ମୁରାରି ପଂଚ ରତ୍ନ ସ୍ତୋତ୍ରମ୍ | Murari Pancha Ratna Stotram In Odia
Also Read This In:- Bengali, English, Gujarati, Hindi, Kannada, Malayalam, Marathi, Punjabi, Sanskrit, Tamil, Telugu.
ୟତ୍ସେଵନେନ ପିତୃମାତୃସହୋଦରାଣାଂ
ଚିତ୍ତଂ ନ ମୋହମହିମା ମଲିନଂ କରୋତି ।
ଇତ୍ଥଂ ସମୀକ୍ଷ୍ୟ ତଵ ଭକ୍ତଜନାନ୍ମୁରାରେ
ମୂକୋଽସ୍ମି ତେଽଂଘ୍ରିକମଲଂ ତଦତୀଵ ଧନ୍ୟମ୍ ॥ 1 ॥
ୟେ ୟେ ଵିଲଗ୍ନମନସଃ ସୁଖମାପ୍ତୁକାମାଃ
ତେ ତେ ଭଵଂତି ଜଗଦୁଦ୍ଭଵମୋହଶୂନ୍ୟାଃ ।
ଦୃଷ୍ଟ୍ଵା ଵିନଷ୍ଟଧନଧାନ୍ୟଗୃହାନ୍ମୁରାରେ
ମୂକୋଽସ୍ମି ତେଽଂଘ୍ରିକମଲଂ ତଦତୀଵ ଧନ୍ୟମ୍ ॥ 2 ॥
ଵସ୍ତ୍ରାଣି ଦିଗ୍ଵଲୟମାଵସତିଃ ଶ୍ମଶାନେ
ପାତ୍ରଂ କପାଲମପି ମୁଂଡଵିଭୂଷଣାନି ।
ରୁଦ୍ରେ ପ୍ରସାଦମଚଲଂ ତଵ ଵୀକ୍ଷ୍ୟ ଶୌରେ
ମୂକୋଽସ୍ମି ତେଽଂଘ୍ରିକମଲଂ ତଦତୀଵ ଧନ୍ୟମ୍ ॥ 3 ॥
ୟତ୍କୀର୍ତିଗାୟନପରସ୍ୟ ଵିଧାତୃସୂନୋଃ
କୌପୀନମୈଣମଜିନଂ ଵିପୁଲାଂ ଵିଭୂତିମ୍ ।
ସ୍ଵସ୍ୟାର୍ଥ ଦିଗ୍ଭ୍ରମଣମୀକ୍ଷ୍ୟ ତୁ ସାର୍ଵକାଲଂ
ମୂକୋଽସ୍ମି ତେଽଂଘ୍ରିକମଲଂ ତଦତୀଵ ଧନ୍ୟମ୍ ॥ 4 ॥
ୟଦ୍ଵୀକ୍ଷଣେ ଧୃତଧିୟାମଶନଂ ଫଲାଦି
ଵାସୋଽପି ନିର୍ଜିନଵନେ ଗିରିକଂଦରାସୁ ।
ଵାସାଂସି ଵଲ୍କଲମୟାନି ଵିଲୋକ୍ୟ ଚୈଵଂ
ମୂକୋଽସ୍ମି ତେଽଂଘ୍ରିକମଲଂ ତଦତୀଵ ଧନ୍ୟମ୍ ॥ 5 ॥
ସ୍ତୋତ୍ରଂ ପାଦାଂବୁଜସ୍ୟୈତଚ୍ଛ୍ରୀଶସ୍ୟ ଵିଜିତେଂଦ୍ରିୟଃ ।
ପଠିତ୍ଵା ତତ୍ପଦଂ ୟାତି ଶ୍ଲୋକାର୍ଥଜ୍ଞସ୍ତୁ ୟୋ ନରଃ ॥ 6 ॥
ଇତି ମୁରାରି ପଂଚରତ୍ନମ୍ ।