଶ୍ଵେଶ ଶିଵ ॥

ମନ୍ମଥନାଶନ ମଧୁପାନପ୍ରିୟ ମଂଦରପର୍ଵତଵାସ ଶିଵ ॥

ୟତିଜନହୃଦୟନିଵାସିତ ଈଶ୍ଵର ଵିଧିଵିଷ୍ଣ୍ଵାଦି ସୁରେଶ ଶିଵ ॥

ରାମେଶ୍ଵର ରମଣୀୟମୁଖାଂବୁଜ ସୋମେଶ୍ଵର ସୁକୃତେଶ ଶିଵ ॥

ଲଂକାଧୀଶ୍ଵର ସୁରଗଣସେଵିତ ଲାଵଣ୍ୟାମୃତଲସିତ ଶିଵ ॥

ଵରଦାଭୟକର ଵାସୁକିଭୂଷଣ ଵନମାଲାଦିଵିଭୂଷ ଶିଵ ॥

ଶାଂତିସ୍ଵରୂପ ଜଗତ୍ତ୍ରୟ ଚିନ୍ମୟ କାଂତିମତୀପ୍ରିୟ କନକ ଶିଵ ॥

ଷଣ୍ମୁଖଜନକ ସୁରେଂଦ୍ରମୁନିପ୍ରିୟ ଷାଡ୍ଗୁଣ୍ୟାଦିସମେତ ଶିଵ ॥

ସଂସାରାର୍ଣଵନାଶନ ଶାଶ୍ଵତସାଧୁହୃଦିପ୍ରିୟଵାସ ଶିଵ ॥

ହର ପୁରୁଷୋତ୍ତମ ଅଦ୍ଵୈତାମୃତପୂର୍ଣ ମୁରାରିସୁସେଵ୍ୟ ଶିଵ ॥

ଳାଳିତଭକ୍ତଜନେଶ ନିଜେଶ୍ଵର କାଳିନଟେଶ୍ଵର କାମ ଶିଵ ॥

କ୍ଷରରୂପାଦିପ୍ରିୟାନ୍ଵିତ ସୁଂଦର ସାକ୍ଷିଜଗତ୍ତ୍ରୟ ସ୍ଵାମି ଶିଵ ॥

ସାଂବସଦାଶିଵ ସାଂବସଦାଶିଵ ସାଂବସଦାଶିଵ ସାଂବଶିଵ ॥

ଇତି ଶ୍ରୀସାଂବସଦାଶିଵ ମାତୃକାଵର୍ଣମାଲିକା ସ୍ତୋତ୍ରମ୍ ।