ଜଗନ୍ନାଥାଷ୍ଟକମ୍ | Jagannath Ashtakam In Odia

Also Read This In:- Bengali, English, Hindi, Gujarati, Kannada, Malayalam, Marathi, Punjabi, Sanskrit, Tamil, Telugu.

କଦାଚିତ୍-କାଲିଂଦୀ ତଟଵିପିନ ସଂଗୀତକରଵୋ
ମୁଦାଭୀରୀ ନାରୀଵଦନ କମଲାସ୍ଵାଦମଧୁପଃ ।
ରମା ଶଂଭୁ ବ୍ରହ୍ମାମରପତି ଗଣେଶାର୍ଚିତ ପଦୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ 1 ॥

ଭୁଜେ ସଵ୍ୟେ ଵେଣୁଂ ଶିରସି ଶିଖିପିଂଛଂ କଟିତଟେ
ଦୁକୂଲଂ ନେତ୍ରାଂତେ ସହଚରକଟାକ୍ଷଂ ଵିଦଧତେ ।
ସଦା ଶ୍ରୀମଦ୍ଵୃଂଦାଵନଵସତିଲୀଲାପରିଚୟୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ନେ ॥ 2 ॥

ମହାଂଭୋଧେସ୍ତୀରେ କନକରୁଚିରେ ନୀଲଶିଖରେ
ଵସନ୍ ପ୍ରାସାଦାଂତସ୍ସହଜ ବଲଭଦ୍ରେଣ ବଲିନା ।
ସୁଭଦ୍ରା ମଧ୍ୟସ୍ଥସ୍ସକଲସୁର ସେଵାଵସରଦୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ 3 ॥

କୃପା ପାରାଵାରାସ୍ସଜଲ ଜଲଦ ଶ୍ରେଣିରୁଚିରୋ
ରମାଵାଣୀ ରାମସ୍ଫୁରଦମଲ ପଂକେରୁହମୁଖଃ ।
ସୁରେଂଦ୍ରୈରାରାଧ୍ୟଃ ଶ୍ରୁତିଗଣଶିଖା ଗୀତ ଚରିତୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ 4 ॥

ରଥାରୂଢୋ ଗଚ୍ଛନ୍ ପଥି ମିଲିତ ଭୂଦେଵପଟଲୈଃ
ସ୍ତୁତି ପ୍ରାଦୁର୍ଭାଵଂ ପ୍ରତିପଦମୁପାକର୍ଣ୍ୟ ସଦୟଃ ।
ଦୟାସିଂଧୁର୍ବଂଧୁସ୍ସକଲ ଜଗତା ସିଂଧୁସୁତୟା
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ 5 ॥

ପରବ୍ରହ୍ମାପୀଡଃ କୁଵଲୟ-ଦଲୋତ୍ଫୁଲ୍ଲନୟନୋ
ନିଵାସୀ ନୀଲାଦ୍ରୌ ନିହିତ-ଚରଣୋଽନଂତ-ଶିରସି ।
ରସାନଂଦୋ ରାଧା-ସରସ-ଵପୁରାଲିଂଗନ-ସଖୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ 6 ॥

ନ ଵୈ ୟାଚେ ରାଜ୍ୟଂ ନ ଚ କନକ ମାଣିକ୍ୟ ଵିଭଵଂ
ନ ୟାଚେଽହଂ ରମ୍ୟାଂ ନିଖିଲଜନ-କାମ୍ୟାଂ ଵରଵଧୂମ୍ ।
ସଦା କାଲେ କାଲେ ପ୍ରମଥ-ପତିନା ଗୀତଚରିତୋ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ 7 ॥

ହର ତ୍ଵଂ ସଂସାରଂ ଦ୍ରୁତତରମସାରଂ ସୁରପତେ
ହର ତ୍ଵଂ ପାପାନାଂ ଵିତତିମପରାଂ ୟାଦଵପତେ ।
ଅହୋ ଦୀନୋଽନାଥେ ନିହିତଚରଣୋ ନିଶ୍ଚିତମିଦଂ
ଜଗନ୍ନାଥଃ ସ୍ଵାମୀ ନୟନପଥଗାମୀ ଭଵତୁ ମେ ॥ 8 ॥

ଜଗନ୍ନାଥାଷ୍ଟକଂ ପୁନ୍ୟଂ ୟଃ ପଠେତ୍ ପ୍ରୟତଃ ଶୁଚିଃ ।
ସର୍ଵପାପ ଵିଶୁଦ୍ଧାତ୍ମା ଵିଷ୍ଣୁଲୋକଂ ସ ଗଚ୍ଛତି ॥